كرسى الاعتراف ....................

[KERO]

هاللو يا جماعة :)



اظن كلنا عارفين لعبة كرسى الاعتراف


هاشرح اللعبة للى ميعرفهاش و كمان فى قوانين بتتغير احيانا :give_rose:


اللعبة هيا عبارة عن واحد هايقعد على الكرسى و اى عضو فى المنتدى له الحق انه يساله اى سؤال (فى حدود طبعا ههههههه بس مش اوى:winka:)


المهم يتم اختيار المتهم على اساس اختيار 3 اعضاء له متتاليين و اول واحد سيتم اختيار 3 اعضاء له هو الى على الكرسى حتى لو واحد تانى اختاره 3 اعضاء المهم انه اول واحد و خلاص

مدة كرسى الاعتراف 3 ايام لكل عضو علشان ننجز هههههههههه و نقعد كله

العضو الى يقعد على الكرسى و يرفض الاجابة على الاسئلة ليس له الحق فى التصويت بعد ذلك او يسال العضو الى قاعد على الكرسى

لا يكمن اختيار نفس العضو مرتين متتالييتن

يكمن معاقبة العضو الى قاعد على كرسى الاعتراف بمد طول الفترة اذا خالف الشروط و لم يجب اجبات منطقية او تهرب من الاجابات او تاخر فى الاجابة كتير :thumbsup:



يا ريت نلتزم بالشروط

و شكرا:present:

[magic_moon]

خلاص ابتدوا الترشيحات بقي يلاااااااااا هترشحوا مين انا رايي بقي اللي عاملها يقع فيها ونختار كيروووووووووو ههههههههههههه

[M33n4]

اه نختار كيرو

[Dr.MiMo]

kero

[RoRa]

شروط جامدة مووت
انا هلعب معاكم
وكده 3 اصوات لكيرووووو

وهساله اسالة خفيفة كبداية بس على اما افكرله فى زنقات جامده

بتدرس ايه؟
هوايتك ايه؟
بتخدم ولا لا؟ ولو اه بتخدم فى ايه؟
اب اعترافك مين واخر مرة اعترفت امتى؟
اذكر مبدا ليك فى الحياه؟؟؟؟؟؟
ايه بيمثلك كل من :
ماما
بابا
اخواتك
صديقك الصدوق
كنيستك
جهاز الكمبيوتر بتاعك
مرايتك
المطبخ او التلاجة
مخدوميك

ايه اكتر حاجة بتحبها
اكتر حاجة بتضايقك
اكتر حاجة ممكن تجرحك من اكتر حد بتحبه

اتمنى امنية صعبة
اتمنى امنية ممكن تتحقق بسهولة

ايه رايك فى الاعضاء اللى تعرفهم من هنا او سمعت عنهم
اختار 5 اعضاء منهم وقول رايك فيهم باختصار فى كام كلمة كده

يلا كفاية عليك كده النهارده

[KERO]

وهساله اسالة خفيفة كبداية بس على اما افكرله فى زنقات جامده هههه هو لسه فى تفكير فى اسالة كمان

بتدرس ايه؟ اعدادى طب الاسنان
هوايتك ايه؟ النت و البلاى ستيشن و اى حاجة هايفة
بتخدم ولا لا؟ ولو اه بتخدم فى ايه؟ لا هو مفيش خدمة رسمية بس انشاء الله هاخدم خدمة رسمية قريب
اب اعترافك مين واخر مرة اعترفت امتى؟ اب اعترافى ابونا سرافيم و اخر مرة اعترفت تقريبا من 3 شهور و نص :)
اذكر مبدا ليك فى الحياه؟؟؟؟؟؟ عامل الناس كما تحب ان يعاملوك
ايه بيمثلك كل من :
ماما زى صديقتى و دايما كل اسرارى معاها
بابا كذلك و هو قدوتى فى الحياة
اخواتك زى اصحابى و بعتبرهم مسئولين منى
صديقك الصدوق زى اخويا
كنيستك بيتى و بحس فيها انى فى امان و بحس بالحياة جواها
جهاز الكمبيوتر بتاعك انا تقريبا عايش معاه و لما بيتعب انا كمان بتعب نفسيا
مرايتك بشوف فيها نفسى و احاسبها
المطبخ او التلاجة المطبخ مش بحبه و التلاجة بمووت فيها و فى الجواها ههههه
مخدوميك مش فاهم بالظبط

ايه اكتر حاجة بتحبها الصراحة
اكتر حاجة بتضايقك المشاكل
اكتر حاجة ممكن تجرحك من اكتر حد بتحبه مش عارف بس اكيد حسب الموقف

اتمنى امنية صعبة ابقى وزير الصحة
اتمنى امنية ممكن تتحقق بسهولة انى ابقى خادم انشاء الله بعد النتيجة

ايه رايك فى الاعضاء اللى تعرفهم من هنا او سمعت عنهم بصراحة كلهم خدام محترمين و معظمهم اصحابى و انا بحبهم
اختار 5 اعضاء منهم وقول رايك فيهم باختصار فى كام كلمة كده
مينا كمال برافو عليك بجد على المنتدى
مينا ماجد عايز اسمع حسك شوية
اشرف موريس راجل و جدع
كيرلس شحتة صارم و حاسم و خف شوية يا كوكو
الباقى مش عارفه لان كل واحد بنيك نيم انا معرفش هو مين :thumbsdown:

يلا كفاية عليك كده النهارده
هاها هو فى اكتر من كده

[RoRa]

مخدوميك مش فاهم بالظبط
خلاص ده ملغى عشان مش بتخدم

اكتر حاجة ممكن تجرحك من اكتر حد بتحبه مش عارف بس اكيد حسب الموقف
اعتبر ده هروب من الاجابة
انا بقول اكتر حاجة يعنى فكر كده وجاوب

الباقى مش عارفه لان كل واحد بنيك نيم انا معرفش هو مين :thumbsdown:
مش لازم حد تعرفه او تعرف اسمه اى حد تعرفه من المنتدى من خلال شخصيته بالمنتدى

[KERO]

مخدوميك مش فاهم بالظبط
خلاص ده ملغى عشان مش بتخدم

اكتر حاجة ممكن تجرحك من اكتر حد بتحبه مش عارف بس اكيد حسب الموقف
اعتبر ده هروب من الاجابة
انا بقول اكتر حاجة يعنى فكر كده وجاوب

الباقى مش عارفه لان كل واحد بنيك نيم انا معرفش هو مين :thumbsdown:
مش لازم حد تعرفه او تعرف اسمه اى حد تعرفه من المنتدى من خلال شخصيته بالمنتدى



طيب اجاوب لان شكلى مش هاعرف اتهرب

اكتر حاجة من تجرحنى من شخص بحبه انه ميفهمنيش و يخونى


و الاسم الخامس هاقول رايى فيكى شخصية لذيذة و سالتينى كتير اوى هههههههه كفاية كده :shade:

[ojo]

على فكره يا كيرو انا مش هسالك خااااااالص:004: اصلك صعبان عليا
انا مش هسالك ا نا هتفرج بس

[KERO]

على فكره يا كيرو انا مش هسالك خااااااالص:004: اصلك صعبان عليا
انا مش هسالك ا نا هتفرج بس
ههههههه مرسى اوى وفرت عليا المشوار و و عد منى لما تقعد على الكرسى مش هاتقل عليك

[RoRa]

هههههههههههههههه


انا جيـــــــــــــــــت


اولا ميرسى لصراحتك
ولرايك فيا هههههههه

ثانيا
تعالى نكمل بقاااا

ايه اغلى احلامك وتفتكر ممكن تتحقق ولا لا؟

ايه الحلم اللى حلمته ومحققتوش ؟

لو فى ايدك تحقق طلب اعجازى لشخص واحد (غيرك طبعا) تحققه لمين وتحققله ايه؟

لو ظهرلك ملاك وقالك هيحققلك حلم او طلب تطلب ايه؟(طلب واحد)

هل انت (عموما) :
متشائم؟
كئيب؟
مرج؟
اجتماعى ام منطوى؟


ايه اكتر حاجة تفرحك من حد بتحبه اوى :

بتحس الحب من اللى حواليك اكتر بالكلام ولا بالفعل ولا بتحتاج للاتنين؟


ايه رايك الحب اللى بعد الجواز يبقى اقوى ولا اللى من قبله؟

ايه رايك فى الحب عموما؟ وبيمثلك ايه فى حياتك ؟

يلا كفاااية عليك كده النهارده على اما افكرلك تانى

[RoRa]

اكتر حاجة بتحبها فى بلدك
اكتر حاجة بتكرهها فيها
لو جالك سفر بره مصر توافق؟ هجرة يعنى
ايه اكتر حاجة ممكن تجرحك من اكتر حد بتحبه
ايه اكتر 3 حاجات يزعلوك من اللى حواليك
ايه اكتر 3 حاجات يخلوك مبسوط

[ojo]

دى رورا طحناك يا بنى

[KERO]

هههههههههههههههه


انا جيـــــــــــــــــت لول هو انا اظاهر مفيش غيرك فى المنتدى ههههه


اولا ميرسى لصراحتك
ولرايك فيا هههههههه العفو انا فى الخدمة و تحت امرك فى اى اسألة بس وعد منى انتى قريب اوى على الكرسى هههههه

ثانيا
تعالى نكمل بقاااا نكمل هو احنا و رانا حاجة؟

ايه اغلى احلامك وتفتكر ممكن تتحقق ولا لا؟
حاليا اغلى احلامى انى انجح و بصراحة منديش امل كبير بعد الى حصل فى الامتحانات و على المدى البعيد طبعا ابقى دكتور مشهور و ناجح و اولا و اخيرا دخول السما
ايه الحلم اللى حلمته ومحققتوش ؟
ههه السؤال ده اتسالنى كتير و عموما يا جماعة من غير تريقة هو كلية الهندسة
لو فى ايدك تحقق طلب اعجازى لشخص واحد (غيرك طبعا) تحققه لمين وتحققله ايه؟
مممممممم ايه الاسئلة دى ههههه
عموما السؤال صعب اوى و بجد لو جه على بالى حاجة هاجى ارد على السؤال على طول (اعتبريه وعد)

لو ظهرلك ملاك وقالك هيحققلك حلم او طلب تطلب ايه؟(طلب واحد)
لول بجد يعنى هو كل حاجات من الخيال كده ههههه طب مفيش اى اسالة من الواقع؟ عموما
مممم اقوله نجحنى بليز و احجزلى مكان فى السما

هل انت (عموما) :
متشائم؟ لا خالص بالعكس انا عندى امل دايما فى الحياة و فى ربنا
كئيب؟ ممممم لا برده مظنش
مرج؟ بحب المرح لكن مش بارع اوى فيه ههههه
اجتماعى ام منطوى؟ لا اجتماعى الحمد لله


ايه اكتر حاجة تفرحك من حد بتحبه اوى :
يقدرنى و يحس بقيمتى و حبى ليه
بتحس الحب من اللى حواليك اكتر بالكلام ولا بالفعل ولا بتحتاج للاتنين؟
لا اكيد بحتاج للاتنين بس بحب الفعل اكتر لان الكلام كتير و النفاق اكتر بس برده بحب الكلام لووول

ايه رايك الحب اللى بعد الجواز يبقى اقوى ولا اللى من قبله؟
مممم انا رايى الشخصى الحب الى بجد احسن حاجة ساء جه بعد الجواز او قبله لكن الحب الوهمى موجود لكن مش بيعمر علشان كده انا رايى الحب قبل الجواز الاول احسن بس برده فى حدود
ايه رايك فى الحب عموما؟ وبيمثلك ايه فى حياتك ؟
هاها الحب حلو اكيد بس لو قصدك بين الجنسين انا لسه محصليش الشرف ههههه لكن الحب عموما حلو بين الاصحاب و الاهل و كل الناس جميل فعلا
يلا كفاااية عليك كده النهارده على اما افكرلك تانى


لول على فكرة خلاص هانت مفضلش غير يوم واحد و انشاء الله عقبالك مكانى ههههه

[KERO]

دى رورا طحناك يا بنى
لول ادينى بجاوب علشان محدش يطبق اى عقوبات عليا هههههههه

[holy.girl]

ياااااااااااا ه بقالي كتير مدخلتش الكرسي بجد وحشني قوي وجيت بقي ولقيت اخ kero هو اللي قاعد عليه عموما ابدا الاسئله علشان مطولش ...... بجد هتبقي اساله بسيطه جدا متقلقش

بالنسبه للنت بما انه هوايتك المفضله نتكلم عنه شويه ........

س1 ايه اول حاجه بتعملها اول ما تفتح الجهاز بتاعك س2 ايه اكتر حاجه بتشدك هنا في المنتدي ؟
س2 ايه اكتر حاجه واخده مساحه من الجهاز بتاعك ؟
س3 ايه اكتر حاجه بتاخد منك وقت علي الجهاز ؟
س4 ايه هو اكتر وقت قعدته قدام الكمبيوتر ؟
س5 امتي حسيت انك ضيعت وقت قدام الجهاز ؟
س6 ايه الموضوع اللي شدك قوي في المنتدي ؟
س7 تقدر تفرقلنا بين المنتدي القديم والمنتدي الجديد ؟ ايه اللي كان هناك ومش هنا او العكس وكده ؟
س8 امتي جيت تفتح المنتدي وشفت حاجه مثلا ضايقتك؟
س9 اي موضوع انت حطيته وبعدها فرحت لما لقيت اقبال عليه ؟ سواء المنتدي ده او القديم ؟
س10 ايه اكتر منتدي بتقعد فيه فتره طويله ؟

دي بالنسبه للاسئله الخاصه بالنت ......... هرجع تاني علي الاسئله الشخصيه والاجتماعيه ؟ فاصل ونواصل ؟

[KERO]

ياااااااااااا ه بقالي كتير مدخلتش الكرسي بجد وحشني قوي وجيت بقي ولقيت اخ kero هو اللي قاعد عليه عموما ابدا الاسئله علشان مطولش ...... بجد هتبقي اساله بسيطه جدا متقلقش ياه كفارة ههههه و اما نشوف الاسئلة بسيطة ولا لا لول

بالنسبه للنت بما انه هوايتك المفضله نتكلم عنه شويه ........

س1 ايه اول حاجه بتعملها اول ما تفتح الجهاز بتاعك س2 ايه اكتر حاجه بتشدك هنا في المنتدي ؟ اول حاجة بعملها اول اما افتح الكمبيوتر بفتح الام اس ان على طول و اكتر حاجة بتشدنى هنا فى المنتدى قسم الالعاب طبعا لانى المشرف بتاعه لول
س2 ايه اكتر حاجه واخده مساحه من الجهاز بتاعك ؟ اظن الافلام بوجه عام
س3 ايه اكتر حاجه بتاخد منك وقت علي الجهاز ؟ download اى حاجة
س4 ايه هو اكتر وقت قعدته قدام الكمبيوتر ؟ كان 18 ساعة متواصل بس قمت كلت و رجعت تانى
س5 امتي حسيت انك ضيعت وقت قدام الجهاز ؟ طول الدراسة و خصوصا السنة الى فاتت
س6 ايه الموضوع اللي شدك قوي في المنتدي ؟ مواضيعى لول
س7 تقدر تفرقلنا بين المنتدي القديم والمنتدي الجديد ؟ ايه اللي كان هناك ومش هنا او العكس وكده ؟ هو انا مكنتش متابع المنتدى الى هناك اوى بس احلى فرق اكيد بين هنا و هناك ان انا مشرف هنا ههههه
س8 امتي جيت تفتح المنتدي وشفت حاجه مثلا ضايقتك؟ اول مرة فتحته و كمان امبارح
س9 اي موضوع انت حطيته وبعدها فرحت لما لقيت اقبال عليه ؟ سواء المنتدي ده او القديم ؟ لعبة السجن و برنامج one click ring tone conveter
س10 ايه اكتر منتدي بتقعد فيه فتره طويله ؟ حاليا المنتدى ده انما زمان كان منتدى اسمه تفانين لانى admin فيه

دي بالنسبه للاسئله الخاصه بالنت ......... هرجع تاني علي الاسئله الشخصيه والاجتماعيه ؟ فاصل ونواصل ؟ حلوة الاسئلة لول و مستنى العودة اصل بصراحة اسالتك اسهل من اسالة رورا هههههههه

[tamtam]

اللة يكون فى عونك كيرو انت بتصعب عليا كتيررررررررررررر بس هو سؤال واحد اية الى كان مضيقك امبارح فى المنتدى؟ وبس وحمدلله على سلامتك....

[KERO]

اللة يكون فى عونك كيرو انت بتصعب عليا كتيررررررررررررر بس هو سؤال واحد اية الى كان مضيقك امبارح فى المنتدى؟ وبس وحمدلله على سلامتك....
ههههههه يا ريتى ما كنت كتبت لوووووووول

الى كان مضايقنى ان كان فى موضوع مكتوب فى قسم المشرفين انى بقيت مشرف و المشرف العام مسحه ههههههه

كفاية كده يا جماعة هههههه

[manmoon]

اللة يكون فى عونك كيرو
بس يكون فى عونك منى انا.....هههههههههههههه
نبدا.... اولا بتعمل اية اما بتحس انك بتتهان ؟ ممكن تفق ساكت وممكن لا ؟ فسرلنا لية فى اى واحدة من الاتنين ولو لا دة ممكن ينم عن ضعق قى شخصيتك ولا لا؟
اللى بعدة..... امممم انتا من النوع اللى يصالح اللى زعل معاة حتى لو كان هو مش غلطان ؟
بتحس انك محبوب فعلا من اللى حوليك ولا بيتهيقلك؟ لو بتحس دة لو يعنى عرفت ازاى؟
اية اكبر زعل فى حياتك ؟ واية اكبر خناقة مع واحد من اصحابك؟
ممكن تفكر تخون واحد من اصحابك الانتيم وتبوح باسرارة؟
ولا يمكن دة من طبعك فعلا ؟.......هههههههه
عملتها قبل كدة وفشيت اسرار حد؟
حسيت قبل كدة بكام واحدة معجبة بيك ؟
كفاية عليك كدة لان انا شكلى تقلت العيار شوية