lucia_bent_rabna
16-06-2007, 11:16 AM
كان ياما كان
كان فى طالب بكلية هندسه ودماغه متكلفه كده وكويسه
كان متشوش فى ولا محاضره ولا مره حتى ولو كانت غلطه
تلاقيه دايما وسط اللمه مع مجموعه كده اسمها شله او خارج من تجربة حب مره وناسى دراسته كده بالمره كان فاكر الدنيا دى تسليه يخرج مره مع ليلى ومره مع لميا
ناسى حتى وجود ربنا فى حياته ومضيع وقته عايش لنفسه ولذاته
والشاب اللى فاكر نفسه امور وكل بنت فى كون عليه بتدور وانه لو شاور لواحده تيجى له بتجرى
ومره لابس كاجوال ومره من العصر الحجرى
مره تلاقى شعره شبه امنا الغوله ومره تانيه زى الغجرى
وهكذا من حكايات على صديقنا الشاب
ولو حكيتها كلها مش هنقفل للحوار باب
المهم الشاب عمره ما حل شيت ولا كتب محاضره ولا فى يوم كان نشيط ولا راح مقابله
مشغول فى قصص حب مبتنتهيش وطبعا كلها فاشله
لانه بيدور على المظاهر وفاكر انه كده كويس واصاحابه بيسندوه يجبوله امتحان
يغششوه يخدو شيتو ويحلووووووووه
وهو عايشها سنه ينجح وعشره بيخللوه
المهم وصل وبقى فى بكالريوس بعد ما خلاص كان هيكله السوس
وقرب يطلع من الكليه مهووس
بقاله عشر سنين خدمه فى هندسه
ووالده ووالدته حالتهم بقت مكربسه
والواد مخرجش من الكليه غير بقصص كلها مش كويسه
وسمعه وصلت لابونا اللى ناداه وقالى يا بنى اعقل بقى
لازم تنجح لازم تقدر يا حبيبى باباك قد ايه علشانك شقى
لازم تحافظ على صورة ربنا اللى جواك
والناس تشوفك تقول مسيحى ما احلاك
ومش علشانك يجدفو على اسم المسيح الحلو الجميل
ارجع تانى لحضنه هو محافظ علينا وحاضنا جيل بعد جيل
صدقنى يابنى ملكش غير الرب يسوع هو هيداوى جروحك ويمسحلك اى دموع
يلا يا حبيبى ذاكر واجتهد واطلب من الرب النجاح
الواد صاحبنا هدت اعصابه وكلام ابونا خلاه يرتاح , لكن بعد ماروح نسى كل اللى تقال
عارفين ليه؟؟
اصله روح لقى على جدران اوضته صور كتييير للمثلين وحاجات تانيه كتير
وقعد على النت شويه برضه كتير
واتصلت بيه صاحبته لولا وبولا و غيرهم كتير
وخرج مع شلته راح السنيما والقهوه واماكن زى كده كتيير
و باليل مشى فى الشوارع يعاكس دى وده واتخانق كتير
صحيح اتزرعت فيه بذرة توبه لكن محافظش عليها
محاولش ينميها ويجرى وراها
محاولش يزرعها ويعيش فى حماها الدنيا حواليه معثره مجريش مهربش
من كل الحاجات دى مبعدش
المهم بقى نرجع تانى للقصه بعد ما الكل حاول معاه ومنفعش
طلعت مره رحله وكل اصحابه طلعو وكان فى شيت مهم جدااا
عليه كل درجات اعمال السنه وكان لازم يتسلم
وكان صاحبنا متعود اصحابه يسلمولوه
لكن الرحله قامت بيهم ومسلموش الشيت فاضطر صاحبنا اسفا انه يسلمه بنفسه
قعدت صاحبنا ساعتين يدور متحير
بيدور على ايه؟
بيدور على مكان القسم وقلقان
وبعد ملاقى قسمه قعد ساعه كمان يدور على اوضة الدكاتره وهو حيران
اصل اول مره يروح ويسلم خايف وجبان اول مره يطلب من ربنا الامان
او انه يكون معاه وكانه فى امتحان
المهم لاقى الاوضه ودخل لاقى 4 دكاتره بالتمام والكمال
راح لاول دكتور وقاله عايز اسلم الشيت بتاع الدكتور فلان
ضحك الدكتور وقاله اهو هناك الدكتور فلان الولد احمر وشه وجتله حالة هيجان
وراح يسلم الشيت للدكتور فلان
الدكتور فلان ضحك وقاله لا مش انا الدكتور فلان ده اللى كنت عنده هو بس بيهزر معاك كمان
الولد وشه احمر اكتر وزاد الهيجان وطلب الرب الحنان
ورجع للدكتور الاولانى فراح الدكتور معلى صوته وقاله كده برضه يا دكتور تدوخ الولد
لا يا حبيبى عارف الدكتور اللى على المكتب التالت ده هو الدكتور فلان
صاحبنا جاله حالة ذهول والجل اللى فى شعره ساح
وعلى الدكتور التالت راح
فالدكتور التالت قال لا بقى كفايه كده الولد تعب سبوه يرتاح يابنى الكتور الرابع ده هو الدكتور فلان
راح الولد وكان حاسس بتعب فى كل جسمه وشويه وهيقع من طوله ويتقطع نفسه
فالدكتور قاله لا يا بنى الدكتور الالولانى هو .................
وهكذا يا جماعه فضلوا ربع ساعه يشتغلوه بجد حقيقى
ولحد ماكان الدكتور فلان دخل من بره وحاكوله الدكاتره الموقف بتاع الواد الغلبان
والمصيبه يا اخوان
ان الاربع دكاتره اللى كانو فاعدين عنده فى القسم مبيتين
فقاله الدكتور الخامس اللى هو فلان
بقالك خمس سنين فى الكليه ومش عارف ولا واحد فى الدكاتره
دكتور خرسانه وواحد اساسات واللى ستراكشر واللى استيل
انت ليلتك مطينه بطين انت قاعد معانا كتير
ده كل واحد فينا على الاقل اداك سنه من السنين
اولى او تانيه او تالته او اعدادى
قاله بقالى عشر سنين
قاله وبتقلها كده عادى
طب يا حبيبى اشتغل بقى ودور على عروسه
علشان مش هتخرج من هندسه ولا بالكوسه
وراح الولد منهار
واغمى عليه من الموقف وعلى الاسعاف ودوه حاوله ينقذو قعدله اسبوعين
مش دارى بالناس
والكل حواليه بيبكى باحساس لكن كل شلته سابوه خافو يستقصدهم دكتور
لما يشفوهم معاه او حتى بيتكلمو وياه
وفضل صاحبنا لوحده وعاد طبعا السنه لكن حياته بقت مدمره
وجاله ابونا ماسك صليبه يصليله
قاله يا حبيبى متزعلش ربنا مبينساش مبيسبش
راح الولد قاله يا بونا ده ربنا نسانى
طلبته وما نجانى قلتله الحقنى وانا داخل وكن قاصد يسيبنى او يمكن يكون هو اللى فى داهيه ودانى
ليه موقفش جنبى ومن الموقف كان نجانى
راح ابونا بكى قدامه وقاله بتلوم ربنا على ايه
ده كان وياك خطوه بخطوه فى حياتك خلقك علشان بيحبك وسعى لنجاتك
لما سقطنا فى الخطيه مات علشنا بحب عجيب
اتصلب فدانا على الصليب قدم ذاته علشانا
ليه انت عايش لدلوقتى ربنا بيديك فرصه ترجع تقدم توبه
بتعاتب ربنا على ايه يا بنى ده بقالى سنين بيدور عليك
كل مايسال عليك يدور ما يلاقيك
يلاقيك مشغول ناسى انك مسؤل عن اسمك اللى منقوش فى كفه
ناسى انك حامل اسمه
تفتكر ربنا سايبك كام خناقه نجاك منها وكام قصة حب فاشله انهاها
علشان متضرش منها كام مره كنت هتضيع حياتك كام مره كنت هتبيع ذاتك كام مره خرجك
من دايرة الادمان لعاده شريره او انسان
بتعاتب ربنا على ايه على حبه يااااه يا بنى
ربنا يستاهل منك كل ده تنساه تنكره تصلبه
وتيجى فى الاخر تعاتبه
ربنا ميستاهلش منك كده يا بنى
ابونا مكنش بيانبه ده كان بيبكى جدا بتاثر والولد بكى معاه وقاله ياه يا ابونا قد كده عزبت معايا كتير
ربى واسرتى وكل اللى حواليا
انا انسان خاطى استاهل الموت يارب خدنى وريحنى من الوجود
ابونا خده فى حضضضضضضضضنه وقاله لا يا بنى اوعى تقول
اوعى تخلى للياس جواك وجود الشيطان يحاربك بالخطيه ولما تقع يحاربك ويقلك الله مش موجود
والياس يبقى جواك من غير حدود
اركع معايا نصلى لربنا ونطلب منه انه ميسبناش
انه يرجع تانى يخدنا فى حضنه بالرغم من جحودنا بحبه
وركع صاحبنا وابونا للصلاه
قاعدوا ساعات يصلوا
والولد فعلا كان مشتاق انه يصلى
ويقول بقالى سنين مصلتش ياه يارب
مش قادر اشبع من الوقفه معاك الله يارب انا عايز اكون وياك
الله يارب انا محتاك لحنانك انا واثق بوجودك واثق بوعودك واثق بحكمتك ورافتك ومغفرتك ليا
وقعد صاحبنا قاعده كبيره ويا ابونا يعترف بكل شىء
والاخر قاله يا قدس ابونا ممكن طلب
قاله اتفضل يا بنى
قاله ليه ربنا وقف جنبى كل ده وفى الموقف الوحيد الى طلبته سابنى
قاله يا بنى مقاصد الله لا يعلمها غير الله
يمكن ربنا كان عايز يوصلك اللى انت فيه دلوقتى يرجعك ليه من تانى
ولو كان نجاج وسلمت الشيت بسلام كنت خرجت زى ما دخلت
الولد قاله عندك حق يا ابونا بس مستقبلى ضاع
قاله ابونا لا يا حبيبى مضعش ولا حاجه اطلب من ربنا وهو معاك
دايما وياك انت تحت رعايته
مش هيسيبك ابدا اطلب منه بس بقوه
ورسب تانى صديقنا فى السنه اللى بعديها لكن مسبش ايد ربنا وكان كل اصحابه كانوا اتخرجوا
وقطع علاقته بيهم وكان خادم حلو اوى وكان راجع بقوه لحضن ابوه
بس العجيب فى حكمة ربنا
ان السنه الاولانيه دكتور من الدكاتره سافر بعثه
والسنه اللى بعدها سافر ببعثه تانيه والسنه التالته اللى كان فيها دكتور اتحال على المعاش وفضلو دكتورين
ونجح صاحبنا وشايل مدتين كان اشتغل شغله
وخطب كمان ولسه معاه مادتين وفضلو معاه للسنه اللى بعدها كمان والدكتورين الاخرنيين نجحوه فى تالت سنه
لان اسمه كان فى اسم تانى شبه نجح هو والشخص التانى شال المادتين
لكن عرف بعد كده ان زميله قدم تظلم ونجح فى المادتين بس بعد ما صاحبنا نجح وخرج
ومش بس كده لا اتجوز وحيااته اتغيرت بالكااااااامل
وساعتها عرف ان فعلا
مقاصد الله لا يعلمها غير الله
كان فى طالب بكلية هندسه ودماغه متكلفه كده وكويسه
كان متشوش فى ولا محاضره ولا مره حتى ولو كانت غلطه
تلاقيه دايما وسط اللمه مع مجموعه كده اسمها شله او خارج من تجربة حب مره وناسى دراسته كده بالمره كان فاكر الدنيا دى تسليه يخرج مره مع ليلى ومره مع لميا
ناسى حتى وجود ربنا فى حياته ومضيع وقته عايش لنفسه ولذاته
والشاب اللى فاكر نفسه امور وكل بنت فى كون عليه بتدور وانه لو شاور لواحده تيجى له بتجرى
ومره لابس كاجوال ومره من العصر الحجرى
مره تلاقى شعره شبه امنا الغوله ومره تانيه زى الغجرى
وهكذا من حكايات على صديقنا الشاب
ولو حكيتها كلها مش هنقفل للحوار باب
المهم الشاب عمره ما حل شيت ولا كتب محاضره ولا فى يوم كان نشيط ولا راح مقابله
مشغول فى قصص حب مبتنتهيش وطبعا كلها فاشله
لانه بيدور على المظاهر وفاكر انه كده كويس واصاحابه بيسندوه يجبوله امتحان
يغششوه يخدو شيتو ويحلووووووووه
وهو عايشها سنه ينجح وعشره بيخللوه
المهم وصل وبقى فى بكالريوس بعد ما خلاص كان هيكله السوس
وقرب يطلع من الكليه مهووس
بقاله عشر سنين خدمه فى هندسه
ووالده ووالدته حالتهم بقت مكربسه
والواد مخرجش من الكليه غير بقصص كلها مش كويسه
وسمعه وصلت لابونا اللى ناداه وقالى يا بنى اعقل بقى
لازم تنجح لازم تقدر يا حبيبى باباك قد ايه علشانك شقى
لازم تحافظ على صورة ربنا اللى جواك
والناس تشوفك تقول مسيحى ما احلاك
ومش علشانك يجدفو على اسم المسيح الحلو الجميل
ارجع تانى لحضنه هو محافظ علينا وحاضنا جيل بعد جيل
صدقنى يابنى ملكش غير الرب يسوع هو هيداوى جروحك ويمسحلك اى دموع
يلا يا حبيبى ذاكر واجتهد واطلب من الرب النجاح
الواد صاحبنا هدت اعصابه وكلام ابونا خلاه يرتاح , لكن بعد ماروح نسى كل اللى تقال
عارفين ليه؟؟
اصله روح لقى على جدران اوضته صور كتييير للمثلين وحاجات تانيه كتير
وقعد على النت شويه برضه كتير
واتصلت بيه صاحبته لولا وبولا و غيرهم كتير
وخرج مع شلته راح السنيما والقهوه واماكن زى كده كتيير
و باليل مشى فى الشوارع يعاكس دى وده واتخانق كتير
صحيح اتزرعت فيه بذرة توبه لكن محافظش عليها
محاولش ينميها ويجرى وراها
محاولش يزرعها ويعيش فى حماها الدنيا حواليه معثره مجريش مهربش
من كل الحاجات دى مبعدش
المهم بقى نرجع تانى للقصه بعد ما الكل حاول معاه ومنفعش
طلعت مره رحله وكل اصحابه طلعو وكان فى شيت مهم جدااا
عليه كل درجات اعمال السنه وكان لازم يتسلم
وكان صاحبنا متعود اصحابه يسلمولوه
لكن الرحله قامت بيهم ومسلموش الشيت فاضطر صاحبنا اسفا انه يسلمه بنفسه
قعدت صاحبنا ساعتين يدور متحير
بيدور على ايه؟
بيدور على مكان القسم وقلقان
وبعد ملاقى قسمه قعد ساعه كمان يدور على اوضة الدكاتره وهو حيران
اصل اول مره يروح ويسلم خايف وجبان اول مره يطلب من ربنا الامان
او انه يكون معاه وكانه فى امتحان
المهم لاقى الاوضه ودخل لاقى 4 دكاتره بالتمام والكمال
راح لاول دكتور وقاله عايز اسلم الشيت بتاع الدكتور فلان
ضحك الدكتور وقاله اهو هناك الدكتور فلان الولد احمر وشه وجتله حالة هيجان
وراح يسلم الشيت للدكتور فلان
الدكتور فلان ضحك وقاله لا مش انا الدكتور فلان ده اللى كنت عنده هو بس بيهزر معاك كمان
الولد وشه احمر اكتر وزاد الهيجان وطلب الرب الحنان
ورجع للدكتور الاولانى فراح الدكتور معلى صوته وقاله كده برضه يا دكتور تدوخ الولد
لا يا حبيبى عارف الدكتور اللى على المكتب التالت ده هو الدكتور فلان
صاحبنا جاله حالة ذهول والجل اللى فى شعره ساح
وعلى الدكتور التالت راح
فالدكتور التالت قال لا بقى كفايه كده الولد تعب سبوه يرتاح يابنى الكتور الرابع ده هو الدكتور فلان
راح الولد وكان حاسس بتعب فى كل جسمه وشويه وهيقع من طوله ويتقطع نفسه
فالدكتور قاله لا يا بنى الدكتور الالولانى هو .................
وهكذا يا جماعه فضلوا ربع ساعه يشتغلوه بجد حقيقى
ولحد ماكان الدكتور فلان دخل من بره وحاكوله الدكاتره الموقف بتاع الواد الغلبان
والمصيبه يا اخوان
ان الاربع دكاتره اللى كانو فاعدين عنده فى القسم مبيتين
فقاله الدكتور الخامس اللى هو فلان
بقالك خمس سنين فى الكليه ومش عارف ولا واحد فى الدكاتره
دكتور خرسانه وواحد اساسات واللى ستراكشر واللى استيل
انت ليلتك مطينه بطين انت قاعد معانا كتير
ده كل واحد فينا على الاقل اداك سنه من السنين
اولى او تانيه او تالته او اعدادى
قاله بقالى عشر سنين
قاله وبتقلها كده عادى
طب يا حبيبى اشتغل بقى ودور على عروسه
علشان مش هتخرج من هندسه ولا بالكوسه
وراح الولد منهار
واغمى عليه من الموقف وعلى الاسعاف ودوه حاوله ينقذو قعدله اسبوعين
مش دارى بالناس
والكل حواليه بيبكى باحساس لكن كل شلته سابوه خافو يستقصدهم دكتور
لما يشفوهم معاه او حتى بيتكلمو وياه
وفضل صاحبنا لوحده وعاد طبعا السنه لكن حياته بقت مدمره
وجاله ابونا ماسك صليبه يصليله
قاله يا حبيبى متزعلش ربنا مبينساش مبيسبش
راح الولد قاله يا بونا ده ربنا نسانى
طلبته وما نجانى قلتله الحقنى وانا داخل وكن قاصد يسيبنى او يمكن يكون هو اللى فى داهيه ودانى
ليه موقفش جنبى ومن الموقف كان نجانى
راح ابونا بكى قدامه وقاله بتلوم ربنا على ايه
ده كان وياك خطوه بخطوه فى حياتك خلقك علشان بيحبك وسعى لنجاتك
لما سقطنا فى الخطيه مات علشنا بحب عجيب
اتصلب فدانا على الصليب قدم ذاته علشانا
ليه انت عايش لدلوقتى ربنا بيديك فرصه ترجع تقدم توبه
بتعاتب ربنا على ايه يا بنى ده بقالى سنين بيدور عليك
كل مايسال عليك يدور ما يلاقيك
يلاقيك مشغول ناسى انك مسؤل عن اسمك اللى منقوش فى كفه
ناسى انك حامل اسمه
تفتكر ربنا سايبك كام خناقه نجاك منها وكام قصة حب فاشله انهاها
علشان متضرش منها كام مره كنت هتضيع حياتك كام مره كنت هتبيع ذاتك كام مره خرجك
من دايرة الادمان لعاده شريره او انسان
بتعاتب ربنا على ايه على حبه يااااه يا بنى
ربنا يستاهل منك كل ده تنساه تنكره تصلبه
وتيجى فى الاخر تعاتبه
ربنا ميستاهلش منك كده يا بنى
ابونا مكنش بيانبه ده كان بيبكى جدا بتاثر والولد بكى معاه وقاله ياه يا ابونا قد كده عزبت معايا كتير
ربى واسرتى وكل اللى حواليا
انا انسان خاطى استاهل الموت يارب خدنى وريحنى من الوجود
ابونا خده فى حضضضضضضضضنه وقاله لا يا بنى اوعى تقول
اوعى تخلى للياس جواك وجود الشيطان يحاربك بالخطيه ولما تقع يحاربك ويقلك الله مش موجود
والياس يبقى جواك من غير حدود
اركع معايا نصلى لربنا ونطلب منه انه ميسبناش
انه يرجع تانى يخدنا فى حضنه بالرغم من جحودنا بحبه
وركع صاحبنا وابونا للصلاه
قاعدوا ساعات يصلوا
والولد فعلا كان مشتاق انه يصلى
ويقول بقالى سنين مصلتش ياه يارب
مش قادر اشبع من الوقفه معاك الله يارب انا عايز اكون وياك
الله يارب انا محتاك لحنانك انا واثق بوجودك واثق بوعودك واثق بحكمتك ورافتك ومغفرتك ليا
وقعد صاحبنا قاعده كبيره ويا ابونا يعترف بكل شىء
والاخر قاله يا قدس ابونا ممكن طلب
قاله اتفضل يا بنى
قاله ليه ربنا وقف جنبى كل ده وفى الموقف الوحيد الى طلبته سابنى
قاله يا بنى مقاصد الله لا يعلمها غير الله
يمكن ربنا كان عايز يوصلك اللى انت فيه دلوقتى يرجعك ليه من تانى
ولو كان نجاج وسلمت الشيت بسلام كنت خرجت زى ما دخلت
الولد قاله عندك حق يا ابونا بس مستقبلى ضاع
قاله ابونا لا يا حبيبى مضعش ولا حاجه اطلب من ربنا وهو معاك
دايما وياك انت تحت رعايته
مش هيسيبك ابدا اطلب منه بس بقوه
ورسب تانى صديقنا فى السنه اللى بعديها لكن مسبش ايد ربنا وكان كل اصحابه كانوا اتخرجوا
وقطع علاقته بيهم وكان خادم حلو اوى وكان راجع بقوه لحضن ابوه
بس العجيب فى حكمة ربنا
ان السنه الاولانيه دكتور من الدكاتره سافر بعثه
والسنه اللى بعدها سافر ببعثه تانيه والسنه التالته اللى كان فيها دكتور اتحال على المعاش وفضلو دكتورين
ونجح صاحبنا وشايل مدتين كان اشتغل شغله
وخطب كمان ولسه معاه مادتين وفضلو معاه للسنه اللى بعدها كمان والدكتورين الاخرنيين نجحوه فى تالت سنه
لان اسمه كان فى اسم تانى شبه نجح هو والشخص التانى شال المادتين
لكن عرف بعد كده ان زميله قدم تظلم ونجح فى المادتين بس بعد ما صاحبنا نجح وخرج
ومش بس كده لا اتجوز وحيااته اتغيرت بالكااااااامل
وساعتها عرف ان فعلا
مقاصد الله لا يعلمها غير الله