الارتباط ........

[holy.girl]

موضوع الارتباط بيختلف من شخص لاخر فيه مثلا ناس واخده الارتباط ده علي اساس انه حاجه روتينيه انه يرتبط بحد يخدمه يوفرله طلباته ويجيبوا اطفال يعلموهم ربنا وهكذا وتمر الحياه مممممممم طب يا تري ده لسه موجود ولا الاراء بتختلف في حكايه الارتباط دي ؟ احب اعرف وجهه نظركوا بالنسبه للارتباط ؟؟؟؟؟؟؟

[Timon_Bumpa]

انا معاكى فى رأيك
ان كل واحد بيشوف الارتباط من وجة نظرة

فية اللى واخدة شر لابد منة
" الاغلبية كدة دلوقتى "

او حاجة روتينية حاجة اجتماعية لازم الواحد يمر بيها فى حياتة
" قديم قوى "

او حد يخدمة ويوفر لة طلباتة
" انانى قوى دة "

او اللى عايز يجيب اطفال وخلاص
" مش عارف اية وجع الدماغ دة "

وفية اللى واخد الموضوع على اساس الحب وان دة التتويج الحقيقى للحب
" رومانسى قوى دة "

وفية اللى واخد الموضوع على اساس روحى انة عايز يعمل كنيسة صغيرة فى بيتة
" صعب تلاقية دلوقتى "

وكل واحد لة اسبابة الخاصة طبعا
ومش لازم يكون نوع واحد من اللى ذكروا فوق دول او بنفس الدرجة يعنى
ممكن قوى يكون خليط من كذا نوع وبدرجات مختلفة

انا عن نفسى
الارتباط بيمثلى المستقبل والحياة الجديدة التى اتمناها
والبطيخة اللى لا اما تطلع حمرا لا اما قرعة

مستنى باقى الاراء
عايزين نستفيد من اراء بعض
:thumbsup:


وشكرا قوووووى يا هولى على اثارة المواضيع دى

[holy.girl]

موضوووووووووووووووووووع جااااااامد يا هولى
وردود اجممممممممممممممممد يا بومبا انا معاك يا تيمو

ميرسي لردودكم كتير علي الموضوع وميرسي لردك يا بومبا بس حكايه بطيخه دي مش لذيذه خالص في حاجه اسمها بطيخه امال فتره الخطوبه دي ليه مش علشان تعرف الشخص كويس وبعدين في بدايه حتي التعرف لازم يكون فيه معرفه جامده مش اي كلام لكن حكايه بطيخه دي يبقي انت واخد حد كده وخلاص تنقيه والسلام ولا ايه رايكوا

اه ياتيمون بطيخه دى يعنى انت لغيت كل الكلام الى قولته وبتاخد الكلام ده على انه روتين المفروض انك تعمله وملتزم بيه وهى اى حاجه وخلاص دا معنى كلمه بطيخه
انا شخصيا لو اتجوزت مش هتجوز عشان اجيب عيال لانى مش ناوى اوجع دماغى
بس انا هتجوز حب لاكن شم هجيب عيال الا قدام شويه لما ابقى تمام واظبط نفسى وامن ليهم مستقبلهم من قبل ما يجو طبعا



اه ياتيمون بطيخه دى يعنى انت لغيت كل الكلام الى قولته
وبتاخد الكلام ده على انه روتين المفروض انك تعمله وملتزم بيه
وهى اى حاجه وخلاص دا معنى كلمه بطيخه


اولا مش فاهم كلامك وحاسس انك مافمهتنيش انت كمان
وحكاية البطيخة دى
كل واحد حر فى راية
لا اما تقفلوا باب النقاش بقة
عاوزين تسمعوا الكلام اللى على مزاككم وتلغوا الباقى
دى حاجة ترجع لكم
ســـلام
:poster_offtopic:

[holy.girl]

اولا مش فاهم كلامك وحاسس انك مافمهتنيش انت كمان


ههههههههههه في ايه يا تيمون الحكايه مش مستاهله هي مساله اختلاف نظر او يمكن احنا مش بنحب البطيخ عادي يعني هي اختلاف وجهات نظر مش اكتر

وحكاية البطيخة دى
كل واحد حر فى راية



ده اكيد طبعا واي موضوع بيتفتح بيبقي فيه اختلاف وجهات نظر مش اكتر كل موضوع لازم يبقي فيه كده طبعا واكيد مش كل الناس نظراتها متشابهه
لا اما تقفلوا باب النقاش بقة
ماهو علشان نقفل باب النقاش يبقي نقفل منتدي النقاش العام كله لا طبعا كل موضوع بندخل نتكلم فيه سوا ممكن واحد يقول راي ميعجبش التاني ادينا بنتناقش مع بعض

عاوزين تسمعوا الكلام اللى على مزاككم وتلغوا الباقى



ازاي بقي لا طبعا علشان زي ما كل واحد بيقول رايه لازم يسمع راي التاني وزي ما ممكن راي ميكنش عاجب حد ممكن راي اي حد تتاني ميعجبنيش

دى حاجة ترجع لكم

في حاجه اسمها دي حاجه ترجعلكم امال فين النقاش بقي الله لازم كل موضوع يتفتح يتناقش فيه مش نقفله من مجرد ان رايين اختلفوا ولا ايه
ســـلام


:poster_offtopic:



طب نقفله ليه مكناش بقي فتحناه من الاول يااااااااخبر كل ده علشان بطيخه مممممم معتقدش انه الموضوع مستاهل لكل ده انت شايفها كده حد تاني شايفها حاجه تانيه وفيها ايه يعني عادي ويالا بقي نكمل موضوع الارتباط اللي انا متاكده ان تيمون مش عايز يلغيه وعارفهكمان ان لازم الكل يحترم اراء الباقيين زي ما فيه قبول فيه رفض ده اكيد ودي ما اساليب النقاشواعراضه المحتمله.... يالا دلوقتي كل واحد يقول
ايه رايكوا ان المسيحيه مفيهاش طلاق ؟؟؟؟؟؟ولا بتعتبروا دي تدبيسه ههههه ؟؟؟؟؟

[magic_moon]

عندك حق ياهولي المفروض ناخد الامور اهدي من كده ومش لازم بطيخ خالص علشان تيمو ميزعلش

ومتهيالي بقي ان مفيش عندنا طلاق دي مش تدبيسه ولا حاجه لان الاتنين بيبقي جسد وروح واحد زي ما الكتاب المقدس بيقول لكن كتير بنسمع ان فيه ناس حياتهم مع بعض بتبقي مستحيله بس اعتقد ان العيب بيبقي من حد فيهم بس مش عارفه ده الحل ليهم يبقي ايه .........

ياريت تقولوا رايكم مستنيه اعرف

[اريد حبا]

المسيح خلق ادم وشعر بانه وحيد وبعد ذلك خلق حواء ليصير الاثنان جسد واحد
فالله خلق حواء من ضلع ادم ليكمل به نصفه الاخر وهو ادم
وفي مراسم الزواج يصير الزوج لازوجة الاب والام والاخ وهو الذي يهتم بها فالارتباط شيئ مقدس
يعقوب اشتغل 14 سنه علشان رحيل

الذي جمعه الله لا يفرقه انسان

بس بيني وبنكم الحريه حلو

[holy.girl]

بس بيني وبنكم الحريه حلو


تقصد ايه بقي بحكايه الحريه حلوه دي مش فاهمه يعني

[insomnic]

لا طبعا حكايه الطلاق دي مش تدبيسه
لانها ببساطه بترفع من قيمه الارتباط ده
و بتتحسسن بقيمته و بقيمه الانسان اللي احنا بنرتبط بيه
و بتخلينا نفكر الف مره قبل منقرر نرتبط
و حتي لو حصل مشاكل في الارتباط ده بتخلينا نفكر مع شريك حياتنا
و نحاول نحل الخلافات الي بتحصل
علشان اللي بربط بين الاتنين مش الدبله ولا البيت ولا الولاد
اللي بيربط بينهم هو الروح القدس

[اريد حبا]

الحريه يا ستي ان الواحد يرجع وخري البيت رجع بدري يطلع يخرج براحته مش رايح فين حاي من منين
البت سخنت والولد تعبان ومشاكل ولبس العيد ............................. وهكذا وانتي عارفه الباقي

بس المشكله ان الحكايه دي هتحرمني من الحنان ومشاعر الحب والاحساس بمشاعر الزواج وحنان الاولاد والزوجه

[ojo]

الحريه يا ستي ان الواحد يرجع وخري البيت رجع بدري يطلع يخرج براحته مش رايح فين حاي من منين

البت سخنت والولد تعبان ومشاكل ولبس العيد ............................. وهكذا وانتي عارفه الباقي


هههههههههههههههههههه
انت متاكد انك من الكويت هو فى الكويت البنت بتسخن والولد تعبان ولبس العيد بردو وكده ولا انت اصلا مش شبرا ولا ايه

[اريد حبا]

حبيبي انا اصلي مصري وعايش بكويت انت فاهم الكويت غلط خالص تعاله وشوف الغربه علي حققتها

[Timon_Bumpa]

ربنا معاك يا سامر

بس ياريت بقة نرجع للموضوع الاصلى وهو

الارتباط

لية الارتباط واية المميزات واية العيوب
وهل هو ضرورة ولا لأ ؟؟؟

[ojo]

ايوه طبعا ضروره يا بومبا

[Mannon]

الارتباط فى رأيى سلاح ذو حدين

فمن الممكن ان تكون الزوجة أو يكون الزوج سر نجاح و توبة و اقتراب من الله للطرف الأخر ...
و من الممكن أن يكون أو تكون سبب عثرة للطرف الأخر لا قدر الله ...
لذلك يجب اختيار الزوج أو الزوجة بعناية شديدة فليس هناك طلاق فى المسيحية لأن سر الزيجة من أسرار الكنيسة و هو سر مقدس لا يمكن حلة بارادة شخص مهما كان .
اما عن نوع الزواج سواء تقليدى او عن حب أو...أو .... فهذا يرجع الى الظروف الاجتماعية و الشخصية التى يمر بها الفرد و تختلف من فرد لآخر ........

وميرسى جدااا يا هولى على الموضوع اللذيذ دة :sm288[1]:

[RoRa]

الحقيقة انا مبفكرش فى موضوع الارتباط ده لكن لو فكرت فيه هيبقى عشان احساس ان ليكى نص تانى تقدرى تتسندى عليه وتحتمى فيه وتحبيه وتحتاجيله ويحتاجلك وتديه ويديلك وتقسموا حياتكم سوا وتمشو سوا فى طريق ربنا تشدو بعض ناحيته
واطفالكم يتربو فى بيتكم الكنيسة الصغيرة هيكونو جزء منكم من جواكم وتشكلوهم زى ما ربنا عايز والبيت يكون فيه مرح وفرحة وحياه
والهدف الاول والاخير هو ربنا والوصول ليه