ياللى فاكر ان مفيش حد بيحبك

[RoRa]

ياللى فاكر ان مفيش حد بيحبك
مفيش حد مهتم بيك
ياللى عايز كل الدنيا تعرفك وتحبك
تفتكر انك فعلا تستاهل الحب ده
تفتكر انك فعلا محتاجه؟
مش هتعيش من غيره؟
ياابنى
كفاية قلب واحد يحبك
حضن واحد يدفيك
كفاية ايد واحده تطبطب عليك
كفاية عليك هو بس يكفيك
ايه ؟!ربنا مش مكفيك!!
واخواتك اللى بيحبوك
مش لازم كل الناس تحبك
السيد المسيح نفسه
لما كان على الارض
مكنتش كل الناس بتحبه
رغم انه كان يجول يصنع خيرا ً
يعنى كان يستاهل حب العالم كله
حب السما والارض اللى خلقهم
لكنه
جاء لخاصته وخاصته لم تقبله
اهله وناسه
رفضوه
اهانوه وطردوه وألموه
وفى الاخر
قتلوه
وانت؟
عملت ايه؟
تستاهل ايه؟
كفاية عليك حبه ليك
هو اللى بجد حبك وحبه مكفيك

[ojo]

حلوه اوى اوى اوى اوى ميرسى على تعبك كتييييير وربنا يعوضك

[Timon_Bumpa]

وانت؟
عملت ايه؟
تستاهل ايه؟


No thing :cry:

[holy.girl]

مش لازم كل الناس تحبك

ميرسي ليكي كتيير ربنا يعوضك

[RoRa]

ميرسى لردودكم الجميلة

[M33n4]

:cry: ميرسى ليكى كتير

كل واحد ربنا بيحبه بس السؤال هل انت بتحب ربنا

انا نفسى اتعلم كيف احبه :question:

[RoRa]

اطلب من ربنا هو اكتر واحد قادر يحط حبه فى قلبك ويعلمك ازاى تحبه
انا بصلى مع اطفال مدارس احد دايما " يارب .. علمنا ازاى نحبك"
صليها انت كمان من قلبك وربنا هيحققلك مشتهى قلبك عشان هو بيحبك اوى وعايزك تحبه اوى

[M33n4]

ميرسى ليكى يا رورا ربنا يعوض تعب محبتك معانا

[اريد حبا]

وانت؟
عملت ايه؟
تستاهل ايه؟
كفاية عليك حبه ليك
هو اللى بجد حبك وحبه مكفيك

اذكروني في صلواتكم

[donjowan]

تفتكر انك فعلا تستاهل الحب ده


مش هتعيش من غيره؟


وانت؟
عملت ايه؟



حقيقى كلام يستحق التفكير فعلا

[aseeemo]

كلام جميل ملوش مثيل
بس نفسى اعرف تقصدى مين
ربنا يعوض تعب محبتك

[insomnic]

كلام جميل ملوش مثيل

بس نفسى اعرف تقصدى مين

ربنا يعوض تعب محبتك


الكلام ده المقصود بيه الناس اللي بتحس ان مفيش حد بيحبها او بيها
و الناس اللي بتدور علي الحب ده في كل مكان بتروحوا و في اي قلب بتاقبلوا
و يمكن بتقع في مشاكل و غلطات كبيره بسبب الموضوع ده
مع انها لو فكرت ثانيه واحده هتعرف ان ربنا بيحبها و بيخاف عليها و هيكون هو افضل
صديق ليهم

موضوعك جميل اوي ربنا يباركك:thumbsup:

[RoRa]

ميرسى كتير اوى على ردك الجميل

وانا يا سيمو (زى مانت عارف) انى اقصد بالكلام ده اى حد بيدور على حب الناس كلها
وكل هدفه انه عايز كل الناس تحبه
وبكده بعبر عن رايى فى الاحساس ده انه مش محبب
وبنقل احساسى بان ربنا لوحده بحبه بيكفينى
وكمان اصحابى القريبين او قرايبى او اهلى اللى طبعا بيحبونى
بـــــــس

ياريت يكون الموضوع عجبك
وقول رايك بصراحة انا مش هزعل
لان كل واحد له راى ووجهة نظر
والاختلاف فى الراى لا يفسد للود قضية
وانا مش حاطة الموضوع عشان كله يقولى برافو هايل
لا ياريت كل واحد يتكلم عن رايه بصراحه
وفى الاول والاخر ده رايى وكلامى واحساسى الخاص بيا لكنه مش مفروض عليكم طبعا

[aseeemo]

انا مش هقولك برافو و لا هايل
بس الكلام بجد جميل اوى
بس انا اعتقد ان ممكن حب الله يكمن فى حب الناس
لأ ن الله قال احبوا بعضكم بعضا وقال بردو الله محبه
فانا لو حبيت اللى حواليا و طلبت منهم الحب دة متهيقلى مش كتير عليا
شكرا على اهتمامك بردى
ربنا ينمى موهبتك

[ابن يسوع الناصرى]

على فكرة موضوووعك حلو خالص فعلا يسوع بيحبنى عشاان كدة هو جة من اجلى ليحررنى من الخطية ويخلينى احب كل الناس حتى الاعداء اد اية يا ربى يا حبيبى يسوع المسيح انت حنووووون وجميل يا ربى ولا انسى قوول الرب ف الوصية الاولى " ان تحب الرب الهك من قلبك وفكرك وعقلك"http://www.rabelmagd.com/vb/vb/my computer

[rina_dodo]

فعلا كلام جميل جدا وفيه تامل حلو
انا كمان بألف ترانيم وعايزة اكتبها لكم لكن للاسف مش عارفة ازاى,
ياريت حد يقولى انا ايميلى ده ***************
وربنا يعوض تعب محبتكم ويبارك فى خدمتكم.

[RoRa]

ميرسى على الردود الحلوة

وقسمنا على فكره مفتوح لاى مواهب نشجعها مع بعض
تقدرى تفتحى قسم المواهب وتتكى على موضوع جديد وتكتبى الموضوع بمنتهى السهولة
لو احتجتى اى حاجة ابعتيلى انا فى خدمتك

[sasa_star]

ميرسى ليكى يا رورا على الموضوع الجميل جدااااا
ربنا يعوض تعبك محبتك لاخواتك

[RoRa]

ميرسى كتير