ربنا لمسك فى حياتك متدردتش واحكى

[mama]

عايزه اعرف علاقتنا ايه بربنا؟
هل بنقرب منه؟
ليه بنبعد عنه بالرغم منه انه بيقرب مننا اوىىىىىىىى؟
عايزاكى تحكولى
قصص لمستو فيها ربنا فى حياتكوو اوى عايزه اعرف عمل ايه معاكو ونعمه الكتبيره
وانا هحكلكو قصص لاولادى كتيييييييييييييره
اوى تستفيدو منها
عايزه اعرف نعمل ايه علشان نترمى فى حضن ربنا وقت ما نكون عطشانين ليه
وازاى نفضل عطشانين طول الوقت ليه؟؟؟؟؟
ربنا مش مصباح علاء الدين نحتاجه بس لما يحللنا مشاكلنا ربنا له كل المجد
له وجود فى حياتنا طووووووول الوقت
ربنا هو اللمسه الحلوه فى حياتنا
عايزه اعرف بقى ازاى نخدمه حتى لو مش فى خدمه او مشتركين فى خدمه
وازاى نكلمة وسط كل مشاغلنا؟؟؟؟؟
مستنيه ارائكم

[ojo]

:no.comint::no.comint::no.comint:
:embarassed::embarassed::embarassed::zip::zip::005 :

[mama]

ههههه
كل واحد كاتب لا تعليق امال مين هيعلق

هحكلكم انا بقى على قصه حصلت مع جوزى فى الواقع يعنى اهو وقولولى رايكم

فى اول جوازنا كان عايز يشترؤى عربيه زيرو يعنى بس المشكله ان امكانيتنا مكنتش تجيب عربيه جديده
فكنا هنتضر نجيب عربيه بمقدم وبعدين قسط حوالى 700 جنيه فى الشهر
وطبعا فى اول حياة اى حد 700 جنيه غير بنزين وزيت واى مشكله ومع اى ازمه هيبقى مبلغ مش قليل

فضلت اقنع فيه كتير واقوله علشان خاطر مستقبلنا علشان خاطرى مفيش فايده كان يقتنع وبعدين يرجع تانى نفسو يشترى
وخايف يشترى مستعمل لاننا قسينا الاول فى عربيه مستعمله قبل كده

وبعدين سكت ورضيت بالواقع وبدا حبيبى يدور على عربيه واختاها خلاص
وبعدين قدم عليها وهو شغال فى مكتب هندسى كبير وسمعته كويسه جدا
وقدم للبنك اللىة هيتولى الموضوع تبع المكعرض طبعا وبداوا يسألو عليه
وعمل مفرادات مرتب وكلام من ده
وهو يقولى صلىلى دايما وانا اصلى واقوله يارب لو مش فيها خير ياااارب متكملهاش
يارب لو فيها ضررر متعملهاش
وابعت ورق فى القداس على المذبح
وللقديسه دميانه فى الدير
وهو فاكر انى بقوم عليه ربنا
بس المهم يعنى ربنا رتبها من عنده والبنك رفض الموضوع كله يوميها حسيت ان ايد ربنا جاامده اوى وانه فعلا واقف معانا جدا
وخاصة انى عرفت انه بيقولو رفض لانه سال عليه لاقى االبواب بيقولوا دا مبيجبيش المكتب مع العلم ان مفيش بواب للعماره اساسا ههههههههه
وحاجات مش مقنعه والمهم علشان مطولش اكتر قدم فى بنك تانى وتالت وكل مره يترفض لاسباتب مضصحكه جدا مش مقنعه خااالص
وبعدين فين لما يقعد هو يقولى ربنا مش واقف معايا ربنا بعد عنى وانا اقوله يا حبيبى ده ربنا كده معانا ده ربنا كده بيحبنا و اشترينا عربيه مستعمله جميله جدا وعايشه لحد الوقتى ومفرحانا وبعده مرينا بكذا ازمه ماليه وهو يبصلى ويضحك ويقولى بعينه يعنى شفتى ربنا كان معانا فعلا
الموقف ده اكترر موقف فعلا لمس قلبى فيه ربنا وحسيت ان جنبى بالرغم من خطيتى وبعدى عنه


مستنيه اسمع منكم لان عندى حواااديت ياما

[Fr Matta]

معنديش قصة احكيها ولا حاجة لكن عندي تعليق صغير ..
يعني هو فيها ايه لما احنا نلجأ لربنا في وقت الضيقة وأيام الامتحانات ؟؟ ! هاتقولو علاقتي بربنا هاتبقى علاقة مصالح ؟؟ طيب وايه يعني .. ربنا عاوز مننا أي حاجة حتى علاقات المصالح ..
ده مش معناه اننا نلجأ لربنا وقت الضيقة فقط وفي الوقت التاني ننساة لأ مش المقصود
المقصود اننا ما نتكسفش من ربنا لو احنا كنا ناسيينه وافتكرناه في اي مصلحة .. !! مش جايز هو بعتلنا المصلحة دي علشان نفتكرة :shade:

رب المجد يكون معاكم ..

[mama]

بس ربنا مش تحت امرنا يا ابنى نفضل ركنينه وبعدين وقت حاجتنا نطلبه
ربنا عايزنا كلنا عايز كل قلبنا اهتمامنا وحبنا طول عمرنا
مش وقت ما نحب
ربنا صحيح على رايك ساعات بيجيب الازمه علشان نقرب منه لكن احنا بغباوة قلب نقرب ونبعد تانى اول ما تتحل
ساعات محتاجين قلم صغير علشان نفوق
لازم نعامل ربنا طول الوقت ونحطه قدامنا فى كل تصرفاتنا علشان منغلطش

[ojo]

بصراحها انا معنديش كلام فى الموضوع ده
لانى حاسس انى لو اتكلمت هعك الدنيا
خلينى ساكت احسن

[mama]

ليه بس اوجو احنا ناخد بركه اتكلم

[insomnic]

موضوع جميل قوييييي
انا مش هقدر اقولك بالظبط علي قصه محدده
بس ساعات كده بتحصل حاجات بتحسي ربنا هو اللي مدبرها و بيرشدك ليها
في موقفين انا علي طول بفتكرهم
(1) ايام جدتي كانت تعبانه و كدا و محتاجين حد يبفي معاها علي طول و كدا
و انا كنت بقالي كتير مشوفتهاش و مش عارف,,,, جاتلي حاجه كدا تقولي انزل زور جدتك ,, و فعلا نزلت و رروحت لاقيتها تعبانه جدا و محتاجين دكتور يبات معاها
كنت انا الدكتور ده ,,, يمكن ربنا هو اللي قلي انزل دلوقتي
may god mercy her soul
(2) كنت مشكله كبيره جدا واقع فيها و كدا و مش عارف اعمل ايه
المهم في الفتره دي جاتلي هديه .. الهديه ده كانت عباره عن ميداليه
للبابا كيراس مكتوب عليها
كن مطمئنا جدا جدا ولا تفكر في الامر كثيرا بل دع الامر لمن بيده الامر
و فعلا سلمت الموضوع لايد ربنا و هو اتصرف فيه كويس
و من ساعتها و انا اي مشكله بتحصلي بسيبها علي ربنا
في الموقفين دول و اكيد مئات منها بتعدي علينا و مش بنحس ربنا فيها
بس اكيد اكيد هو مش بيسبنا بس لازم نعرف كدا كويس علشان نسمع صوته
و نفهم كلامه اللي بيرشدنا في حياتنا من غير منلاحظ

[Timon_Bumpa]

من اول اما الموضوع دة اتفتح وانا عايز اشارك فية
ربنا بيقف معايا فى مواقف كتير وبحسة بية دايما واقف جنبى
مع انى مااستحقش كل دة منة وانا بردة ببعد عنة :(

لغاية اما حصلى موقف اقرب انة يكون معجزة
عرفت ربنا قد ايـــــــة بيحبنى

كنت فى رحلة الاسكندرية 27 / 7 / 2007
اللى تبق اسرة القديس لوقا الطبيب اللى كان موجود اعلاناتها هنا فى الموقع

المهم كان الاتوبيس ركن جنب كنيسة مارجرجس باسبورتنج
ونزلنا نتمشى احتة الصغيرة اللى قبل الكنيسة

انا كنت نايم على نفسى ومش فايق كنت ماشى بتطوح شوية
مرة واحدة لقيت عربية نصف نقل جت طيرتنى
عملت شقلباظ فى الهوا ووقعت على ظهرى
الحمد لله قمت على طول
وادركت بعديها ان كان ممكن اضيع فيها لولا ستر ربنا
وفى الاخر كانت نهاية الحادثة شوية كدمات بسيطة

اشكرك يارب انك مااخدتش روحى وانا مش مستعد للقائك
اشكرك يا رب انك اديتى فرصة للتوبة عشان ارجع ليك
اشكرك يا رب لانك علمتنى ان العمر ممكن يخلص فى اى وقت !!!

[بنوتة]

انا اشعر دايما ان ربنا معايا واحب ان اقول ان من علا مات الطريق الروحى هى الشدائد والضيقات فالسيد المسيح ذاته قال ما اضيق الطريق المؤدىللحياة الابدية

[mama]

كلامتكم جميله اوى ووحشنى كلامكم جداااااا
ياريت كمان كلنا نحكى قصص وقفة ربنا معانا حتى
ولو اعتراف مننا بحبنا ليه
وكمان نقوله اننا فاكرينه طول حياتنا ومش ناسيين محبته واهتمامه بينا

[مينا غطاس]

انا فى حضن ربنا ومتاكد جدا
:no.comint:

[ArMaNdO]

ههههههههههههههههه تيمو بجد طار فى الهوا ووقع على الأرض بجدربنا كان معاه
انا بقى ربنا معايا على طوووووووووول فى امتحاناتي وفى كل شئ انا بنجح بتدبير ربنا

[mama]

مرسى لردودكم بس فين الحكاوى ايه محدش عنده حكاوى لعمل ربنا فى حياته يا سلااام

طب احكى انا
كان فى واحد اعرفه كان طول الوفت بيدول على شغل ومش لاقى لحد ما اعصابه باظت لدرجة انه بقى دايما يقول هو فين ربنا ده بقالى سنين بدور ومش لقى حاجه وربنا بيتفرج عليا
ويدخل من مقاببله لتانيه
لحد ما فجاه ربنا اتدخل بقوه
وجاله عقد عمل فى شركه المانيه بره وبعد ماسافر
قعد يفكر كده فى سلسة حياته
عارفين كتب اسامى كل الشركات الللى عمل فيها مقابلات واكتشف ان كل ظيفه معرفش يكمل فيها او فشل فيها او متقبلش اساسا بسببها عرف غيرها لحد ما وصل ولا نفسه اكنه كان ماشى فى طريق مرسوم علشان يوصل للنجاح

بس مشكلتنا بنبص تحت رجلينا لكن تدبير ربنا بيبص لبعيد مين يثق فى ربنا

[هلانة]

انا كان عندى ازمة حسيت فيها بايد ربنا وكمان سمعت صوتة ايوة سمعت صوتة هاقولكم ازاى والدتى اتوفت وكنت مرتبطة بيها جدا اكتلر من اى حد كانت ليا ام واخت وصديقة وحبيبة وساعات كنت احسها بنتى رغم انى كنت غير متزوجة بدات اروح الكنيسة واواظب على الهضات الروحية وفى كل وعظة الا قى الاب او الاسقف اللى بيوعظ كانة بيكلمنى انا وبيعزينى انا ومحددنى انا شخصيا لاكن دا ماكنش الواعظ دا صوت ربنا ليا كان بيهزنى من جوايا وبيعزنى ويدينى سلام مش هطول عليكم انا كل ضيقة اكون فيها بحس بوجود ربنا بينتشلنى رغم بعدى عنة وبالرغم انى ماستحقش كل الحب والحنان دا منة ربنا يعينا كلنا ويكون معانا

[tamtam]

بجد الموضوع دا مهم جدا
بس ربنا ايده بتكون معانا على طول وفى حاجات كتير صحيح انا مش هنفع اقولها كلها بس احاول اقول يعنى موقف بس من افضال ربنا عليا انا الخاطية
ايام نتيجة الثانوية العامة كان نفسى ادخل كلية سياحة وفنادق وفعلا كتبتها فى التنسيق وجت فعلا وكنت فرحنا بيها اوى اوى
بس كانت كل شىء ممكن من خلاله اتقرب من الكلية دة كان ربنا بيدخل على طول
يعنى لان الكلية كانت فى الاسكندرية كان كل ما اسافر يحصل مشاكل كتير سواء فى المواصلات او فى المنزل او فى الاوراق يعنى كلة كان دايما متلغبط ومتعقد خالص
وكان قبل الدخول فى مقبلة شخصية ولاول مرة
حد يترفض فى المقابلة اترفض
وبعد لما كنت اخد الورق اكتشف انى نحجت فى المقابلة
يعنى ربنا ادانى انظار انها لا تصلح لى
بس بيدتنى القرار انى انا للى اخدة مش حد تانى علشان مندمش علية
وفعلا اخد القرار بتحويل ورقى الى كلية تانية
والغريبة انى كنت رفضاها نهائى بس اكتشفت انه فتحت فى هذة الكلية قسم جديد وهو محب لى جدا جدا
وفعلا تم نقل اوراقى الى هذة الكلية
نشكر ربنا على اختياره

[nero]

بالنسبة لعلاقتى بربنا تعرفى فى يوم تبقى علاقتى حلوة قوى مع ربنا و فى يوم تبقى بايظة خالص بس بحاول ارجعلة تانى وقاقول لا تشمتى بى يا عدوتى احنا لازم كلنا نعمل بس ساعات كتير اكلمة واحس فعلا بحضنة واخض رأية فى كل حاجة فى كل كبير وصغيرةوساعات تانية بحس انة بعيد قوى قوى وبعدين انا لغاية دلوقتى مش فاهم يعنى اية لمسة مش فاهم وبعدين انا عاوز اسئل سؤال هى التوبة الحقيقية معناها عدم رجوع للخطية نهائى انا بجد كنت محتاج اتكلم وبجد انا محتاج ردودكم جدا شكرا على الموضوع