ايه هو هدفك ؟؟؟؟

[holy.girl]

:neutral:كل واحد لينا ليه هدف ؟؟؟ يا اما يكون حققه وعايز يحقق اكتر منه ؟ او ناوي لسه يحققه ؟ يا اما يكون حاسس انه مش هيقدر وبيحاول يجازف وهيحققه بالصبر ؟؟؟ يا اما حاسس من اوله بالفشل ووقف عن المجازفه ؟؟؟ ياتري ايه هو هدف كل واحد في الحياه ده غير طبعا الهدف الاساسي لينا وهو الملكوت ؟؟؟ ياتري الهدف الحب والجواز وخلاص ولا الشغل ولا ايه ؟؟؟؟؟
س ايه كان هدفك وحققته ولا لا يا ريت نعرف كلنا ايه اهدافنا في الحياه ونجعل الموضوع ده للمناقشه .............

[RoRa]

موضوع حلو اوى

انا كان هدفى زمان ايام المدرسة انى امسك خدمة
والحمدلله حققته

وهدفى دلوقتى انى انجح فى دراستى وحياتى العملية واحقق مستقبلى بنفسى
وانجح فى خدمتى وحياتى الروحية

وده لسه بحاول احققه

عايزة اكيد اوصل للملكوت
وده هدفى الاسمى والاساسى

[holy.girl]

ميرسي لردك يا رورتي وكمان عجبني قوي انك في البدايه بتقولي انه كان هدفك في ايام الدراسه انك تخدمي وازاي بعد ما خدمتي عايزه تنجحي في خدمتك يعني برده فيه عندك اراده انك تنمي الهدف اللي قدرتي انك توصليله ده الافضل بجد ان بعد تحقيق الهدف مش اننا نقف عنده لا لازم يكون فيه هدف اسمي وهو النجاح في اللي انا حققته ميرسي لردك كتييييييييييييير وياريت كلنا نقول ايه هو هدفنا علشان نتعلم من بعض

[M33n4]

انا هدفى انى اخلص كليتى واسافر للخارج اكمل تعليمى وابقى حاجه كده فى بلاد بره فى عالم التقنيات وطبعا كل ده لسه متحققش

[tamtam]

ميرسى هولى على موضوعك الجميل دى انا هدفى النجاح فى المجال الى انا متخصصة فى وكمان نفسى اعمالى يكون راضى عليها رب المجد......

[Mannon]

الموضوع جميل جدا لأن ازاى هنحقق اهدافنا اذا مكناش عارفينها !!!!!!
و ربنا يعوض تعب محبتك
:thumbsup:

[KERO]

الموضوع جميل جدا لأن ازاى هنحقق اهدافنا اذا مكناش عارفينها !!!!!!
و ربنا يعوض تعب محبتك
:thumbsup:
لول هما دول شبابنا ههههههههه


انا عموما كان هدفى ان ادخل كلية حلوة و الحمد لله اتحقق و حاليا هدفى المواظبة على الخدمة و النجاح فى الدراسة و اكيد النجاح على المستوى الاكبر شوية فى الشغل و كده


و طبعا اولا و اخيرا الملكوت

[holy.girl]

ميرسي لمشاركتكم بجد في الموضوع ده الرب يعوضكوا

[ojo]

:no.comint::poster_offtopic::poster_offtopic::post er_offtopic::cry::cry:
انا مش هرود

[holy.girl]

:no.comint::poster_offtopic::poster_offtopic::post er_offtopic::cry::cry:
انا مش هرود

ليه بس يا اوجو طب اعرف بس وجهه نظرك ونرد عليها الموضوع ده للمناقشه يعني قولنا وجهه نظرك ايه ونرد عليك ؟؟؟؟؟؟؟؟؟؟؟؟؟؟
عموما ميرسي لردودكوا كلكوا خااااااالص طيب وهل لما بنحقق اهدافنا دي ماهو سهله قوي اننا نبطل يبقي لينا هدف تاني ونقول خلاص كده كفايه ولا ايه اللي بيخلينا متمسكين بتحقيق الاهداف ؟؟؟؟؟؟؟؟

[Timon_Bumpa]

مش عارف اقول اية
هل انا ماليش هدف بسعى ورائة
هل انا سايب نفسى للحياة تاخدنى وتودينى وخلاص واهى ماشية
هل كل اهدافى اهداف وقتية
شكلى كدة ماببصش الاتحت رجلى

يارب ادينى هدف بجد اسعى ورائة ويكون علامة مميزة فى تغيير حياتى للاحسن

الواحد لازم يعرف هو اتخلق لية عشان يعرف هدفة اية !!!

[اريد حبا]

هدفي اني اعيش مع الله وعمل وصايا بس مش عارف كل ما احاول افشل

اذكروني في صلواتكم

[holy.girl]

مش عارف اقول اية
هل انا ماليش هدف بسعى ورائة
هل انا سايب نفسى للحياة تاخدنى وتودينى وخلاص واهى ماشية
هل كل اهدافى اهداف وقتية
شكلى كدة ماببصش الاتحت رجلى

يارب ادينى هدف بجد اسعى ورائة ويكون علامة مميزة فى تغيير حياتى للاحسن

الواحد لازم يعرف هو اتخلق لية عشان يعرف هدفة اية !!!


ممكن قوي يكون انت ليك هدف وانت مش بتحس بيه بمعني انك مثلا كل شويه تقول ياه امتي اخلص كليتي دي بقي ده في حد ذاته هدف نفسك تحققه علشان تخلص وجميل قوي برده انك مش حاسس انك عندك هدف بس بتصلي لربنا يديك هدف تسعي ليه ده جميل قوي




هدفي اني اعيش مع الله وعمل وصايا بس مش عارف كل ما احاول افشل




اذكروني في صلواتكم



اكيد طبعا هدفنا كلنا هو اننا نكون مع الله في الاخر في الملكوت والاجمل ان نطلب ربنا يكون معانا اثناء ما بنحقق هدفنا هو يعيش معانا طب ايه هو الهدف اللي عايزين ربنا يكون معانا واحنا بنحققه ... طب ازاي ربنا بيكون معانا واحنا بنحقق هدفنا والهدف ده يفشل طب ازاي اكيد طبعا لو بالنسبه للوصايا تقصدها احنا طبعا الوصايا دي مش علي طول ماشيين عليها اكيد طبعا بنسقط كتير في الخطيه لكن لو بالنسبه لهدف عادي في الحياه اكيد لو استرشدنا ربنا في كل حاجه بنعملها اكيد هيبقي معانا
ميرسي خالص لردودكم مشكورين بجد

[KERO]

طيب وهل لما بنحقق اهدافنا دي ماهو سهله قوي اننا نبطل يبقي لينا هدف تاني ونقول خلاص كده كفايه ولا ايه اللي بيخلينا متمسكين بتحقيق الاهداف ؟؟؟؟؟؟؟؟


انا ليا راى فى السؤال ده

ان الانسان الى عايش علشان يحقق هدف و حققه عمره ما يحاول انه يعيش بلا هدف او يجرب الاحساس ده و على فكرة ده مش طمع بل بالعكس ده طموح و تتطلع للافضل و انا عن نفسى حتى لو ليا هدف و ربنا اراد و لم احققه مش بزعل عليه بالعكس بركز فى هدف تانى احقق فيه ذاتى و الانسان الى عيش بدون هدف زى بالظبط شجرة بدون جذر لو الريح زادت شوية عليها هاتتدمر و هاتختفى من الوجود


شكرا على اتاحة الفرصة فى التعبير عن الراى

[holy.girl]

الانسان الى عيش بدون هدف زى بالظبط شجرة بدون جذر لو الريح زادت شوية عليها هاتتدمر و هاتختفى من الوجود
بجد رائع قوي التشبيه ده يعني اساسنا في الحياه هدف بمعني اننا مش مخلوقين تقضيه واجب وخلاص علشان ناكل ونشرب ونتمتع بالحياه وننما لا بالعكس لازم يكون لينا في الحياه اهداف نحققها اكيد طبعا ميرسي بجد لتشبيهك ده


شكرا على اتاحة الفرصة فى التعبير عن الراى
ده اكيد طبعا لازم اي موضوع يتطرح لازم كلنا نشارك فيه بآرانا دي حاجه اساسيه

[ojo]

انا كمااااااااان
معنديش هدف فى الحياه
انا كمان زى تيمون سايب نفسى تودينى زى ماتودينى تودينى يموين انا معاها تودينى شمال انا معاه لانى مش مستعد ان يكون عندى هدف وافشل انى اوصله دى حاجه عندى نا شخصيا تدمرنى كل التدمير
فا انا شم بحب اجرى ورا احلام لازم واحب انى اكون واقعى جدا

[antonina]

سمعت فى احدى الوعظات من فم الاب الكاهن انة لابد من تهديف الحياة فسالت نفسى كثيرا هل كل منا لة هدف فى حياتة ام يعيش فقط لانة عايش ياريت اللى حاطط لنفسة هدف فى حياتة يقول لنا علية وكلنا نستفيد..........ومش شرط يكون هدف دينى
وانا هاابتدى .. هدفى السماء
هدفى زيادة شهاداتى العلمية
هدفى معرفة الحكمة حقا واقتناءها ولاجلها ابذل جهدا كبيرا

[جولى ملكه الرومانسيه]

موضوع حلو اوى يا انطون
وانا هدفى انى انجح ف حياتى واعمل جولى بجد واكون فعلا بنت يسوع (لكى يرو اعمالكم الحسنة فيمجدو اباكم الذى ف السموات )
شكرا ليك كتير يانطون واهلا بي معانا ف المنتدى

[antonina]

ميرسسسسسسسسسسسسى ليك كتير ياجولى على مشاركتك انا مبسوطة جدا ان الموضوع عجبك ويارب تنولى هدفك وتحقيقة لانة جميل جدا (اعمل جولى بجد واكون فعلا بنت يسوع) فان محبة اللة افضل الوصايا

[بنوتة]

انا هدفى فى الحياة انى ارتبط بربنا اكتر ويساعدنى فى كده شريك حياتى الذى مازلت فى انتظاره ويهبنى ربنا منه اولاد مباركين يمجدوا اسم ربنا اكتر