الشهوة الجسدية ؟؟

[Mannon]

الشهوة الجسدية خطر يهدد الشباب و الشابات فيجب على كل فرد ان يجيب على هذة الأسئلة و يعلم مدى اهميتها للوصول الى ملكوت الـله .........



1.هل الطهارة الجسدية في مجتمعنا هذا مقترنة بالفتيات فقط؟
2.ما فائدة هذه الطهارة للفتيان والفتيات ؟ وخاصة علميا ونفسيا
3.هل التعلق العاطفي بالجنس الآخر خطأ ؟ وماذ عن التعلق الجنسي مصطحباً بعاطفة ؟ ( على قولة الكتيرين )
4.هل تظن أن حروب الشهوة الجنسية هذه الايام كبيرة؟ مثال ...
5.هل يمكن للشبان والشابات أن يعيشوا بطهارة جسدية وسط الكثير من العوامل التي تأجج الشهوةالجنسية ؟
6.ما علاقة الطهارة الجسدية بالطهارة الروحية ؟؟
7.هل نستطيع أن نحظى بالاولى دون الاخرى أو العكس ؟؟؟
:thnk0001::sad:

[Mannon]

يا ريت اشوف اجاباتكم على الأسئلة دى !!!!!!!!!!!

[RoRa]

1.هل الطهارة الجسدية في مجتمعنا هذا مقترنة بالفتيات فقط؟

اجابة أول سؤال من وجهة نظرى
ان الطهارة الجسدية فعلا فى المجتمع اللى عايشينه بكل قوانينه واحكامه مطلوبة اكتر من الاناث عن الذكور فالمجتمع بيحاسب المراة عن هذا الجانب اكثر بكثير مما يحاسب الرجل
فى كتير من القوانين

ولكن من منظور مسيحى
فالطهارة لازمة لكلا الجنسين سواء بنت او ولد ولكل الاعمار وكل مراحل العمر

ده بالنسبة لاول سؤال
وهجاوب على الباقيين بس لما اعرف اراءكم

[Mannon]

1.هل الطهارة الجسدية في مجتمعنا هذا مقترنة بالفتيات فقط؟

اجابة أول سؤال من وجهة نظرى
ان الطهارة الجسدية فعلا فى المجتمع اللى عايشينه بكل قوانينه واحكامه مطلوبة اكتر من الاناث عن الذكور فالمجتمع بيحاسب المراة عن هذا الجانب اكثر بكثير مما يحاسب الرجل
فى كتير من القوانين

ولكن من منظور مسيحى
فالطهارة لازمة لكلا الجنسين سواء بنت او ولد ولكل الاعمار وكل مراحل العمر

ده بالنسبة لاول سؤال
وهجاوب على الباقيين بس لما اعرف اراءكم


رأى سليم يا اخت رورا و يا ريت اشوف أراء باقى الأعضاء و رأيك فى باقى الأسئلة :teeth:

[KERO]

1.هل الطهارة الجسدية في مجتمعنا هذا مقترنة بالفتيات فقط؟ بالطبع لا انما العامل الاكبر يكون على الفتيات عن الشباب و لكن ده مينفيش دور الشباب
2.ما فائدة هذه الطهارة للفتيان والفتيات ؟ وخاصة علميا ونفسيا اولا التركيز و عدم التشتت الذهنى و السلوكى خلق مجتمع افضل و بيئة صالحة و امن و فى الاول و الاخر هاتكسب الملكوت
3.هل التعلق العاطفي بالجنس الآخر خطأ ؟ وماذ عن التعلق الجنسي مصطحباً بعاطفة ؟ ( على قولة الكتيرين )مممممم مش عارف بس انا مش برجحه و حكاية التعلق الجنسى و العاطفة انا مش مع الموضوع ده لان فعلا فى احاسيس صادقة كتير بعيد عن اى شهوات
4.هل تظن أن حروب الشهوة الجنسية هذه الايام كبيرة؟ مثال ... لوووووول مش هذه الايام بس
5.هل يمكن للشبان والشابات أن يعيشوا بطهارة جسدية وسط الكثير من العوامل التي تأجج الشهوةالجنسية ؟ الموضوع صهب شوية بس ده كوننا جيل قوى الارادة :give_rose:
6.ما علاقة الطهارة الجسدية بالطهارة الروحية ؟؟ طهارة الروح هيا طهارة الضمير و لو انتا ضميرك صاحى هاتفكر مليون مرة قبل ما تكسر طهارتك
7.هل نستطيع أن نحظى بالاولى دون الاخرى أو العكس ؟؟؟ لا طبعا كل منها له علاقة وطيدة بالاخر



ليا تعليق بس صغير يا مينا من امتى المواضيع الجامدة دى؟

يالا همتك شوية فى المواضيع الحلوة دى

[Timon_Bumpa]

:A 105:

اهلا بيكم يـــا جماعة فى الموضوع المهم دة


الشهوة الجسدية خطر يهدد الشباب و الشابات

اكيد اكيد



1.هل الطهارة الجسدية في مجتمعنا هذا مقترنة بالفتيات فقط؟

لا طبعا

زى مابتقول سعاد حسنى البنت زى الولد
كل منهم عندة الغزيرة الجسدية والجنسية تجاة الجنس الاخر
والطهارة مطلوبة للاثنين طبعا




وبالنسبة لرد الاخت رورا ان الطهارة مطلوبة للبنات اكتر من الولاد
لسبب ظروف مجتمعية يمكن المجتمع بيحاسب البنت اكتر بكتير من الولد
ولكن الطهارة تنبع من القلب مش من تصرفات يحكم عليها المجتمع





2.ما فائدة هذه الطهارة للفتيان والفتيات ؟ وخاصة علميا ونفسيا




طبعا ليها فوائد كتيرة

منها عدم الاحساس بالذنب واللى بيجى من كسر هذة الطهارة
والاحساس بالقرب من ربنا
والاحساس بأهمية الطهارة يكون فى زورتة عند الزواج




حيث بدون طهارة قبل الزواج فان هذا الانسان يسأل نفسة سؤال واحد
لماذا تزوجت ؟ ماذا فرقت معايا ؟ ما انا كنت عايش حياتى وبراحتى !!!




ولكن من كان يعيش بالطهارة فانة يحس انة استغنى عن شىء
لة متعتة الوقتية و لكن كسب حب ربنا وقربة منة وطبعا كسب شريك حياتة





3.هل التعلق العاطفي بالجنس الآخر خطأ ؟ وماذ عن التعلق الجنسي مصطحباً بعاطفة ؟ ( على قولة الكتيرين )




بيتهايلى دة سؤال واحد
دة مشى فى سكة اللى يروح يستنى الطيارة على سطح البيت عشان يرجع
ودة طبعا مش تبع العاطفة باى شكل من الاشكال حتى لو كان
احساسهم كدة من اول العلاقة عشان دول وقعوا فى الزنا !!!




ويوجد فرق كبير بين الحب والشهوة
الحب عايز يعطى لكن الشهوة عايز تاخد





4.هل تظن أن حروب الشهوة الجنسية هذه الايام كبيرة؟ مثال ...




انا مش مع ان هذة الاام اصعب من اللى قبليها
وان عصر القديسين انتهى والكلام دة




فان حروب الشهوة موجودة فى كل زمان وكل مكان
ولكن الفرق ان دروب الشهوة تعددت وسهلت طرقها
ولكن فى نفس الوقت
فان دروب الطهارة وطريق ربنا بردة تعددت وسهلت طرقها




فمثلا اختراع زى الكمبيوتر والانترنت
ممكن تخلية طوع شهوتك فى مشاهدة كل الاشياء الاباحية وما أكثرها هذة الايام
ويكم بردة ان تجعلة طوع روحك القدوس فى الدخول الى المواقع الدينية و الاستمتاع بكلمة ربنا
وبردة ماأكثرها هذة الايام




فان دة موجود ودة موجود
ولكن الاختيار هو الفرق





5.هل يمكن للشبان والشابات أن يعيشوا بطهارة جسدية وسط الكثير من العوامل التي تأجج الشهوةالجنسية ؟




اكيد فية حلول وفية شباب وشابات عايشين بطهارة ونقاوة قلب

ماقدرش اقول ان الموضوع سهل وبمجرد ان اقول سوف اكون طاهرا
الموضوع هايخلص يعنى




لكن الموضوع محتاج صبر وارادة وطلب المعونة من ربنا
واهم حــــــاجة الجهاد !!!





6.ما علاقة الطهارة الجسدية بالطهارة الروحية ؟؟



الطهارة الجسدية هو عامل مهم لكى يؤدى بك الى الطهارة الروحية
ولكن بدون طهارة جسدية لا توجد طهارة روحية





7.هل نستطيع أن نحظى بالاولى دون الاخرى أو العكس ؟؟؟




يمكنك ان تحظى بالطهارة الجسدية دون الروحية
ودة تتاكد منة بان فية ناس من ديانات اخرى عايشين الطهارة الجسدية فقط
او حتى ناس مسيحين عايشين الطهارة الجسدية فقط " وخاصة كبار السن "
وذلك لانشغالهم باشياء اخرى
الشيطان لة طرقة الكتيرة بردة واللى يهمة انك تبعد عن ربنا
مش مشكلة تبعد ازاى !!!
ولكن ليس العكس
لايمكنك ان تحظى بالروحية دون الجسدية




وعلى العموم فان الطهارة طريق مش بيخلص الا مع نهاية الانسان فى الموت
وليس لة علاقة بالسن ولا بالجنس ولا اى شىء ...




شـــــــــــكرا قوى يا مينا
على طرح المواضيع الجميلة دى
واللى بتهم الشباب بـــجد !!!




ياريت الكل يدخل يشارك براية



:005:

[Mannon]

:005:



مقدرش احرجك يا حبى و اتمنى اشوف رأى باقى الأعضاء و ميرسى على الردود و الاجابات الحلوة دى

[Timon_Bumpa]

فين يا جماعة باقى الردود
الموضوع على ما اعتقد انة مهم
وبقول لمينا شكرا انك بتطرح مواضيع مهمة زى دى

ياريت بلاش كسووووووووووف
وكلة يدخل يشارك
قول رايك

[maro nabil]

ههههههههههههه الموضوع مهم فعلا بس صعب جدا جدا بصراحة انا

:no.comint:

[tom_gerry]

هل الطهارة الجسدية في مجتمعنا هذا مقترنةبالفتيات فقط؟لا طبعا ياجماعه الطهاره الجسديه مرتبطه بالفتيات والفتيان وياريت ياجماعه الكل يراعى ان الموضوع ده بياثر فى المستقبل لكن المتعه الوقته بتبقى جميله بالطبع لان الخطيه اللى انت بتعملها فى الخفاء مهما كانت لازم تبقى جميله .


ما فائدة هذه الطهارة للفتيان والفتيات ؟ وخاصة علميا ونفسيا
طبعا ياجماعه الفائده مش هتظهر الا لما الواحد مننا يتجوز فالطهاره الجسديه طبعا بتاثر نفسيا علينا كفتيان او كفتيات لانك بتبقى فى نزاع شديد بين الحلال والحرام .


هل التعلق العاطفي بالجنس الآخر خطأ ؟ وماذا عن التعلق الجنسي مصطحباً بعاطفة
من وجهه نظرى ان التعلق العاطفى بالجنس خطأ كبير لان طبعا اللى يشتهى واحده فى عقله يبقى زنى بها فى قلبه فهيعاقب عقاب الزنى .


هل تظن أن حروب الشهوة الجنسية هذه الايام كبيرة؟مثال ...
اكيد ياجماعه ان حروب الشهوه الجنسيه كبيره جدا الايام دى وفى وسائل كتير عندنا مثلا الكمبيوتر والانترنت فى مواقع اباحيه كتير .....
فى كمان وسائل غيرها صالات الديسكو والفتيات الموجوده فيها الخ ........


هل يمكن للشبان والشابات أن يعيشوا بطهارة جسدية وسط الكثير منالعوامل التي تأجج الشهوة الجنسية
هو ممكن بس لازم تبقى قريب جدا جدا جدا من ربنا وكل اما تسقط فى الخطيه تقوم وتصلى فى وقتها مهما كانت الخطيه حتى لو وقعت فيها كل لحظه لازم تصلى تصلى هو ده الحل الوحيد اسهروا وصلوا كل حين ولازم الاعتراف.......


ما علاقة الطهارة الجسدية بالطهارةالروحية ؟؟
الطهاره الجسديه جزء من الطهاره الروحيه لان الطهاره الفكريه صعبه التغلب عليها من الطهاره الجسديه لانك ممكن تبقى من ناحيه الطهاره الجسديه زى الفل ودماغك شغاله على طول ايه الفائده ....


هل نستطيع أن نحظى بالاولى دون الاخرى أو العكس ؟؟؟
من وجهه نظرى ان لازم نحظى بالاولى لان الاولى جزء اساسى من التانيه بس مش كلها .

[PaToRa]

:no.comint:

[RoRa]

الحقيقة تيمون وبومبا جاب الخلاصة
واراؤه كلها عجبانى ورايى من رايه فى كتير من الاسئلة مش عارفة اقول حاجة بعده
ربنا يباركه ويبارك خدمته معانا
وميرسى يا مينا كتير على الموضوع المهم ده

[tamtam]

1.هل الطهارة الجسدية في مجتمعنا هذا مقترنة بالفتيات فقط؟بص يامنمون فى المجتمع اللى احنا عيشين فية دا صح ولكن فى اراء كتيرة غلط هى بتقع على البنت والولد كمان لان الاثنان مخلوق والانجيل لم يفرق فى ذلك
2.ما فائدة هذه الطهارة للفتيان والفتيات ؟ وخاصة علميا ونفسياعلميا الطهارة مفيدة للجنسين ولكن طهارة القلب افيد كتير اما نفسيا هو كيف نساعد انفسنا للوصول الى درجة الطهارة ولكن قبل ان نحكم الاخرين يجب انحكم انفسنا اولا من اضرار الاخرين كما قال الانجيل ويلا لمن تاتى منهم العصرات
3.هل التعلق العاطفي بالجنس الآخر خطأ ؟ وماذ عن التعلق الجنسي مصطحباً بعاطفة ؟ ( على قولة الكتيرين )التعلق العاطفي لية سن محدد لازم يحدث فيه ولكن كل شىء تحت السماء لية موعد لية التسرع واهمال ما يجب علينا القيام به اماالتعلق الجنسى فانا ضده
4.هل تظن أن حروب الشهوة الجنسية هذه الايام كبيرة؟ نعم وهذا لكثرة المشكلات التى يعنى منها الشباب جعلتهم لديهم اوقات فراغ كتير دون ان يقوموا باى منفعه لهم او للاخرين
5.هل يمكن للشبان والشابات أن يعيشوا بطهارة جسدية وسط الكثير من العوامل التي تأجج الشهوةالجنسية ؟ حاليا صعب ولكن مع الله كل شىء مستطاع
6.ما علاقة الطهارة الجسدية بالطهارة الروحية ؟؟العلاقة كبيرة جدا والانجيل تكل على ذلك كثيرا لان كل منهما مصاحب الاخر
7.هل نستطيع أن نحظى بالاولى دون الاخرى أو العكس ؟؟؟ لالالالا مستحيل
:thnk0001::sad:

[/quote]
وشكرا على الموضوع الرائع

[عاشق شفاعه الام ارينى]

محاضره ألقاها نياقة الأنبا موسى أسقف الشباب بالكاتدرائيه المرقسيه بالإسكندريه يوم الأربعاء الموافق17/10/2007
الشهوات الشبابيه بين الضبط والكبت
ـ1ـ ما الفرق بين اللذه وبين السعاده وبين الفرح؟
ـ2ـ ما هو الكبت؟
ـ3ـ ما هو الضبط؟
ـ4ـ كيف أضبط نفسى؟
أولا :ـ اللذه والفرح والسعاده:ـ
اللذه هى الشعور بالمتعه(كشهوة المال والإستمتاع بجمعه وشهوة الأكل والإستمتاع +
بأكل نوع معين منه أو شهوه رديئه شبابيه تعطى لذه مؤقته)ومن الناحيه العلميه والعمليه والنفسيه هذه المتعه متقلبه
مثال :ـ أمنون وثامار:ـ كان أمنون يحب ثامار حبا جنونيا وكان يفتكر بها شرا نهارا وليلا إلى أنا ملأت الشهوه بها كل كيانه فأخطأ معاها
ولكن النتيجه كانت
كرهها أكثر مما كان يحبها أولا ورماها خارجا وهذا الحب ليس حب شخصى لها بل كان حب شهوه
فالشهوه المؤقته متقلبه وتعطى شعورا بالذنب

السعاده(hapness):ـ+
هل تختلف عن اللذه، نعم فالسعاده هى نتيجة حدوث موقف أوحدوث شئ مفرح أو نتيجة مناسبه سعيده بمعنى حدوث شئ خارج عن فعل يد الإنسان وليس له تدخل فى فعله لكى يسعده على العكس من اللذه فعل الإنسان لفعل الردئ لمجرد أنه يريد الإستمتاع بالإحساس الذى سينتج من وراء هذا الفعل

الفرح:ـ +
هو ثمره من ثمار الروح القدس وتستقر فى القلب وتعطى فرحا مستمرا بريئا(إفرحوا فى الرب كل حين وأقول أيضا إفرحوا)أى أن الفرح لم ولن يوجد إلا بربنا يسوع المسيح لن يوجد فى لذه بشهوه شبابيه رديئه أو موقف مؤقت الهدف منه سعاده وقتيه تنتهى بإنتهاء الموقف وإن أراد الإنسان إسترجاعها فى عقله تصبح ليست سعاده بل ذكريات السعاده أما ربنا يسوع فهو فرح متجدد
السعاده ممكن أن تبنى على الخار وليس على الداخل

ثانيا:ـ الكبت:ـ
(قوة الشهوات والرغبات داخل القلب وقوة الإراده والضمير الذى يراقب الإنسان)
الكبت شهوه داخليه سلبيه تزيد جدا وتوصل إلى الإنفجار
endorphnمثير خارجى addictionبمعنى إضافة شهوه إلى مجموع الشهوات المستقره بالقلب
الكبت يحدث إدمان والإدمان مرض بكل المقاييس سواء كان هذا الإدمان لمخدر أو لعاده شبابيه رديئه أو شهوه أو إدمان لمشاهدة مناظر تثير ما بداخلنا من غرائز مقدسه لتتجسد وتصبح شهوه رديئه
ونتيجة الكبت شئ من إثنان الأول هو إما أن يبرد ويصبح مسمى هذا التبلد الجنسى
الثانى هو أن ينفجر هذا الكبت ويصبح إباحه(إدمان جنسى)ـ

ثالثا:ـ الضبط:ـ
متعه روحيه عاليه يأتى السيد المسيح ويسكن تلك الغرفه المليئه بالشهوات والنجاسات وحب العادات الرديئه وفعلها كل حين ويقوم بعملية غسيل وتطهير وتنظيف ويفرز مصل معقم وهو الشهوات المقدسه تأكل تلك الشهوات النجسه والجنسيه وتجعلها متدهوره(لذكرك ولإسمك شهوة النفس)ـ(شهوه إشتهيت أن آكل معكم الفصح)ـ
إشتهى التناول والخدمه والتعليم والكرازه وتعلم الألحان والقبطى والطقس والعقيده والصوم والصلاه كانت تلك شهوة المسيح وعند إفراز المصل المعقم تصبح شهواتك من شهواته وتصلك تلك القوه

يارب يا قوتى أسرع إلى نجدتى
الإراده تقويها ولكن ليس وحدى فإنى محدود والمسيح غير محدود ولكن ماذا يحدث عندما يتفاعل ويتعاون الغير محدود مع المحدود يصبح لدى المحدود قوه غير محدوده
الشهوات المقدسه تدخل الضمير وتجعله فى حالة فرح وسعاده
الشهوات النجسه تدخل الضمير ويظل فرحان
ولكن ليس لدخولها بل لوجود الشهوه المقدسه فى الداخل تطرد تلك الشهوه الغريبه التى تنوى الإستقرار وتأتى الشهوه النجسه لتخرج الضمير يقول لها أخرجى ولكن عندما تأتى الشهوه المقدسه لتخرج الضمير يقول لها أدخلى لأنه أصبح ضمير مقدس
المسيح=لا نهايه
أسلكوا بالروح فلا تكملوا شهوة الجسد
حينها تنتصر على الشهوه بنعمة الروح الفدس(أستطيع كل شئ فى المسيح الذى يقوينى)ـ
الضبط هو الإتفاق بينى وبين الرب يسوع أن يسكن بداخلى ويعيش معى إلى نهاية الحياه العالميه بشهواتها ونجاستها إلى بداية حياه جديده فى أورشليم السمائيه
عمليا كيف أضبط نفسى(كل من يجاهد يضبط نفسه)ـ
أـ الشبع بالمسيح:ـ
النفس الشبعانه تدوس العسل
إجهد نفسك فى القراءه فهى تخلصك من النجاسه ويقول أحد الأباء كثرة القراءه تقوم العقل الطواف بمعنى العقل المشتت السارح بصفه دائمه القراءه تجعله يركز فيما يفعله
ب ـ إحفظ حواسك وعلاقاتك
المعاشرات الرديئه تفسد الأخلاق الجيده ،الوسط الذى يتواجد فيه الإنسان يؤثر عليه من الناحيه النفسيه والعقليه والجسديه إما بالسلب أو بالإيجاب
ج ـ جاهد قدر إستطاعتك
لا تقول للخطيه نعم وحاضر بسرعه لا تجعل لها إستجابه مباشره وحاول أن لا تكمل الخطيه إلى أخرها بل قاطعها وشتتها وإن حدث وفعلت خطوات الخطيه بمعنى فعلت تلك وتلك وتلك وتقول يعنى هى جات على دى ما أنا بعمل كذا وكذا وعملت كذا وكذا
أقول لك لــــــــــــــــــاــــــــــــــــــــ تــــــيـــــــــأس
لا تشمتى بى يا عدوتى فإنى إن سقطت فأقوم
البار يخطئ فى اليوم سبع مرات ويقوم العدد7 هو عدد الكمال فى الكتاب المقدس أى ليس معنى أنه أخطأ برقم العدد بل بمعنى أنه فعل كل الخطايا فى يوم واحد ولكنه أخر اليوم يقوم
د ـلا تيأس:ـ
الإنفلات والشهوه والعادات دخلت فى عالمنا الحالى من نطاق المهن أصبحت لها رجال أعمال وسيدات أعمال دخلت فى نطاق البيزنس ولكن هناك شيئين فى الضبط:ـ
ألا تهولوا منها:ـ يعنى مفيش فايده دى باقت فى دمى وده طبعى وأنا ماقدرش أستغنى عنها وهى دى أخلاقى
وألا تهونوا منها:ـ يعنى ماتقولش وإيه يعنى ما السن بتاعى وكل الشباب بيعملوا كده وهو ده سن المراهقه وأهى فتره وهتعدى ولكن إن ـكاسلت ولم تقاوم مش هاتعدى والدليل إن تلك العادات والشهوات الشبابيه لا تنحصر فى نطاق الشباب بل تصيب الرجال الكبار والسيدات
من الأسباب المضره للعادات الرديئه(الجنسيه):ـ
ـ1ـ فقدان الطاقه البدنيه
ـ2ـ فقدان الطاقه الجسديه
ـ3ـ تحدث إلتهابات
ـ4ـ تعطى نمط غير طبيعى للإشباع الجنسى
الضبط=شبع+جهاد
سأل يسوع المخلع أتريد أن تبرأ أولا أم شفاه بمجرد الرؤيه
سأله أتريد أن تبرأ ورد المخلع رد قائلا نعم يا سيدى أريد أن أبرأ
يسوع لوحده مش هيقدر يعملك حاجه لازم تكون إنت أو إنتى عايزه تبرأى وتتخلصى من العادات دى والشهوات
مثال :ـ تصوروا معى أنه يوجد أمامنا تانك مملوء بالمياه تانك كبير جدا وله حنفيه واحده من أين سنخرج كل تلك الكميه الهائله من الماء طبعا من الحنفيه دى لو إنفتحت
لكن تصوروا لو عملنا للتانك ده 7 أو 8 حنفيات تانيين يبقى ممكن نخرج كمية الميه دى من الحنفيه الأولى أو التانيه أو التالته وهكذا
بمعنى أن الفرق بيننا وبين أولاد العالم أن الشهوات الجنسيه بداخل أولاد العالم يخرجوها من حنفيه واحده فقط وهى حنفية الزواج أو الحنفيه المظلمه وهى الزنا
أما نحن أولاد النور وأولاد المسيح لنا حنفية الصلاه وحنفية الصوم وحنفية العنين(دموع على الخطيه)وحنفية القراءه وحنفية الخدمه،يعنى فى أكتر من طريقه تخليك ماتعرفش تقول وأنا أعمل إيه مش عارفه لا إنت عارفه بس مكسل ومش عايز تعمل
معلومه النت عليه 10 مليار موقع منهم 2 مليون موقع إباحى فرضا إن شبعك الوحيد هو الإنترنت من خلال المواقع الإباحيه ولكن ماذا يحدث لو النت مفصول أو عطلان وإنت محتاج إنك تشبع الرغبه بداخلك
حل من إتنين إما أن تشبعه بنفسك (الإنعكاف على جنسك)(زنا فردى)ـ
أو تشبعه بطريقه إباحيه ومنفلته
أو أن تصاب بالبرود والتبلد
أذكرونى فى صلواتكم
وإتمنى الإستفاده
____________ _________ _________ _________ _________ __

[بيشوى عماد]

شكرااااااااااااااا على المحاضرة الجميلة دى

[gooono]

شكرا على تعبك ربنا يباركك

[عاشق شفاعه الام ارينى]

شكرا على مروركم

[مارووووووووو]

مرسى اوووووووووى على الموضوع الجميل دة ربنا يعوض تعب محبتك ويكون معاكى

[ArMaNdO]

ميرسي كتيرررر يا فادي وانا بحب الأنبا موسي اوي لانه زي السكر

[mariam_joney]

موضوع جميل بجد