سلسلة حلم ولا علم .... وارجو التثبيت

[maro nabil]

النهاردة يااخواتي


جيبالكم حلم جميل من الكتاب المقدس حلم بية يعقوب زمااااااااااان

وحلم يعقوب هنلاقية في سفر التكوين اصحاح 28 وحصل ان يعقوب وهو نايم شاف سلم منصوب علي الارض واخر السلم بيمس السماءوفية ملائكة طالعة ونازلة علية .

وكمان ربنا واقف عليةوبيقولة :
انا اله ابراهيم أبيك واله اسحق والارض الي انت نايم عليها هاعطيها لك انت ونسلك .
ومش بس كدة لا كمان نسلك هيكون زي تراب الارض (في الكثرة ) وانا هكون معاك وهاحفظك في اي مكان تروحة.

فقام يعقوب من نومة وقال اكيد المكان دة بيت ربنا ودة كان باب السماء .
وصحي يعقوب في الصباح واخذ الحجر الذي وضعة تحت راسه واقامه عمودا وصب زيتا علي راسه (يعني عمله مذبح للرب ) وسمي المكان دة ( بيت ايل )
ودة معناة ان ربنا موجود دايما معانا عينه علينا وبيحرسنا حتي وان كنا احنا مش شايفينة قدامنا وهو كمان بيبعت ملايكتة علشان تحرسنا

صديقي وصديقتي :
اعلم ان الله لا ينسي اولادة الدا ولا يتركهم حتي وان اخطاؤا فثق انت ايضا ان الله عينة عليك لا يهملك ولا يتركك. وان كنت انت لا تراه بعينك فانك تراة بقلبك . فانت ابنة . فكما وعد يعقوب يعدك .فثق في وعود الله فهي تتحقق مهما طالت المده ومهما اشتد الضيق.

ودلوقتي اقولكم باي باي والمرة الجاية اجيب لكم حلم جديد و .....

حلم ولا علم

:42:

[Fadi]

الله بجد حلم جميل يا مارو ... شكراً على مجهودك وإلى الامام دائماً

[maro nabil]

ميرسي يافادي علي مرورك

[maro nabil]

ياريت الكل يتابع معايا الاحلام الي هكتبها وكلها من الكتاب المقدس

[M33n4]

شكرا ليكى يامارو

[holy.girl]

ميرسي ليكي يا مراميرو كتييييييييييييير

[maro nabil]

اخواتي النهاردة باب حلم ولا علم هيقدم ليكم احلام ورؤي كتير من الكتاب المقدس


بس دلوقتي هوضح ليكم اية هو الحلم واية هي الرؤية وما الفرق بينهم

المقصود بالحلم : الحلم مايراة النائم من صور او شخصيات مختلفة وهي مستمدة اصلا من الخبرات والثقافة والاخلاق والدين .

اما المقصود بالرؤية : الرؤية هي منظر خاص خارق للعادة او هو انكشاف احوال معينة للانسان وهو مستيقظ .


الاحلام

+ خاصة بامور الدنيا . وهي مستمدة من واقع حياة الناس وما يخزنة العقل الباطن من الافكار المختلفة في اليقظة .

+ تحتاج الي تفسير .

+ محيرة للنفس وقد تدعو للقلق .

+ تقع اثناء النوم نهارا او ليلا .

+ هي تعبير عن احداث ماضي او حاضر


الرؤي

+ تختص غالبا بامور روحية وبالابدية وتعطي طمانينة للنفس . وتهدف الي الارشاد او التوبيخ او الانذار سواء للفرد او الجماعات .

+ تكون غالبا واضحة وصريحة .

+ غير محيرة ولا تقلق النفس .

+ تتم في اليقظة نهارا او ليلا .

+ تكشف عن حقائق روحية او احداث مستقبلية .


لكن خذ بالك :

ممكن عدو الخير يخدع الناس في شكل رؤية فقد ظهر شيطان خبيث لراهب حكيم في شبة ملاك نور واعن لة عدو الخير كذبا وقال " انا الملاك غبريال وارسلت اليك " .... فقال الراهب : " لعلك قد ارسلت الي غيري لاني رجل خاطئ ولا استحق ان ارئ الملائكة " .......
فهرب ابليس منة بسبب اتضاعة وحكمتة .

ودلوقتي اقولكم باي وهجيب ليكم حلم جديد

وحلم ولا علم

[ArMaNdO]

ميرسي كتيررررررررررررررررر يا مارررووووو

[maro nabil]

النهاردة جايبلكم حلم جديد يمكن كتير مش يعرفة

وهو حلم نبوخد نصر الاول

هو حلم اتحقق فعلا علي مدار التاريخ وهو حلم نبوخذ نصر الاول :

وحلم نبوخذ نصر هنلاقية في سفر دانيال اصحاح 2 وحصل ان نبوخذ نصر حلم حلم غريب ازعجة جدا ومحدش قدر يقولة علي الحلم ولا علي تفسيرة غير واحد فقط وهو دانيال النبي

وكان الحلم هو

ان نبوخذ نصر شاف تمثال عظيم ... راي هذا التمثال منذهب وصدرة وذراعاة من فضة وبطنة وفخذاة من نحاس ورجلية من حديد وقدمية بعضها من حديد والبعض من الخزف

وبعد كدة جاء حجر فضرب التمثال علي قدميه فانسحق الحديد والخزف والنحاس والفضة والذهب معا وصارت كالتراب فحملتها الريح فلم يوجد لها مكان

اما الحجر الذي ضرب التمثال فصار جبلا كبيرا وملآ الارض كلها

تفسيرة

والتمثال دة مقسم الي 4 اقسام كل قسم بيمثل دولة او ممكلة

فالذهب ... كان يشير لمملكة بابل (نبوخذ نصر )

الفضة ... لمملكة فارس

النحاس ... لمملكة اليونان (الاسكندر الاكبر )

الحديد ... للمملكة الرومانية التي انقسمت الي 10 ملوك الي هما ( اصابع القدم من حديد ومن خزف )

واختلاف المعادن ... هنا كان يدل علي اختلاف الشر وان كل مملكة تاتي كانت اكثر شرا ورداءة .

والحجر... طبعا كان اشارة عن السيد المسيح الذي جاء فغلب كل الممالك واقام مملكة ليست من هذا العالم وثابتة الي الابد .

اخواتي

اعلموا ان الله لاينسي اولادة ابدا ولا يتركهم حتي وان اخطاؤا . فان كان قد تركهم لكا هذى الممالك بشرها ولكنة جاء اخيرا وخلصنا من العبودية واعطانا الحياة الابدية . فثق في وعود الله فهي تتحقق مهما طال الوفت والمدة ومهما اشتد الضيق

ودلوقتي اقولكم باي والمرة الجاية اقولكم حلم جديد

وحلم ولا علم

[mony love jesus]

:16_1_23[1]: ميرسى يا مارو ربنا يعوض تعبك :16_1_23[1]:

[بيشوى عماد]

ميرسي اووووووى ليكي يا مارو على الأحلام الجميلة دى ربنا يعوض تعب محبتك

[maro nabil]

العفو ياموني انتي وبيشوي

وانتظروا مني حلم جديد