السبب الحقيقى وراء بطىء النت حاليا (متابعه اخر تطورات الموقف)

[-m2m-]

لو لاحظت ان الانترنت بطىء جدا منذ الامس فالسبب ليس بجهازك او شبكتك
ولكن السبب الحقيقى وراء ذلك هو انقطاع كبلين الياف ضوئيه عملاقين (مصدر الانترنت فى مصر هو كابلات الاليلف الضوئيه عبر المتوسط من اوربا) الممتد فى البحر الابيض المتوسط وذلك بسبب الاحوال الجويه السيئه (او احد المراكب العملاقه)

وتم انقطاع خدمه الانترنت بالامس فى كثير من شركات النت وتم تقسيم السرعات على جميع الشركات وذلك لضمان وصول الخدمه الى الجميع

ومنذ صباح اليوم تم تخفيض سرعات الانترنت الى اكثر من النصف (انت دلوقتى شغال ب40% بس من سرعتك الحقيقيه)
وبمرور48 ساعه سيتم رفع النسبه الى 80%

المصدر:تصريح وزير الاتصالات المصرى نقلا عن برنامج البيت بيتك

m2m

[ArMaNdO]

ربنا يخليك يا ام تو ام طمتني انا قاعد اقول البطئ ده من ايه ده انا بقيت بسرعه كارت المودم ومش عارف لسه ايه تاااااااااني طمتني كتيرررررررررررر

[donjowan]

شكرا يا ام
انا كنت متوقع انه من الطقس فعلا
بس مكنتش اعرف انه اساسه كبلات كده

[herbie]

thnx m2m
a'7ern 3rft l nt bte2 3nde leh
:S

[M33n4]

شكرا ليك يا m2m على الاخبار
انا حبيت اضيف الخبر مفصل بعد اذنك طبعا







واستعرض كامل في اجتماع مع قيادات الوزارة وقطاع الاتصالات تقريرا للشركة المصرية للاتصالات بشأن القطع المفاجئ‏‏ الذي حدث في الساعة السادسة من صباح الأربعاء في منطقة بالبحر المتوسط تبعد نحو عشرة كيلو مترات شمال مدينة الإسكندرية.وذلك نقلا عن صحيفة "الأهرام" يوم الخميس.

وكانت نسبة تعطل خدمة الإنترنت في مصر قد وصلت إلى 70 % مساء الأربعاء ، بالإضافة إلى تأثر خدمات مراكز خدمة العملاء‏‏ التي تقوم بتصدير خدماتها للخارج بنسب متفاوتة تتعدى الـ‏30% ، فضلا عن تأثرت بعض المكالمات التليفونية مع أوروبا وأمريكا‏ كما تأثرت حركة التداول داخل البورصة المصرية‏.‏

يأتي ذلك في الوقت الذذي بدأت فيه الشبكة في العودة تدريجياً ، وعادت بالفعل بعض المواقع العالمية للعمل بكفاءة مثل google.com.

وأصدرت وزارة الاتصالات مساء الأربعاء بياناً قال فيه الدكتور طارق كامل وزير الاتصالات وتكنولوجيا المعلومات إنه لم يعرف سبب قطع الكابل، لكنه أكد أن إصلاحه قد يستغرق عدة أيام قد تصل إلى أسبوعاً.


وأضاف كامل أنه شكل غرفة عمليات لسرعة تشغيل الإنترنت ، والتغلب على الانقطاع الجزئي في خدمات الاتصالات، من خلال مسارات بديلة من السويس ومن خلال الأقمار الصناعية.

وحدد وزير الاتصالات هذا القطع في كابل شركة "فلاج" العالمية وكابل مؤسسة "سيمي وي‏4"‏ اللذين يداران بمعرفة الشركات العالمية بالتنسيق مع الشركة المصرية للاتصالات‏ ، ولم يتم بعد تحديد سبب القطع بطريقة نهائية‏.‏

وأكدت الشركات العالمية‏‏ التي تقوم بتقديم الخدمة‏ أن التأثير شمل دولا عربية أخرى في المنطقة وخارجها بدرجات متفاوتة منها السعودية‏ ، الإمارات ،‏ قطر‏ ،‏ الهند ، البحرين‏ ، واليمن ،‏ حيث وصل الانقطاع في بعضها إلى صورة شبه كاملة لخدمات الإنترنت‏.‏

وقامت الشركة المصرية للاتصالات وجهاز تنظيم الاتصالات بالاتصال بمنظمة‏(‏ ميكما‏)‏ العالمية المتخصصة في إصلاح الكابلات البحرية للتوجه إلى مكان العطل بالتعاون مع الشركات العالمية المالكة لهذه الكابلات‏ لبدء إجراءات إصلاح العطل‏ والانقطاع الذي ينتظر أن يستمر عدة أيام حتى تعود الخدمة لمستواها الطبيعي‏.‏

وعلى الرغم من تأكيد أحد سماسرة البورصة المصرية بأن التعطل أثر على أوامر بيع وشراء خارجية، إلا أن حركة المداولات استمرت بشكل طبيعي الأربعاء، ولم يتضح على الفور حجم تأثير الانقطاع على الخدمات المالية في مصر.

ومن جانبه ، قال أشرف حسن مدير مبيعات بشركة مصر للطيران إن التعطل أوقف بيع تذاكر الطيران في مطار القاهرة الدولي، لكنه لم يتسبب في تأخير أي رحلات

[-m2m-]

شكرا ل ارماندو ودنجوان (العلئد بقوه) وهربيى وشكر خاص ل مينا(صاحب المشاركات المتميزه دوما)

وربنا يصبرنا على نت السحالف ده

[donjowan]

ودنجوان (العلئد بقوه)

شكرا يا ام
بس هى ظروف اللى بتمنع دخولى المستمر
بتبقى غصب عنى صدقنى
وهحاول مقصر على اد ما اقدر

[-m2m-]

شكرا يا ام
بس هى ظروف اللى بتمنع دخولى المستمر
بتبقى غصب عنى صدقنى
وهحاول مقصر على اد ما اقدر



ربنا معاك ويوفقك يارب

[-m2m-]

صباح اليوم 2-2-2008
تم استعاده سعه النت بنسبه 55%
وسيتم زياده سعه النت الى70% خلال 24 ساعه (بس انامش مصدق انها 24ساعه)

مكان قطع الكابلات
على بعد 10كيلو متر من الساحل المصرى (تقريبا قريب من اسكندريه)
تضرر كابلين على بعد كيلو متر واحد بينهما بعمق 50كيلو متر تحت سطح البحر

الكابلات اللى اتعرضت للقطع
كابلين الياف ضوئيه من اصل ثلاث كابلات تمد مصر بخدمه الانترنت والاتصالات الدوليه

المتضررين
مصر بشكل جزئى بعض دول الخليج بشكل كلى (منها السعوديه) بعض الدول الاروبيه منها من تضرر بشكل طفيف

مصدر الكابل
من سنغافوره مرورا بعده دول منها مصر

تصل يوم الثلاثاء القادم سفينه اصلاح بريطانيه للتعامل مع الموقف (اعتقد انها سفينه معاينه لان الاصلاح بيتم بغواصات فى الاغلب زى ماحصل فى شرق اسيا لما اتقطع22 كبل منذ سنوات)


ملحوظه اخيره
الكابل ليس ملكيه مصريه ولكن تملكه الشركه اللى بتزود المنطقه بخدمه الانترنت
وفى غضون سنتين قادمتين ستمتلك شركه مصريه كابلين جديدين يمدونا بخدمات الانترنت

نداء اخير
نادى وزير الاتصالات المصرى والقائمين على الاتصالات بمصر كافه مستخدمى الانترنت(وخص بالذكر الشباب) ترشيد الاستهلاك (يعنى ياريت محدش يعمل داونلود فى الاسبوع ده)
والسبب ان فيه خدمات حيويه بتتوقف على الانترنت زى المطارات والبورصه لوالنت قطع عندهم هتبقى كارثه بس لو احنا معملناش داونلود فى الاسبوع ده مش هنتأثر زيهمم

بس خلاص
m2m

[M33n4]

شكرا ليك يا m2m على التفاصيل الجديده بس انا عندى ملاحظه على الاقتباس ده


نداء اخير
نادى وزير الاتصالات المصرى والقائمين على الاتصالات بمصر كافه مستخدمى الانترنت(وخص بالذكر الشباب) ترشيد الاستهلاك (يعنى ياريت محدش يعمل داونلود فى الاسبوع ده)
والسبب ان فيه خدمات حيويه بتتوقف على الانترنت زى المطارات والبورصه لوالنت قطع عندهم هتبقى كارثه بس لو احنا معملناش داونلود فى الاسبوع ده مش هنتأثر زيهمم


انا سمعت الجمله دى من كذا واحد من اصحابى بس انا مش مقتنع خالص ان الحكومه والمنظمات الحكوميه مش عارفين ياخدوا حقهم من النت .... يعنى مثلا انا متاكد مليون الميه ان النت الضعيف الى وصل لمصر متقسم لقسمين الاول بيوفر المنظمات الحكوميه بالنت وده اكيد محمى من الداونلود والحاجات دى لان اكيد يعنى الحكومه مش هتغلب علشان تقسم النت " إذا كان بتوع وصلات النت بيعرفوا يقسموا النت باجهزه يبقى الحكومه مش هتعرف !!!!!! "
اما الجزء التانى من النت فده اكيد متوزع على الشركات الى بتوفر النت للمستخدمين العاديين الى زينا ...

شكرا ليك يا m2m مره اخرى

[-m2m-]

شكرا ليك يا m2m على التفاصيل الجديده بس انا عندى ملاحظه على الاقتباس ده





انا سمعت الجمله دى من كذا واحد من اصحابى بس انا مش مقتنع خالص ان الحكومه والمنظمات الحكوميه مش عارفين ياخدوا حقهم من النت .... يعنى مثلا انا متاكد مليون الميه ان النت الضعيف الى وصل لمصر متقسم لقسمين الاول بيوفر المنظمات الحكوميه بالنت وده اكيد محمى من الداونلود والحاجات دى لان اكيد يعنى الحكومه مش هتغلب علشان تقسم النت " إذا كان بتوع وصلات النت بيعرفوا يقسموا النت باجهزه يبقى الحكومه مش هتعرف !!!!!! "
اما الجزء التانى من النت فده اكيد متوزع على الشركات الى بتوفر النت للمستخدمين العاديين الى زينا ...

شكرا ليك يا m2m مره اخرى

مش عارف
بس كلامك مقنع اوى وانا كمان شاكك فى النقطه دى
بس اعتقد ان النت فى مصر ملوش صاحب (بمعنى مفيش حد يقدر يتحكم فيه)

يعنى مثلا فى شركات اتقطع عنها النت تماما وفي شركات اتاثرت سعتها (زى TE Data مثلا)
والشركات اللى عندها نت ساهمت بجزء من سعتها وقدمتها اللى الشركات الى النت اتقطع عندها تماما
وده حصل بكامل اراده الشركات دى دون تدخل من الدوله (وزى ماقال رئيس قسم الاتصالات فى برنامج صباح الخير يامصر "تفضلت تلك الشركات مشكوره بتقديم جزء من سعتها اللى الشركات المقطوع عنها النت تماما رغم المنافسه بينهما")

وعلى فكره احنا اخدنا سعات من كابلات جهه المغرب العربي (ده كل اللى نقدر نعمله)

وادينا مستنين السفينه البريطانيه وربنا يصبرنا ويصبرك يامنمن

[michael_kamal]

thank you very much m2m

[-m2m-]

thank you very much m2m
نورت الموضوع يا مايكل وشكرا لردك

[-m2m-]

الثلاثاء بدايه اعمال الاصلاح بمشاركه اروبيه
تستمر عمليات الاصلاح وتغير المسارات من10 ايام الى اسبوعين

لمستخدمى الديل اب شهر يناير مجانى ويخصم من قيه الفاتوره
لمستخدمى الدى اس ال شهر مجانى اضافى (يعنى انت لو دافع تمن 3شهور يبقوا4شهور)
المصدر: جريده الاخبار


وعن تغيير المسارات
لما الكابلين اتقطعوا وسعه النت وصلت ل40% خدنا سعات من كابلات اخرى متجها الى المغرب العربي (استا\لفنا سعه يعنى)
وعمليه تغيير المسارات يعنى التغير من الكابلات دى(بتاعه النغرب العربي) لكابلاتنا ( الاتنين المقطوعين)

m2m

[Timon_Bumpa]

(استالفنا سعه يعنى)

وانا اقول النت بقة كويس لية

بس سؤال
هل كدة ما فيش حد هيدفع شهر فبراير لو كان واخد وصلة ؟؟؟

[-m2m-]

وانا اقول النت بقة كويس لية

بس سؤال
هل كدة ما فيش حد هيدفع شهر فبراير لو كان واخد وصلة ؟؟؟



اول حاجه نورت الموضوع ياتيمون

وعن حكايه ان احنا مش هندفع شهر فبراير فاعتقد ان ده هيبقى صعب بالنسبه لينا (وهندفعه هندفعه للسيبر)
والمستفيد الوحيد هنا هو السيبر طبعا (مصائب قوم عند قوم فوائد)
بصراحه حاجه تغيظ ياتيمو
انابفكر اشترى كابل واريح دماغى

[-m2m-]

*مساء اليوم وصلت سعه الانترنت فى مصر الى70%
وينتظر رفع النسبه غدا الى 80%
*تأكيد حول قرار الشهر المجانى (للديل اب والدى اس ال)
*غدا وصول المركب البريطانى لبعد عمليات الاصلاح


المصدر: برنامج 90 دقيقه
اتصال هاتفى مع الصحفى/شريف عبد الباقى (صحفى متخصص فى مجال الصحافه الالكترونيه)

m2m

[gooono]

شكرا يا ام تو ام على المعلومات الرهيبة دية الى عمرى مهعرفها خالص ربنا يبارك حياتك

[-m2m-]

شكرا يا ام تو ام على المعلومات الرهيبة دية الى عمرى مهعرفها خالص
ربنا يبارك حياتك

يارب خليك ياجونو
وبعدين انامبعملش حاجه غير انى بنقل الخبر وبس يعنى حتى مستهلش الشكر

[-m2m-]

*استبعد وزير النقل المصرى ان يكون سبب قطع كبلى النت هو مرور سفينه عملاقه
المصدر:جريده الاهرام


*وصلت سعه الانترنت فى مصر صباح اليوم الى80% من السعه الاصليه
المصدر:خدمه اخبار مصر موبايل


*احلى كلام*
مصر لم تتأثر بانقطاع االانترنت
مصر لم تتأثر بزلزال شرق اسيا
مصر لم تتأث بانقلونزا الطيور
مصر لم تتأث بقرارات البرلمان الاوربى
ايه هى مصر مبتحسش

بقلم :محمد عمر جريده اخبار اليوم


m2m