هل هذا هو الحب ؟؟؟؟

[holy.girl]

:give_rose: الظاهره العامه في الكليات اتنين قاعدين مع بعض تحت شجره وخلافه ...... ياتري لو همه قاعدين ومفيش بينهم ولا خطوبه ولا حاجه طيب هو لو خايف عليها هيقعد معاها وكل اللي رايح واللي جاي يتكلموا ........ طيب هل هو لو فعلا حقيقي قد المسؤوليه ممكن انه يتقدم مش هيرفضوه اظن ولا هو بيعمل كده تسليه وقت اثناء الدراسه ولا ايه ...... ولا يوم الفالنتين بقي ياااااااه علي اللي بشوفه ...... عموما احب اعرف ارائكم في الموضوع ده ...... :give_rose:

[Timon_Bumpa]

انا معاكى ان الظاهرة دى منتشرة بطريقة جااااااااااامدة
وخاصة حكاية الشجر دة

ماهى لو تفهم ان القعدة دى
هاتأثر على سمعتها لوحدها
وهو ولا هامة حاجة
كانت يمكن اتغير حاجة

وعلى العموم فية علاقات من دى بتكون بجد
وفيها اللى بيكون تسلية
ومش لازم يكون من طرف الولد
فية مرات كتير بيكون تسلية من طرف البنت بردة

للموضوع بقية
نسمع بقية راى الاعضاء
:yahoo:

[magic_moon]

عند حقك ياتيمون فعلا احيانا بعض العلاقات دي بتبقي جد وبعضها بتبقي تسالي يالب زي مابيقولوا وتقريبا اغلبها وقليل قوي بتبقي جد لان مرحله الكليه مرحله بدائيه في الحب ولازم كل بنت تعرف كده وكل ولد كمان اللي عاوز يحب ويقعد تحت شجره يكون قد ده من الاخر يعني . واحب اشوف باقي الاراء

[holy.girl]

وممكن انه برده يكون معرفها انه قد المسئوليه وكده وهو مش مالك حاجه وعمال يومهمها وخلاص ويمكن يكون مش قد المسؤوليه دي خالص

[holy.girl]

يا جماعه المشكله مش مشكله شجره طب وحكايه الكلام اللي طالع ده ده لو بجد بيحبها بجد مش هيعمل كده لانه هيخاف عليها ولا ايه وغير كده كمان ساعات اجي اكلم حد عن بنت يقولي تقصدي فلان ويقولي اسم الولد اللي معاه طب ودي كويسه لما تتسمي باسم ولد ؟؟؟؟؟؟؟ ولا ايه رايكوا

[ojo]

:give_rose: الظاهره العامه في الكليات اتنين قاعدين مع بعض تحت شجره وخلافه
دى تعتبر حاجه عاديه اوى لان فى سعات مجموعه بتقعد مع بعضها وسعات بنت وولد وممكن يكونو بيحبو بعض واعتقد ان ده مش عيب
...... ياتري لو همه قاعدين ومفيش بينهم ولا خطوبه ولا حاجه
ازاى هيقعدو ومفيش بينهم حاجه مش شرط يكونو مخطوبين
ممكن يكونو بيحبو بعض مش هقول اصحاب لان مفيش بنت ولد اصحاب بيقعدو كده فا عادى مش حرام ولا حاجه

طيب هو لو خايف عليها هيقعد معاها وكل اللي رايح واللي جاي يتكلموا
كده كده هيتكلمو حتى لو مش قعدين تحت شجره مجرد انهم يشفوهم مع بعض هيتكلم

........ طيب هل هو لو فعلا حقيقي قد المسؤوليه ممكن انه يتقدم مش هيرفضوه اظن
مين الى قال انهم مش هيرفضوه ما ممكن يقول انت لسه بتدرس ومينفعش خطوبه هيعمل ايه؟ تخيلى كده
اكيد هيفضل يحبها طول ما هى معاه فى الكليه وقدامه
معتقش انهم ممكن يستغنى عن حبهم لمجرد ان الاهل رفضت

ولا هو بيعمل كده تسليه وقت اثناء الدراسه ولا ايه
ممكن بس دا مش معنه ان كلهم زى بعض فى الى مش فى نيته حاجه وعادى وممكن يكون ميعرفش حاجه
بيعمل زى الناس مابتعمل وخلاص ونفسه يكون زيهم
بس نيته سليمه فراحن يعنى
:give_rose:
شكرا على الموضوع الجامد ده

[M33n4]

فعلا ياهولى كلامك صح وفعلا المشكله ان لو اى حد شافهم مع بعض تحت شجره اوى اى حته بيربطهم ببعض ودايما البنات مبيدوش خوانه للشخص الى واقف معاهم ده وبيثقوا فيه ثقه عمياء وبعدين لما يكتشفوا انه مش مظبوط بيتحطموا ويكرهوا نفسهم وكل الناس ... طيب مهو انتى الى غلطانه من الاول يعنى فيه واحد يقدر يصرف عليكى ويتحمل مسؤليه وهوا لسه فى جامعه !!!!
بجد انتى بتثيرى مواضيع رائعه يا هولى ربنا يباركك

[holy.girl]

ميرسي بجد لردودكم وطبعا يا كيرلس انت عندك حق زاحنا من خلال اللي في المنتدي بنناقش الموضوع ده وهيبقي لجميع الاعضاء لكن عايزيين نعرف حاجه ........ احنا لو شفنا حاجه زي اكيد طبعا مش هنروح نتكلم لكن علي الاقل نتعلم ولا ايه واحب اسمع باقي الاراء

[Timon_Bumpa]

لا تدينوا حتى لا تدانوا

[اريد حبا]

الحب هو مساعده الاخرين بروح المحبة ولا تتظاهر ولا تفتخر
اذكروني في صلواتكم

[holy.girl]

لا تدينوا حتى لا تدانوا


يا اخ تيمون احنا مش بندين احنا عرضنا الموضوع ده علشان نتناقش فيه بهدف اننا نتعلم منه ونعلم اصحابنا مش ادانه اطلاقا احنا متكلمناش علي شخص محدد

[ganooo]

ميرسى جدا
على الموضوع المهم ده

[RoRa]

طبعا يا هولى هو كده مش خايف عليها
وهى كده كمان مش خايفة على نفسها اللى هى اغلى واقرب الاشياء لها يبقى ازاى هتخاف عليه هو بعد كده

انا من رايى انهم مش قد المسئولية خالص
ولسه صغيرين انفعاليا
عواطف المراهقة الجياشة هى اللى بتحركهم مش التفكير السليم وهنا بقا الخطورة

انا رايى ان الحب لازم يقوم على اساس الارتباط
يعنى قبل الدبل ممكن اعجاب استلطاف راحة نفسية لكن يكونو فى وسط مجموعة ومش يعملو زى اولاد العالم
لازم يكونو قدوة كويسة وريحة زكية لانهم ريحة المسيح ولانهم ولاده

ولا ايه رايكم

ميرسى هولى على التوبيك الحلو ده

[ايليا طلعت]

موضوع جميل بجد
بس على فكرة علشان الكل يكون عارف اكتر ناس بتقول الكلام ده هو اصحابنا امال الناس التانية تعمل ايه
بس للاسف مفيش حد بيقدر معنى الحب وناس كتير بتفهمه غلط
وبالذات بالبنات هما اللى بيقولوا الكلام ده................ اشمعنا قاعده مع فلان ؟
بترنى ليه عليه؟ انتى ما نزلتيش علشان فلان ما نزلش؟ وغيره كتيرررررررررررررررررررررررررررررر
ولا ايه راى البنات اللى معانا؟؟؟؟؟؟؟؟؟؟؟؟؟؟؟؟؟؟؟؟
بس بجد ذى ما فى كويس ووحش فى الدنيا فى انسان كويس وفى انسان مش كويس
فى ناس كتير بتبقى الانسانة اللى معاه دى يتمنى انها تكون من نصيبه ويكمل حياته معاها
وبيخاف عليها وبيكلم اهلها..................
طيب فى موضوع لو الشخص ده جاد فى الموضوع ده لدرجة انه خاف عليها من الكلام ده وقال لاهلها بالموضوع ده
ومستنى الظروف تتحسن ........ علشان يتقدملها.......... وبيحاول يعمل كل اللى يقدر عليه ،،،،،،،،،،
حنمنعهم انهم يقدوا مع بعض وسط اصحابهم فى الجامعة ولا ايه رايكم؟؟؟؟؟؟؟؟؟؟؟؟؟؟؟