المساعد الشخصي الرقمي

مشاهدة النسخة كاملة : بلدى (من غير تريقة)


RoRa
15-06-2007, 03:38 AM
مــــصــر

يا مصر يا حلوة يا أحلى من السكر
يا غالية عندى .. زى عنيا وأكتر
بلدى حبيبتى يا حتة من قلبى
تعيشى ليا وأديكى كل حبى
فداكى كل حياتى وعمرى
يا أمى ده حبك فى دمى بيسرى
زارك حبيبى ولف فيكى
احتمى فيكى وهو حاميكى
وبارك ولادك شعبك حبيبك
باركهم بنفسه لما مر فى طريقك
مرت عليكى صعاب وآلام
وشعبك كتير مكنش ينام
ولو كنت منهم معاهم زمان
مكنتش هسيبك يا أغلى مكان
بلادى الحبيبة بدمك حاربتى
لكل ولادك تعيشى حبيبتى
بصلى وبدعى لرب الأنام
يديكى فرحة وحب وسلام

وبادعى لربى فى كل صلاه
يكتر فى خيرك طول الحياه

2007

ojo
15-06-2007, 04:08 AM
شكرا على الكلام الحلو ده
بس انتى بتحبى مصر اوى كده
بلادى بلادى بلادى

Timon_Bumpa
15-06-2007, 01:16 PM
ايوة
يوم ماتدخل على الموضوع دة
تعرف

انك اكيد فى مصر !!!

:giveup:

RoRa
15-06-2007, 01:34 PM
هههههههه
ميرسى على الردود اللذيذة

holy.girl
15-06-2007, 03:09 PM
جميل خالص خالص يا رورتي بتحبي مصر قوي كده ده اكيد علشان ربنا كمان مباركها يبقي لازم نحبها

KERO
15-06-2007, 03:29 PM
يبقى انتا اكيد اكيد فى مصر هاهاها


حلو اوى

RoRa
15-06-2007, 04:32 PM
ميرسى على ردودكم الجميلة

اريد حبا
18-06-2007, 10:54 AM
مبارك شعب مصر

على فكرة كان يقصد بالاكتر ولاده اللى فى مصر
لانه قال مبارك شعبى مصر

ميرسى خالص على ردك الجميل

RoRa
13-01-2008, 01:23 AM
ميرسى يا جماعة جدا على ردودكم الحلوة

bros core
13-01-2008, 11:11 AM
هههههههههههههههههههه
الدعاء فى البلد دى بالذات
بيجى بالعكس .............
ميرسى يا رورا على الشعر
الجامد اووووووووووووى ده
وربنا يباركك

michaelfriends2007
13-01-2008, 09:44 PM
جميل اوى الاسلوب وعندك سجع جميل كمل وخلى عندك ثقة فى نفسك

RoRa
14-01-2008, 09:36 AM
ميرسى خالص