عايزين نتناقش حواديت الحب الكتيره؟؟

[mama]

قصص الحب بقت مليا الدنيا الوقتى فعلا بقت اكتر من البش نفسهم
متستغربوش
لان الواحد بيحب واحده واتنين والعكس ولان قصص كتير بتفشل وقصص بتنجح
الموضوع مفتوح لاعلى درجه وهااااااااااااام جدا
وقررت افتحه هحكلكم قصص فيه واسمع ارائكم وحودايت وهندردش سوا كتير وانتو تحكو وكلنا كده هنقول كل اللى جوانا
شكلنا هنقلب اسامه منير كده
لااااااااااا
هنا فى راى تانى لاننا هنقول راى ربنا فى الموضوع وهنبصص للقصص فى اطار اننا كمسيحيين
واننا بنتعلم منه مش هنحتد ولا هنبعد عن الواقع
نعرف سبب فشل العلاقات فى الحب ونتجنبها
وسببب النجاح ونعمله
وايه انواع الحب وايه اسبابه وليه بنحتاجه وازاى نشبعه
استناكم اسمع ارائكم وهبدا بعد بكره فى اول حدوته

[aseeemo]

انا مع الفكرة
بس هو مين اللى هيبقى الحكم
فى هو هدا حب ولا لأ
ولا هو دة رأى ربنا ولا لأ
وكدة يعنى

اللى اعرفة ان الحب نسبى
فى اى حال من الاحوال
ولا يوجد من يقول رأى ربنا
لأنة فى علم الغيب

رجاء يبقى نقاش بينا حول الحب بكل أبعادة
ومانقولش دة رأى ربنا
ودة رأى الشيطان

ومتشكر قوى على
الموضوع الجميل دة
holy.girl

كل الردود علي الموضوع بتقول يا ريت نشارك ومفيش رد طب يا ريت حد يطرح موضوع شافه ونناقشه سوا يالا حد يعرض قصه ................

bavly
أنا معنديش قصة لكن عندي رأي في موضوع نجاح الحب أو فشله

اعتقد ان الحب الناجح معروف أوله ومعروف آخره _ ما تستغربوش
هابتدي م الاخر ..
الحب الناجح بينتهي قدام المذبح في صلاه الاكليل وطبعا دي ما بتكونش نهاية لكن بداية حياة مليانة بالحب

اما ازاي بيبتدي فدي بتختلف من واحد للتاني لكن في رأيي ان قصة الحب بتبتدي من العقل مش من القلب ولا العين ولا الأذن
يعني تحكم عقلك قبل ما تبتدي قصة الحب بعدها بقى يا سيدي ابقى حكم قلبك ولا عينك

وزي ما قصة الحب بتنتهي عند المذبح في سر الزيجة .. لازم برده تبتدي عند المذبح في سر الاعتراف !!

ولا إيه رأيكم ؟؟ :weeeeed:
رب المجد يكون معاكم
holy.girl
بجد فكرتك حكايه اول ونهايه قصه الحب دي جميله قوي هو ده الكلام من الاخر وحكايه كمانانها تبتدي باب الاعتراف ونهايتها في الاكليل بجد كلام جميل جدااااااااا وكمان طبعا طول القصه في المعيشه ربنا واقف معاهم ولا ايه لازم تكون ايد مسانداهم طول حياتهم .........
ojo

وبعدين بصراحه كده معظم المشاكل فى الحب بتبقى من تحت راس الاهالى بس لللاسف ديما بنبق احنا غلط وهام صح عشان لمجرد اهالى وابناء لاكن مفيش احترام لوجهات النظر بينهم مجرد قرارات ولازم تتنفز
aseeemo
هههههههههههههههههههههه
كلامكم جميل اوى
ربنا معاكم
بس انا راى ان الحب اثمى كتير اوى من اننا نتكلم فيه
علشان الحب مظلوم معانا كتير اوى
اتكلموا فى حاجه تانيه احسن
ojo
:poster_vt: :poster_vt: :poster_vt: :smiles-whistling: :smiles-whistling:
aseeemo
ماااااااااااااااااااالك يا ojo
كان نفسى اعرف رأيك

timon . bumpa
انا اللى نفسى اعرف رايك يا سيمو
يعنى اية الحب اكبر من اننا نتكلم فية
يعنى ربنا اكبر من اننا نتكلم علية
لكن لازم نحاول ونتكلم عشان نعرفة اكتر
بيتهايلى الحب كدة بردة
لازم نتكلم فية ونعرف خبرات بعض
عشان نفهمة اكتر

مستنى ردك ياسيمووووووو
لتوضيح وجهة نظرك ؟؟؟

tamtam
امير الاحزان جاب من الاخر بس الحب شىء حلوخالص وكتير من القصص انتهت امام المذبح لكن المهم يكون ان المسيح هو الى يعمل فية مش حد تانى ولو دخلنا المسيح هينجح ان شاء الرب

[holy.girl]

يا جماعه كل كلامكوا جميل بس عايزين حد يفتح قصه نتناقش فيها عامه هقول انا قصه افتراضيه واحب اعرف اراكوا كلكوا وحد برده بعد كده يحط قصه افتراضيه مش لازم تكون حقيقيه .......
القصه .....
لو واحده مثلا اتعرفت علي واحد في الكليه عجبها عجبته والكلام ده كله هو كان سابقها بكذا سنه واتخرج وخلص الجيش واشتغل كويس والحمد لله وهي اتخرجت هو جه اتقدملها في البيت بس هي حست انه اتغير كتير عن ما كان في الكليه يعني مبقاش زي الاول في طباع .... ممكن اه يكون مثلا الشغل اثر علي شخصيته بقي واخد جزء كبير من حياته وبقي ياخد الجواز من منظور واحد واحده تيجي في البيت تربيله العيال كويس ويعرفوا ربنا لكن الحب اللي كانوا بيحبوه لبعض قبل كده اتغير كتير كتير ... ايه رايكوا بقي في الحكايه دي هل هي توافق علي اساس الحب الكبير اللي كان بينهم ولا ترفض علي اساس انه دايما مش هيبقي فاضي ؟؟؟؟؟؟؟؟؟
وبعد الرد علي القصه دي يا ريت حد يحط قصه افتراضيه تانيه


aseeemo
انا عندى قصه وحقيقيه عايز رأيكم ياللى عايزين تتكلموا فى الحب
القصه
كان فى واحد قابل واحده فى الكليه و حبها و حبته اوى وربنا كان معاهم فى احكايه و كانوا عايشين عيشه جميله اوى واتفقوا على كل حاجه و كان دائما ربنا معاهم
الولد كان مش بتاع ربنا و بمساعده البنت بقا كويس و بقا بيخدم فى الكنيسه و هو كان مبسوط بالتقدم دة
لأنه مكنش يحلم بيه
وفجأه انقلب الحال
اكتشف الشاب انه مريض و هذا المرض يمنعه من الجواز
و كان يعانى صراع كبير جدا
بين انه يخبر الحبيبه ام لا يخبرها ويبعد ام لا يخبرها يكمل
قال لنفسه
الامر الاول
لو اخبرتها كان متأكد انها لاتتركه لنها كانت تحبه حب كبير و مع ذلك انه يمنعها من انها تعيش الحياه الجميله اللى كانوا يحلموا بيها
الامرالتانى
اذا لو يخبرها و بعد عنها سوف تتهمه بالغدر و اللعب بعواطفها مع انه مظلوم
الامر الثالث
انه يكمل و لا يخبرها و هذا الذى لم يفكر به قط لأنه احبها حب كبير
اهى قصه اهى و حقيقيق
شوفتوا الحب ممكن يعمل ايه
انتم مش متخيلين الشاب ده عامل ازاى
بس هو قرر انه يبعد و لا يخبرها بشىء
و لكن كل مينظر الى عيناها يرجع بالزمان بيفتكر الكلمه اللى ملتهم بالشوق و الحنان و يرجع قلبه يزيد عزابه
و هى فاكره انه كان بيلعب بيها و بيخدعها
قولولى الحل
ادى الحب و الاااااااااااااااااااامه

صدقونى الحب كلمه جميله اوى
بس الحب مظلوم معانا كلنا
ليه بنقول عليه مش عارف ايه
اكيد العيب فينا لفحبايبنا
عايز حد يرد على قصتى
وقولولى ايه الصح و ايه الغلط

لو بتحبه هتوافق بى رغم كل التغيرات اللى حصلت
وهى هتقدر تغيره لأن كان فى حب مبينهم قبل كدة
وهو لو بيحبها هيتغير
يعنى من الاخر لو هما بيحبوا بعض هيعملوا اى حاجه علشان يسعدوا بعض
الحب مبنى على التنازلات سواء من الرجل او من المرأه علشن الحب يفضل موجود و يعيشوا عيشه جميله
لكن لو مفيش حب مش هيقبلوا لبعض كلام و المشاكل هتكتر بلاش منها من الاول
اهم حاجه الحب موجود و لا لأ
لو موجود خلاص ربنا يوفقهم
و لو مش موجود يبقا تعنس احسن

ده راى المتواضع حسب فهمى للحب
holy.girl

الصح يا سيمو في وجهه نظري يعني انه لو بعد عنها ومعرفهاش اكيد طبعا ده هيأثر في نفسيتها جدااااااااا وممكن يتعبها بس زي ما احنا عارفين ان كل حاجه بتمر مفيش حاجه بتفضل فهيمر عليها الوقت وهتنسي عادي يعني .... اما بقي بالنسبه ليه فهو كده بجد بيحبها والدليل عن حبه ليها انه خايف عليها وعلي مصلحتها وبكده هو بيحبها ... وردي انه مش لازم يقولها انه لو قالها وهي عرفت اكيد طبعا هتتعاطف معاه وممكن الموضوع يمشي عادي لكن ... ياويله من المشاكل اكيد اللي هتحصل بعد كده .... فهو بعيد عنها كده كويس وبعدين دي اراده ربنا وربنا مرتب حاجات معينه لكل انسان طبعا اكييد ..... ياريت قبل ما تجوبوا علي السؤال ده تقروا القصه اللي فاتت وتجاوبوا عليها

aseeemo

باين من كلامك انه مش غلطان
بس مش ده جزاته انه عمل الخير
بس اقولك على حاجه
هى لو بتحبه مش هتعمل زى م قولتى
انها هتنسى
لأ
المفروض متنساش لو بتحبه بجد
بس نعمل ايه فى الولد التعبان ده
الحل ايه
محدش يقولى ينسا
علشان صعب اوى
علشان هو كان بيحبها
اوى اوى اوى اوى اوى

holy . girl

معلش الولد التعبان ده المفروض انه يسلم حياته في ايج ربنا انا مقلتش ينسا بس يتمنالها الخير ... ههههه معلش يا سيمو انا قلت انها مش هتعرف قصته لانه مش هيحكيلها اكيد برده مش هتلاقي سبب مقنع برده انه سابها عايزها ايه تفضل تحبه وهو سابها وحتي مقلهاش ايه سبب انفصالهم !!!!!!!

ان الاعمال بالنيات يا اخت هولى

بس صدقينى هو بيتمنالها الخير على الاقل كان بيحبها فى يوم من الايام و عمره مهنساها دى كفايه

holy.girl

هاااااااااااا يالا حد يحط قصه تانيه ؟؟؟؟؟؟؟
ojo
انتوا بتتعبوا نفسكوا علي الفاضي
holy.girl
ليه بس كده يا اوجو
ojo
كده ياهولى صدقينى كل ده كلام الكلام حاجه والواقع حاجه تانيه انا ممكن احل كل المواضيع بالكلام لاكن فى الفعل هتلقيها صعبه جدا لانك مش عايشه لوحدك ولا هو عايش لوحده دا فى اهل وفى ناااااس وفى شياطين وفى ملايكع
الواقع غير كده خاااااااااااااااالص عشان كده انا مش هحط قصص عشان الاقى ليها حل

holy.girl

يا اوجو احنا بنتكلم علي حاجات حصلت فعلا في الواقع مش حاجه جديده عايزين ليها حل صدقني
ojo
انا قصدى من كلمه ان الواقع حاجه تانيه ان الفعل غير الكلام

[RoRa]

عندك حق يا اوجو
القصة حقيقية والحل فيه شئ من الرومانسية والخيال مش واقعى
صحيح ممكن هى تفضل معاه لكن هو مش ممكن الحب ده يتحول لشفقة
وهو هيستحمل ده منها؟؟
وحتى لو متحولش .. هيستحملوا يعيشو بعد كده عادى؟ وهما مش عايشين حياه زى كل الناس ومش هيكون ليهم اسرة فيها اولاد؟ يمكن مش دى تكون مشكلة بالنسبالهم؟
طيب والاهل؟ والناس؟ والمجتمع؟
فكروا بواقعية شوية

الصح يسيبها من غير ما يقول اسباب وقبل مايسيبها يفهمها انه غصب عنه ومش هيقدر يقول اسباب