الــــــــــشـــــــــــات !!!!!

[holy.girl]

عايزه كده اعرف ايه رايكوا في الشات الخاص يعني اللي يفتحوا الكمبيوتر بتاعهم علي الشات وبس كل حياتهم علي الجهاز شات وبس ممممممممم ايه رايكوا في الحكايه دي وعايزه اعرف كمان ايه هو القوانين اللي كل واحد فيكوا يحطها للشات بالنسبه للوقت والاجناس اللي يتكلموا معاهم ايه رايكوا في الحكايه دي وبصراحه ؟؟؟؟؟؟؟؟؟ سواء طبعا كان ياهو او هوتميل

[M33n4]

انا مش من النوع الى بيشجع الشات غير للفائده يعنى مثلا انا مش بكلم غير صحابى الى على الماسنجر (صحابى الى بقابلهم ) وده ميمنعش انى بكلم ناس انا اتعرفت عليهم ايام الصغر من الشات وفعلا احنا بنتكلم عن حاجهت بجد مفيده وبعرف ايه الى عندهم فى الدول مختلف عننا فى مصر انا تقريبا بستفاد جدا من محادثه الاخرين الى من بره علشان اعرف ايه نظام الحياه هناك بس انا حالا مبكرهش قد الماسنجر بتاعى

شكرا ليكى ياهولى انك بتفتحى مواضيع فعلا هادفه

[Mannon]

انا بالنسبة لى الشات جزء كبير من حياتى فأغلب اوقات فراغى بتكون شات
و الشات عندى بيكون على مواقع دينية كتير بدون زكر اسماء لكن معظم المنتديات المسيحية فيها شات ظريف و منة اتعرفت على ناس كويسة جدا و منها اللى خليتهم يبقوا اعضاء فى المنتدى هنا
فالشات طريقة جيدة للتعامل مع الغير و تحسين الشخصية الاجتماعية فالواحد بيتعرف على اشخاص سواء من الجنسين ( بدون ان يراهم ) و تكون تجربة للحقيقة التى سيمر بها عندما يتعامل مع الأخرين و دى تجربة حلوة جداااو مفيدة لكن يشوبها بعض العيوب زى ان الناس تاخد موبايلات بعض مع اختلاف الجنس أو يتقابلوا و دة بداية المشاكل علشان كدة لازم حكم الرقابة فى اى شات
و دة رأى بصفتى مشرف شات هنا فى الموقع ( لما كان موجود ) و انشاء الله لما يرجع .
و ربنا معانا جميعا و يحفظنا . اميــــــن

[manmoon]

انا رايى نفس راى منون بس اختلف معاة انى بتعرف على الناس من مواقع ومنتديات مسيحية بس لكن من كلة وفعلا تقريبا الشات هو اللى بيملى عليا وقت فراغى على الكمبيوتر وربنا يحفظنا ويباركنا كلنا

[tamtam]

الشات رغم انة فى عيوب كتيرة الى انة برضة فى مميزات لما نستخدمة بالطريقة الصحيحة يعنى ممكن نعرف ناس من جميع انحاء العالم نعرف ازاى فكرنا او شيفنا وبرضة ممكن من خلاله تتنقل المعلومات من واحد الى الاخر ومن هنا ممكن نستغل وقت الفراغ بطريقة مفيدةاما عن القوانين دى بتكون حسب اخلاق كل واحد واكيد بيكون فى حدود مع الجنسين او حد متشابهين لان محدش عارف اية صدق الكلام الى بيتقال وميرررررررررسى كتيررررر على الموضوع الحلوة دة

[Timon_Bumpa]

شكرا على طرح المواضيع الحيوية دى

عن نفسى الشات بيمثل جزء من عالم الانترنت
ولكن مش كلة طبعا
من خلالة بتكلم مع ناس اعرفهم او ممكن اعرفهم
وافضل شات الياهو او الماسنجر
مابحبش شات المواقع وكدة
عشان بيبقى فيهم كذب للصبح
وتضييع وقت على الفاضى

لكن الشات للناس اللى اعرفهم
دة اللى بحبة بقدر من خلالة اوصل وصال المحبة والود معاهم
بيبقى فية ناس كتير منهم مش بشوفة الا كل فترة
لكن عن طريق الشات بحس انى بشوفهم كل يوم

[holy.girl]

ردودكوا كلها بجد رائعه فعلا وكمان حكايه الاستفاده من الشات يعني زي ماهو اكيد بيهدم اكيد برضه بيبني ليه لا واحب اعرف باقي اراء اعضاء المنتدي

[الشاب الحزين]

انا شايف ان مميزات الشات اكتر من عيوبة فأنا اعرف ناس كتير بتدخل مواقع للشات و بالتالى احنا مش عارفين اية محتوى الشات فى المواقع التانية لكن لو فية هنا شات هنكون عارفين محتواة و مفيد للجميع
:no.comint:

[Timon_Bumpa]

فية شات هنا
بس هو مقفول للاصلاحات
انتظروة قريبـــــــــا جدا

[ojo]

:no.comint::no.comint:
بردو مش عارف اقول حاجه

[RoRa]

لا يعرف نفس الانسان سوى الانسان
وكل واحد عارف اللى بيعمله يقصد منه ايه وبيستخدمه ليه


كل حاجة فيها الكويس والوحش وان كان الشات فيه حاجة تبنينى يبقى مفيش مانع
لكن ان كنت هستخدمه غلط يبقى ملوش لازمة

[manmona]

الشات والانترنت
الشات فى حاجات صح وفى حاجات غلط مثلا الصح انك تكلمى فى حاجة كويسة مش تافهة والغلط انك لما تكلمى فى حاجة مش كويسة واسئلة مش واضحة والى انت بتكلمية يفهمك غلط ارجو ان كولكم تتكلمى صح وتاخدو بالكو من الكلام الى انتو بتقولة و كمان الى انتو بتكلمة ميكن مش كويس ولما يقولك نتعرف ممكن تتعرفى بس فى شرط انو يتكلم فى حاجات مفيدة وميكنش كمان مش مسيحى والانترنت هو عبارة عن كويس جدا ووحش جدا والكويس هو المواقع المفيدة زى موقع رب المجد والجاجات الى فية كتير حلوة والمواضيع ياريت تاقروها والاستفادة دى جميلة اما الحاجات الوحشة زى مثلا الصور الى موجودةزى المغنيين.
ياريت الموضوع يكون عجبكم وقولولى رايكم
بااااااااااااااااااى:e_jumping_1:

[PaToRa]

:hands_down02::hands_down02:
موضوع جميل

[sosana]

mawdo3 7elw awy
:za_thanx:

[Mannon]

اولا ميرسى ليكى كتير يا منمونا

ثانيا احب اوضح حاجة ان النت دة سلاح ذو حدين ممكن يقوي علاقتك بربنا

و ممكن يهد علاقتك بربنا و يدمر حياتك

علشان كدة لازم الكل ياخد بالة و يكون هدفة من النت انة يقوى علاقتة بربنا

ينزل ترانيم و عظات و قداسات

يقرا مواضيع روحية و مناقشات عامة

حاجات تفيدة فى حياتة العملية

لذلك لازم كل واحد فينا يحدد هدفة من النت

هل هو مجرد شات و تعارف على ناس و خلاص أم اية !!!!

شكرا مرة تانية ليكى يا مانمونااااا

[Timon_Bumpa]

انا كان ليا راى صغنن كدة فى الموضوع دة

اولا الانترنت زى ما قال منون
سلاح ذو حدين فية الحلو وفية الوحش

بس مش معنى ذلك ان اى حاجة غير الحاجات الدينية تبقى وحشة
لازم يكون عندنا دراية بالثقافة والفن والادب و كل حاجة عامة
ما دامت لا تعترض مع علاقتنا بربنا

ثانيا الانترنت مش كلة شات طبعا
الانترنت هو عالم بمفردة
و عامة الشات مش مضيعة للوقت زى ما بيقول بعض الناس !!!
الشات بيعرفك على ناس جديدة ثقافات جديدة
حتى لو كنت بتكلم مع الناس اللى تعرفهم بس
كدة بردة انت بتعرفهم اكتر
وسيلة اخرى بدل التليفون للتواصل

يا ريت اسمع باقى اراء الاعضاء

:wonderful:

[النسر]

الشات مفيد ولكن بيضيع الوقت