المساعد الشخصي الرقمي

مشاهدة النسخة كاملة : اآآآه يا صبر

RoRa
15-06-2007, 03:46 AM
اااااه يا صبر

بيقولوا الصبر جميل الصبر طيب
بيقولوا الصبر مفتاح الفرج وفرجه قريب

وادينا صبرنا صبرنا لما شبعنا
ولسه جعانين
لسه عريانين
لسه مش لاقيين
ولسه غرقانين

ياخوفى م الصبر الطيب
ليكون الفرج مش قريب

ااااااه يا صبر
نبنى بيوت ع الرمل
نبنيها بصبر
تتهد اول ما حد يعدى عليها
او اول موجة تيجى تشيلها
ومنلحقش من الموجة نحميها
ونصبر ولا بيهمنا
نصبر ويطول صبرنا

يا خوفى م الصبر الطيب
ليكون الفرج مش قريب

اااااه يا صبر
نحلم ونطلع باحلامنا لفوق
نحلم ومش عايزين حتى نفوق
خايفين لا الاحلام تروح
او تتحول لاوهام وجروح
نحلم ونصبر
وياريت للصبر حدود

يا خوفى م الصبر الطيب
ليكون الفرج مش قريب
ااااااااه يا صبر
2007
ojo
15-06-2007, 04:06 AM
حلوه اوى اوى اوى
RoRa
15-06-2007, 05:12 PM
ميرسى اوى اوى اوى
:bye::bye:
Timon_Bumpa
15-06-2007, 05:56 PM
يا صبر ايوب !!!

انا اول مرة اقعد اقرا المواضيع للاخر كدة
مواضيعك بجد تحفة
وتشد الواحد للاخر
holy.girl
15-06-2007, 11:33 PM
ميرسي ليكي يا رورتي كتير علي مواضيعك دي قوووووووووي
RoRa
16-06-2007, 12:56 AM
ميرسى بجد على مجاملتكم الرقيقة وردودكم المشجعة
اريد حبا
18-06-2007, 10:41 AM
من يصب الي المنتهئ يفوز بحياه الابدية

اشكرك واذكروني في صلواتكم
RoRa
13-01-2008, 01:03 AM
ميرسى خالص