الطموح وعلاقتة بالتهور

[mama]

الغضب مشكلة العصر بجد والعصبيه وخاصة عند الولاد ياترى ليه بنغضب وليه بنتسرع وليه عايزين كل حاجه تيجى بسرعه
وهل ده ليه علاقه بطموحاتنا وعدم تحقيقها
وازاى نحقق طموحتنا ونحافظ على هدوئنا وسلامنا الداخلى ونكون هادين
ايه رايكم؟؟؟؟؟؟؟؟؟؟؟؟؟؟؟؟؟؟

[holy.girl]

ممممممممممممم حلو قوي الموضوع ده بس حكايه الطموحات ممكن تكون هي اللي بتخلينا مستعجلين دايما .......... اللي يخلينا مستعجلين اننا برده ممكن يكون عايزين ننجز حاجات كتير في وقت قصير ..... مش بنطيق اننا نقعد قدام الحاجه وقت طويل لما بنعوز نعمل حاجه لو لقيناها اخدت وقت نلغيها وخلاص ..... اكتر حاجه تخلينا نحقق طموحاتنا اننا قدام ما بنكون عايززين الحاجه دي لازم يكون عندنا صبر ليها علشان تتحقق ........ ده ممكن يجي من قدوه برده شفنا حد كان مثلا حاجه بسيطه قوي وبقي حاجه كبيره اه في مده طويله بس بالصبر قدر انه يوصل ......... ميرسي بجد علي الموضوع ده

[Timon_Bumpa]

انا مش شايف اى علاقة بين الطموح والغضب
يمكن فية علاقة بين الطموح والتهور
وكيفية تحقيق هذا الطموح
بطريقة شرعية او لا

لكن الغضب دة بيبقى فى الطبع

[Mannon]

:thnk0001::thnk0001::thnk0001::thnk0001:


أولا :
الغضب نتيجة لعدم وجود سلام داخلى و عدم اقامة علاقة مع ربنا
ثانيا :
انا مش شايف علاقة بين الغضب و الطموح لأن الطموح ممكن يكون مرتبط بالتهور
ثالثا :
لازم نراجع علاقتنا مع اب اعترافنا و نقرب من ربنا اكتر



و ربنا يحفظكم

[RoRa]

كلام جميل

اراءكم كلها حلوة

واحب اضيف ان الغضب بجانب انه خطيه يعنى سببه روحى.....
كمان له اسباب تانية سواء عضوية(الشخص عصبى بطبعه نتيجة لنشاط زيادة فى الجهاز العصبى مثلا)
وممكن اسباب نفسية (زى أزمات كتيرة وامراض نفسية كتيرة بيكون من اعراضها الغضب )
وممكن كمان اسباب اجتماعية (زى عادات اجتماعية خاطئة زى الصوت العالى والزعيق علطول اقصد يعنى انه صفة مكتسبة من التنشئة الاجتماعية)

وكل الاسباب دى لها حل

والحل الاسهل والاحلى واللى يحل كله مع بعضه

هو
ربـنـــا

هو اللى بيقدر يخلى الاشرار ابرار والخطاه قديسين
هو اللى عارف نفس كل واحد وخالقها وقادر يغيرها

هو اللى بيدى السلام والهدوء والراحة


وفى الاخر لو عالجنا كل ده هنقدر ننمى طموحنا صح

[RoRa]

واحب اقول نقطة بخصوص الطموح

انه لازم يكون واقعى وفى حدود امكانيات الفرد

عشان ميكونش اقل منها فيتحقق والفرد مش يستفاد منه اوى ويحس انه اقل مايكون ويمكن يستكفى وما يحلمش او ميطمحش تانى

وكمان يكون مش اكبر من امكانياته لئلا يعجز الفرد عن تحقيقه فيشعر بالفشل

وكل ما استشار ربنا فى اى حلم بيحلمه واستشار اب اعترافه واللى اقدر واكبر منه واكتر خبره
كل ما هيمشى صح وفى الطريق المظبوط . لنجاح وحياه احسن

[Pink_Me]

الغضب ده Reaction لموقف معين ... صفة بشرية موجودة بس المهم ان يكون فيه Self control منخليش الغضب يأثر علينا و يخرج عن نطاق السيطرة و نرتكب الحماقات التى نندم عليها فيما بعد
و نأخذ بقول بولس الرسول فى رسالته الى أهل أفسس: اغضبوا و لا تخطئوا , لا تغرب الشمس على غيظكم
والسيطرة عن Oneself , يمكنك اتباع خطوات الاخ تيمون اللى كاتبها فالتطوير الذاتى

[Pink_Me]

ده كان الغضب .... بالنسبة للعصبية فهى بتبقى زيادة فى رد الفعل :
قد تكون وراثية , تجرى فى العائلات ... تلاقى الابن عصبى و باباه عصبى و يمكن جده كمان كان كده
و قد تكون لأسباب مرضية عدة ... أشهرها عالاطلاق امراض الغدة الدرقية و اللى بتزيد مع الحر مثلا و يبقى كده انت ظلمته فى حكمك عليه


بالنسبة للطموح .... بصراحة مش شايفاها تغضب او تعصب ... ده بالعكس الطموح ده Motivator to go fwd and gives hope to life

[Fr Matta]

شكرا على الموضوع الجميل ده وعندي هنا رأي متواضع

يمكن يكون فيه حقيقي علاقة بين الطموع والغضب ولكن إذا كان الطموح ممزوج بالطمع .. هنا فقط لا يعبأ الفرد بمشاعر الاخرين ولا بأفكارهم ولا بحقوقهم

أما رأي تيمون وبومبا فهو رأي محترم _ مثل باقي الاراء _ وهو أن الفرق بين الطموح والتهور شعرة ففي رأيي أن الطموح هو الاشتياق للنجاح وابتدئ اتخذ الخطوات المرتبة نحو النجاح
أما أن يتبع الشخص الخطوات نحو الهدف وهو يعلم أن في الطريق الذي يسلكه مخاطر سوف تؤدي للفشل

على أي حال بعض الناس تعطي مسميات خاطئة للفضائل وتلبس الرزائل ثوب الفضيلة مثل ان يسموا الطمع طموحا أو أن يطلقوا على الشخص المتهور انه شجاعا

[KERO]

هو انا الحقيقة مش بعانى اوى من الموضوع ده الحمد لله

و لكن انا ليا رايى
العصبية بتولد اشياء كتير كلها مضرة و اظن ان التسرع اكبر نتيجة و العند ايضا مما يؤثر على المستقبل و الطموح

علشان كده هيا شىء مش مطللوب بالمرة

[wadea86]

هقول رايى بصراحة كلما زاد الطموح بيزيد معاه المسئوليات وبالتالى بيزيد التوتر اللى بيؤدى بالتالى الى اننا ساعات بنبقى عصبيين
وكمان ساعات بيكون الواحد عصبى لما بيلاقى مافيش مشاركة للى معاه فى الجروب وخاصة لو كانوا مشتركين مع بعض فى شئ يعنى العصبية شعور بنقع فيه تحت الضغط الشديد بج
ويارب تبعد عننا التهور والعصبية

[wadea86]

موضوعك رااااااااائع يا ماما بجد ومنتظر المزيد
:3rbloadiz_3::3rbloadiz_3:

[fady1]

مساء الخير يا اصدقائى فى المنتدى احب اوضح اكتر من نقطة اولها ان الغضب فى حد ذاتة ليس خطية حتى ان الكتاب المقدس يقول اغضبوا و لا تخطئوا اذن الغضب فى حد ذاتة ليس خطية بل ما يترتب على الغضب من تاثيرات-

الطموح ليس خطا او خطية عندما يخلق اللة الطمو ح فى الانسان فان ذلك مرتبط باى وزنة قدخلقها اللة فى الانسان لاستخدامها فى تحقيق طموحة لكن من عادة الانسان انة يريد كل شيء بسرعة و استعجال لكن لا بد للانسان ان يدرك ان لكل شيء تحت السماء و قت و لا بد من مشورة اللة قبل الشروع فى اى شيء لا ن اللة صديق محب للانسان و سوف يقودة الى الطريق الاصلح و الاصح