الفرق الوااسع ما بين الاجيال

[mama]

عايزين نقرب وجهة النظر ما بين الابهات والامهات
واولادهم وعايزين نعرف ليه فى فرق فى التفكير؟
وايه المشاكل الاساسيه اللى بتواجهنا لما نتناقش
اللبس الاصحاب ؟؟؟؟؟؟
وهل المشاكل عند الولاد بتختلف عند البنات؟؟؟؟
وهل فى حل لكده؟
وهل ممكن نقرب وجهات النظر دى؟؟؟؟؟
وهل احنا ممكن نكون غلط؟
ولا ممكن اهالينا يكونوا غلط؟؟؟؟؟
وهل فى دور ليهم فى حياتنا؟؟؟؟؟
هل بابانا ومامتنا قريبين من الكنيسه وربنا؟
ازاى نقربهم؟؟؟؟
ازاى نعمل حوار بينا وبينهم؟
ازاى نرجع اسره مسيحيه متصله نصلى سوا قبل ما ننام ؟؟؟

[RoRa]

موضوع حلو جداا يا ماما ياريت نبتدى مناقشة فيه

[mama]

وانا مستنيه ارائكم يا بنتى الامووووووووووووره
خالص وكتاباتك رااااااااااائعه بجد وجميله خالص

[ojo]

:no.comint:

[KERO]

اولا مرسى يا اخت mama على الموضوع الرائع و يا ريت تثبتوا الموضوع ده لفترة صغيرة حتى ياخذ حقه من النقاش لانه فعلا موضوع مهم و انا كان نفسى اتكلم فيه من زمان على نطاق واسع


اللبس الاصحاب ؟؟؟؟؟؟ دول فعلا عامل اساسى فى اختلاف وجهة النظر و انا مع الاباء و الامهات فى النقطة دى
وهل المشاكل عند الولاد بتختلف عند البنات؟؟؟؟ طبعا لازم تختلف لان العادات و التقاليد تحكم البنت عن الولد و لكن لكل شىء حدود
وهل فى حل لكده؟ للاسف الحل عند الاولاد مش عند الاب و الام لان مش ممكن يكون اب و ام شايفين ولادهم بيعملوا حاجة غلط و هايقفوا و يسكتوا
وهل ممكن نقرب وجهات النظر دى؟؟؟؟؟ ممكن طبعا عن طريق عمل اجتماعات مشتركة بين الاباء و الابناء و طرح المشاكل و الحلول
وهل احنا ممكن نكون غلط؟ بالفعل احنا فعلا الى غلط بستثناء بعض الحالات الى بيكون فيها تشدد و انا مش مع التشدد على الابناء
ولا ممكن اهالينا يكونوا غلط؟؟؟؟؟ فى الغالب بيبقى احنا الى غلط لكن مش فى كل الاحوال
وهل فى دور ليهم فى حياتنا؟؟؟؟؟ بالطبع ليهم دور و تاثير كبير جدا
هل بابانا ومامتنا قريبين من الكنيسه وربنا؟ لو مش قريبين يبقى اساسا الموضوع غلط من البداية لانهم مش هايختلفوا فى وجهة نظر على اساس دينى
ازاى نقربهم؟؟؟؟ مممممممم اكيد فى طرق لول
ازاى نعمل حوار بينا وبينهم؟بالاجتماعات و النقاش بهدوء
ازاى نرجع اسره مسيحيه متصله نصلى سوا قبل ما ننام ؟؟؟ كل ده لازم يتحل الاول ووجهات النظر المختلفة تقرب



شكرا اوى على الموضوع ده

[holy.girl]

بجد الموضوع ده حلو جدااااااااااا مستاهل النقاش وعجبني قوي قوي حكايه اننا نسمع كلام الامهات والاباء بالرغم اني ملاحظه ان كتير قوووووووي مش بيهتموا بالكلام بتاعهم او مثلا يقولوا دي دماغ مثلا قديمه او كده او افكار قديمه بالعكس ده بيبقوا واخدين خبره كبيره قوي في الحياه ومجربين حاجات كتير يقدروا يفيدونا بيها ............. ولا ايه ؟؟؟؟؟؟؟؟؟؟

[Timon_Bumpa]

انا ضد كل هذا الكلام
كل جيل ولية قيمة ومتطلباتة وافكارة
هل زمان كان يقدر شاب يقف مع شابة فى اى حتة كدة
هل زمان كان فية الاختراع السحرى اللى اسمة كمبيوتر
هل زمان كان فية بطالة زى دلوقتى
هل زمان كان يؤمنوا بلغة الحوار فى حل المشكلات


هل هل هل هل هل هل ؟؟؟؟؟؟؟؟


فية فروقات كتير وكل واحد شايف ان هو الصح
فية مواضيع فيها الصح باين وواضح واكيد
لكن فية مواضيع تانية بيبقى فيها الصح صح نسبى
زى اللبس والاصحاب وكدة
وعشان كدة بيبقى نقطة الخلاف

[اريد حبا]

انا لي قصص مع والدي وامي بسبب رايهم وتدخل في حياتي وانا الان ضحية التدخل في حياتي

[totaia]

موضوع حلو اوى ميرسى ليكى يا ماما على الموضوع
انا من رأيى ان الاباء و الامهات دايما بيبقى اول اهتمامهم هو مصلحة اولادهم فمهم اوى ان الابناء يسمعو كلام اهاليهم طبعا كل قاعدة و ليها شواذها لان ساعات الواحد بيشوف ان الاهل اسلوب تفكيرهم غلط و بيكونو متشددين فى معاملتهم مع ابنائهم و طبعا فى الحالة دى الاولاد بدل مابيقربو من اهاليهم بيبعدوا اكتر
انا شايفة ان الحل الاول لكل المشاكل دى ان يكون داخل الاسرة حوار و مناقشة و ان الاباء و الامهات يعلمو اولادهم من صغرهم على النقاش معاهم فى اى موضوع لو عودوهم على كدة من صغرهم هيفضلو كدة لحد مايكبروا و دة هيخليهم يحكوا ليهم على كل حاجة فى حياتهم و بكدة هيكون الاهل و الابناء فى علاقة صداقة بينهم و دة هيمنع مشاكل كتير منها اختلاف الرأى او وجهات النظر بينهم

[Mannon]

ميرسى جداا على الموضوع الحلو دة بس الموضوع دة شبة معقد و خاصة فى حالة تمسك الأباء و الأمهات بأرائهم !!!:no.comint:

[PaToRa]

:no.comint:

[Nanos]

ياريت يا ماما النقاش دة يحصل والايام دى مختلفة يعنى تلاقى الام والاب خايفين اوى علينا وبيخنقونا بالاوامر

[PaToRa]

:no.comint: