السجاير !!!!!!!!!

[holy.girl]

يالا نفتح موضوع السجاير ده مع بعض كده وكل واحد يقول رايه بصرااااااحه ويقول بيشرب ولا لا ويكون امين في الرد يعني هل السجاير دي زي ما بيقولوا بتبقي من اصدقاء السوء او مثلا زي ما بيعتبروها رجوله ولا ايه وجهه نظر كل واحد بيشرب ايه ااالفايده منها ............ انا شايفه بدام انه مش بيقدر يبطلها يبقي عبد ليها وعبد لسيدين مينفعش وطبعا اكيد انا كلامي واضح احب اسمع رايكوا بصراحه في الموضوع ده

[M33n4]

m33n4

عمرى مشجعت شرب السجاير وانا اصلا مش بحب اشم ريحتها لما يبقى واحد صاحبى بيشربها بس مش عارف ليه الانسان لما بيدمنها مبيقدرش يستغنى عنها طب ليه !!!!!!

dr.mimo


wana kaman bkkrah el sgaier mot
dana lma bala2y 7ad mwala3 sgaier ba7'aleeh ytafeeha
mannon


أولا انا عمرى ما شربت و اللى بيقول ان السجاير حلوة و بيشرب دة بسبب انة مش عارف يثبت نفسة و بيلجأ الى السجاير علشان يحس انة كبير و شخصيتة قوية لكن محدش فيهم عارف خطورتها و يا ريت الكنيسة تمنع دخول اى واحد بيشرب السجاير فيها دة كمان الشباب بتشرب سجاير فى حوش الكنيسة و دى طبعا محتاجة وقفة و
ربنا معاكم كلكم و معايا أميــــــــــن

timon_bumpa

هاى يا جماعة

عندى احساس انكوا ظالمين اللى بيشربوا قوووووى
اللى شرب شرب خلاص وفية ناس كتير اعرفهم نفسهم يبطلوا
ولكنهم مش عارفين

اما بالنسبة لاصدقاء السوء وكدة
فانا حاسس اننا بنتكلم عن اصدقاء السوء كدة
كانهم من عالم اخر
اى واحد يسبب عثرة لحد تانى فانة صديق سوء

وسبب شرب السجاير يمكن الاصدقاء
يمكن الاحساس بالرجولة وكدة
او عند البنات الاحساس بالمساواة

بس فى وجهة رايى ان اكتر سبب
هو الخنقة والاحساس بالياس وانها مش فارقة
وعايز يخرج من الحالة اللى فيها فبيلاقى السجاير وسيلة لذلك
وبتححقلك اللى عاوزة فى الاول بس
لكن بعد كدة بيشرب لكى مايحصلوش اعراض الانسحاب
وهى ممكن تكون بسيطة فى شكل عدم تركيز ، الاحساس بشىء ناقص ، كدة يعنى

فياريت يا جماعة نعامل اللى بيشرب زى اللى مابيشربش
كلنا بنغلط ومافيش حد عندة الحق عشان يحاسب التانى

وانا عن نفسى
مش بشرب
ولكن مش بكرة ريحة السجاير ولا الشيشة
بحبها كريحة يعنى
http://www.rabelmagd.com/vb/vb/images/smilies/A%20163.gif

[holy.girl]

جميييل جدا محدش هنا بيشرب سجاير يقولنا ايه هي وجهه نظره طب ده جميل جدا بججججد ربنا يكون معاكوا وحافظكوا منها مشكورين بجد لردودكوا كتييييير واحب اعرف الباقي ايه رايهم
ojo
لا انا مش بشرب خاااااااااالص ومش بحب شكل الولد الى بيشرب بس بحب البنات الى بتشرب
بيعجبونى اوى :no.comint:
مش عارف ليه مش بحس انها ليقه على الولد قد ما بتبقى ليقه على البنات
لاكن انا شخصيا مش بشرب
بس بحب اشيم يحه الشيشه التفااااااااااح:thumbsup:




holy.girl

يعني انتوا عايزين تفهموني ان مفيش ولا شاب في المنتدي بيشرب سجاير يا سلاااااااااااااام ........ عموما احب اعرف منكوا لو حد عنده كان يعرف حد كان بيشرب وبطل يقولنا علي الطريقه اللي بطل بيها عموما اللي اعرفهم بطلوا كلهم كانوا عن طريق المرض يالا قولولنا بقي ؟؟؟؟؟


magic.moon

هقولك ياهولي انا اعرف ناس بطلوا علشان كان عندهم دافع يعني لما بيلاقوا حد يشجعهم بيحاولوا وفعلا بيقدروا هو بس الموضوع بيجي واحده واحده مش مره واحده

وياريت اللي يعرف حد بيشرب كده يحاول يكلمه براحه وينقذه منها لانها فعلا مميته وبدمر الجهاز العصبي وزي ما بيكتبوا عليها انها بتسبب الوفاه فياريت كلنا نحاول لان شباب كتير وقعوا تحت تأثير المكيفات والحاجات دي ومش عارفين يبطلوها فممكن كل واحد يحاول وربنا معاكو


ojo



هقولك ياهولي انا اعرف ناس بطلوا علشان كان عندهم دافع يعني لما بيلاقوا حد يشجعهم بيحاولوا وفعلا بيقدروا هو بس الموضوع بيجي واحده واحده مش مره واحده

وياريت اللي يعرف حد بيشرب كده يحاول يكلمه براحه وينقذه منها لانها فعلا مميته وبدمر الجهاز العصبي وزي ما بيكتبوا عليها انها بتسبب الوفاه فياريت كلنا نحاول لان شباب كتير وقعوا تحت تأثير المكيفات والحاجات دي ومش عارفين يبطلوها فممكن كل واحد يحاول وربنا معاكو


m33n4



انا الحمد لله بابا كان بيشرب وبطل خالص ده حتى دلوقتى بقه حاجه تانيه خالص وبرده بطلها علشان عمل عمليه الغدروف وإضطر يقعد فى البيت لمده شهرين وفعلا بطلها وبقى انسان تانى خالص نشكر ربنا :thumbs_up[1]:


ojo

نشكر ربنا كويس انك لقيت حد بطل انا معرفش اى حد بطل سجاير خالص كل الى اعرفهم بيشربو

[holy.girl]

لا بصراحه انا يا هولى انا معرفش ولا واحد بطل كل الى اعرفهم لسه بيشربو ههههههههههههههههههههه هما حرين بقى


طيب حتي مش بتحاول معاهم تتكلم في الموضوع ده .... يعني مجوش في يوم كده وعرضوا عليك تجرب ؟؟؟

[Pink_Me]

Ana papaya byshrb 3la tool .. so um *ve smoker
welnaas elli a3rfha *shbab* bydkhno mosh 3rfeen ybatalooha
ana 3n nfsy bamooot fi re7et el sheisha wel m3asel ... bs 3omry mahshrbha la2nni 3rfa enaha btgeeb elthaab r2wii wel sagayr btgeeb cancer w btbwz 7agaat kteer fi se3t el re2a w btgeeb daght w fashal fel kalb wel klaam dah
w kmaan m7dsh bybatal el sagayr lwa7do... 3shan ybtlha lazm yt2rs mnha
bs 7etta kda : law t3rf 7d 3awzo yebattal .. khleeh yshrb tomato juice l2n feeh nicotine :nono2:

timon_bumpa

حلوة قوى حكاية الطماطم دى !!!


ابن يسوع الناصري



الموضوع حلو والسجاير مضرة جداا بالصحة ههههه وانا اعرف نااس بتشرب وحريقة سجاير ومابطلوش لكن انا بامانة ويعلم المسيح انى ما بشربش وما بحبش ريحتها ولما الااااااقى حد بيشرب جانبى بحس انى مخنوووووق من الريحة وبمشى وابعد عنة وان الانجيل حذرنا من العادة السيئة دى وربنا يحاافظ عليكوا يا احبائي من كل شر

nanos

ميرسى على النصيحه الحلوه دى وياريت الكل يتبعها

[PaToRa]

انا متفق مع منون في رأيه واضيف الي كلامه ان من يدمن السجائر يدمر صحته ويحرق ماله وهذه تسبب امراض للرئه وانا نفسي ان كل شاب او راجل كبير بيشرب:o سجاير يبطلها وربنا يحفاظكوا.

[tom_gerry]

اولا السجاير
اخيرا وبعد طول انتظار جلكوا واحد بيشرب سجاير
:wacko:
انا عن نفسى بحبها وهقولك على حاجه انا محدش قالى اشربها انا اللى جربتها وفى الاول مش عجبتنى بس بعد كده شربت ..
ياريت كان فى واحد فى المنتدى بيقول ان اللى بيشرب سجاير يتمنع من دخول الكنيسه هل هو مش بيعمل اى خطيه مهما كانت مثلا مش شرب مره مثلا بيره او خمره مثلا .....
بالنسبه لاصدقاء السوء اللى كنتوا بتتكلموا عليهم مفيش حد فينا بيعمل اى حاجه غصب عنه فكروا مفيش حد اسمه صديق سوء انت لو عاوز تعمل حاجه مهما كانت هتعملها فين شخصيتك فين اصرارك ان الحاجه دى غلط وهتضرنى جامد وبعدين مفيش شاب مجربش كله جرب ......
ثانيا المخدرات
هل ياجماعه فى حد معانا شرب اى نوع من انواع المخدرات ياريت لو فى حد شرب يقولى رايه وطبعا لو حد عنده اى سؤال يكتبه ونبقى نناقش الموضوع ده .........
:wacko::wacko::wacko:

[RoRa]

مممممممم
موضوع حلو خالص ومهم جدا
وانا هقول وجهة نظرى فيه من كل جوانبها

أولا:الجانب النفسى
يا جماعة ساعات بيبقى فى جانب نفسى فى الموضوع زى نكوص للمرحلة الفمية
هتكلم من الناحية دى

السجاير ( ببرونة الكبار )

الاطفال بعد مابيسيبوا الببرونة ممكن تجيلهم عادة مص الابهم لفترة كبيرة
ولما يكبروا فيه منهم مش بيعرف يبطل الحالة دى (لذة المص نفسها والحاجة ليها) بس بقا بتاخد معاهم شكل تانى وهو السجاير او فيه بنات بيحبو المصاصة اوى لحد ما بيكبرو ودى زيها
بدليل الولد تلاقيه لو حصله اى مشكلة يجرى بسرعة على البيبرونة بتاعته (السيجارة)
فتلاقى الموضوع كل ما زاد الضغط كل مازادت كمية السجاير اللى بيشربها فى اليوم

على فكرة الكلام ده علمى وانا دارساه




ثانيا : الجانب الاجتماعى والثقافى

فيه كمان جانب اجتماعى هنتكلم عنه

السجاير (عادات خاطئة)

وبتبقى من خلال :

** التقليد: وهنا بيكون المدخن عاوز يقلد حد معين بيشوفه بيشرب سجاير زى باباه او حد بيحبه او قدوة ليه او بيقلد لمجرد التقليد والمسايرة للاصحاب مثلا

**حب استطلاع وتجربة: بيبقى فيها المدخن فى البداية عايز يجرب.. زى ما بيعوز يجرب كل حاجة .. ويقول مش هتاثر من واحده وواحده تجر واحده ويكررها عشان يقول لاصحابه مثلا انه جرب لحد ما تتحكم فيه وتاثر فى المخ وميقدرش يسحبها تانى منه لانه بكده ادمنها

** الممنوع مرغوب: ساعات بيكون اللى بيشرب بيشرب لمجرد ان دى حاجة ممنوعة وهما مش عاوزينه يشربها والضغط الكبير عليه بكده فلما يكبر وعايز يثبت انه يعمل اللى هو عاوزه مش اللى هما عاوزينه بيشرب
وبيبقى كتير كنوع من انواع العند او التحدى او التذمر واثبات الووجود

** التهديد والايد اللى بتوجع: ممكن وده انا شفت ناس فعلا كده
لما يحصل مشكلة مع حد الاهل مثلا او صاحب تلاقيه يقوم شارب سجاير حاجة كده زى تهديد عشان انت خايف عليه فمتزعلوش تانى حاجة كده زى الاضراب عن الاكل زى ماتقول "يمسكك من ايدك اللى بتوجعك"

** مجرد عادة وتوارث: يعنى "الولد طالع لابوه" شاف بابا بيشرب سجاير طلع بيشرب زيه
او انهم فى حى او منطقة او مجتمع الكل بيشرب فيه فهو كمان كده لحد ما بقت تتحكم فيه وميقدرش يبطلها حتى لو هو عايز وتعبان منها

**افكار ومعتقدات رجعية: الاعتقاد الخاطئ ان اللى بيشربها هو الراجل الكبير بس العيال ميشربوهاش " لما تكبر ابقى اشرب براحتك" ، "ولد .. انت لسه صغير " بنزرع فيهم افكار انها "للكبار فقط"
وطبعا لما يكبر وعايز يثبت انه راجل هيعمل كل حاجة كان عليها علامة حمرا ومكتوب عليها "للكبار فقط"


ثالثا: الجانب الروحى :

فى الاول وفى الاخر احب اقول انها خطية كبيرة الشيطان بيحاربنا بيها بحجة اسباب مختلفة زى اللى قلتها فوق
هى خطية فعلا لاننا عارفين انها موت بطئ ومع ذلك بيشربوها
"اما تعلمون انكم هياكل الله وروح الله يسكن فيكم ، ان فسد احدا هيكل الله فسيفسده الله"
"كل الاشياء تحل لى ولكن ليست كل الاشياء توافق"
"كل الاشياء تحل لى ولكن لا يتسلط عليا شئ"
"كل الاشياء تحل لى ولكن ليست كل الاشياء تبنى"
وطالما هى مش بتليق او توافقنى كابن ربنا وكمان مبتبنيش بالعكس بتهد وكمان متسلطة عليا تبقى هيا لا تحل لى ولا تليق
ولانها بتفسد هيكل ربنا اللى هو جسدنا
يعنى كانك دخلت الهيكل فى الكنيسة وقعدت تكسر فيه وتقطع فى الستاير والشبابيك تكسرها وتشخبط على الحيطان

حاجة غريبة اوى : لما نلاقى طفل صغير داخل الهيكل بالشوز نجرى بسرعة ونتخض ونقوله غلط حرام عيب
خايفين على الهيكل ده والهيكل بتاعنا اللى احنا مؤتمنين عليه بالاكتر ندخل وندوس ونكسر فيه؟ حاجة فعلا غريبة

ربنا يحافظ على كل ولاده
وميرسى على التوبيك الحلو ده
واسفة انى طولت عليكم

[holy.girl]

ميرسي ليكي رورتي كتير انا الحاجات دي انا فاكره اني كنت حافظاها لما كنت بحفظ علم نفس عمري ما هنسي الايام دي
بس الكلام ده متوسع شويه
ميرسي ليكي رورتي حبيبتي كتيييييييييييييييييير

[RoRa]

اصله مش كلام من علم النفس بس دى كلها ارائى من خلال خبرتى وابحاثى ودراستى واتعلمتها من الحياه

[wadea86]

أنا ما بحبش السجاير ومبتقش ريحتها خالص
ويارب تنتهى العادة دى من حياتنا

[dream]

السجاير مشكلة بتواجة كتير من الناس وفية ناس اعرفهم بيدخنوا بيتمنوا أنهم يبطلوها
لكن فى نفس الوقت اعرف ناس بطلت السجاير ( أيوة بطلتها ومرجعتلهاش تانى خالص )
نفسى اسأل أسئلة للشباب الى بيدخن
أولاً : عاجبك نظرة النظرة الى بيبصلك بيها الناس
ثانياً : افرض حبيت واحدة وجيت تتقدملها (ده مش هينفع طبعاً علشان مش هتحوش حاجه من بعد فلوس السجاير) متوقع الرد هيكون أيه من أهلها لما يعرفوا أنك بتشرب سجاير
ثالثاُ : مش عارف أن جسدك ده هيكل الله و أنت كده بتدنسه ؟
رابعاً مش عارف أنها بتجيب امراض الرئة و سرطان الصدر و بتسبب الوفاة المبكرة
بعد كل ده عاوز أعرف رأيك ؟؟؟؟؟؟؟؟!!!!!!!
عن نفسى مبطقش ريحة السجاير ولا بدخن
وميرسى على الموضوع الجميل ربنا يعوضك