هدية منى لكلية هندسة

[RoRa]

طول عمري بحب التعليم

أصل أنا واد في العلم قديم

كان مجموعي في الثانويه

حاجه بتاع تسعين في الميه

قلت يا هندسه أما بلاش

شغلانه غيرها ما تنفعناش

أول سنه كان كلي حماس

قافل علي نفسي الترباس

أحضر سكشن أسلم شيت

كنت بنام زي الكتاكيت

أول ترم عدي عليا

أتمنيت أرجع ثانويه

أخد نجمه وأغني بلادي

أخد فسحه وألعب عادي

بس يا عيني مش وقت رجوع

أنا عيني خلاص عالمجموع

أول سنه عديتها نضيف

والمجموع كان برضه ظريف

جبت يا دوب سبعين في الميه

راحت فين أيام ثانويه؟

قلت يا كهربا أما بلاش

قسم غيره ما ينفعناش

ومن يوميها أنا أتجنيت

ولا عمري في حاجه عديت

بكتب أسمي و أطلع تاني

تعمل أيه لو كنت مكاني؟

ميت دكتور عايزين مشاريع

وبقيت واد في العلم فظيع

أخري مقاومه وأحسب لووووب

قوانيني بقت بالشقلوب

حبه بحبه بقيت بلاص

بس يا ناس مرفوع الراس

أخد الصفر وأحاول تاني

أنا يائس كده ليه وبعاني

نفسي أجيب لو يوم مقبول

حد يقولي مين مسئول؟

أن أحنا في ساقيه بنتعلم

ولا راضي حد يتكلم

خلينا مشيين جنب الحيط

عاشقين أوي فن التخبيط

حاول تفهم مني كلامي

ولو ما فهمتش حعيد من تاني


http://gfx1.mail.live.com/mail/w1/ltr/i_safe.gif معبر جدا الحقيقه .......عن كل اللى احنا بنشوفه وبنعيشه

مش تاليفى طبعا ده منقول
عشان ماتضربش

[pop210]

معبر جدا

[GESU'CRISTO]

جميل يا رورا بس اول مره اعرف انك شاعرة جامده كده ربنا معاكي GESU` E` CON TUA

[maro nabil]

حلو قوي بس الحمد الله اني مش في هندسة

[M33n4]

جميله اوى يارورا :breakfast-5_text_3:

[RoRa]

جميل يا رورا بس اول مره اعرف انك شاعرة جامده كده ربنا معاكي GESU` E` CON TUA

ميرسى خالص بس انا وضحت انه مش من تاليفى
وعموما انا بكتب فى قسم المواهب لو حبيت تقرالى حاجة من تاليفى يعنى

[RoRa]

ميرسى يا جماعة على الردود
http://img101.imageshack.us/img101/8716/7of9tr0.gif

[RoRa]

ايه محدش عاد بيدخل هندسة ولا ايه
فين مهندسين المنتدى

[sota]

أنا حسيت كانك بتوصفيني ف كل اللي قلتيه ومش كفايه الواحد يدخل هندسه لا مبيحرمش ويدخل كهربا يلا
بس عالعموم جامددددده

[RoRa]

ميرسى كتيييييير ليكى
ومبسوطة انى نشنت فيكى صح ههههه
يلا ربنا معاكى

[sooso]

جميل جداااااااااااااااااااا
الكلام دا مش بيحصل لهندسة بس تقريبا لكل الجامعات

[sota]

أنتي مش نشنتي انتي خبطتيها فيا ههه والكلام ه مبيحصلش لاي كليه فعلا بجد
لان هندسه هما المعذبووووووووون علي الارض!!!!:qqb012:

[sea weave]

قوانيني بقت بالشقلوب


حبه بحبه بقيت بلاص


بس يا ناس مرفوع الراس


أخد الصفر وأحاول تاني


أنا يائس كده ليه وبعاني


نفسي أجيب لو يوم مقبول


حد يقولي مين مسئول؟


أن أحنا في ساقيه بنتعلم


ولا راضي حد يتكلم


خلينا مشيين جنب الحيط


عاشقين أوي فن التخبيط


حاول تفهم مني كلامي


ولو ما فهمتش حعيد من تان
ايه الكلام الجامد دا

[mero only]

دة حال التعليم كله مش هندسة بس
اسالونى انا كونت بالظبط كدة اول مادخلت الجامعه
ودلوقتى بقول يارب مقبووووووول هههههههههههه
شكرا يارورا

[axcis]

أول سنه كان كلي حماس


قافل علي نفسي الترباس


أحضر سكشن أسلم شيت


كنت بنام زي الكتاكيت

ده كلام هندسة خالص . هايلة رورا

[RoRa]

http://img213.imageshack.us/img213/36/837590837.gif

[Girgis1001]

حلو الكلام فعلا ومنور عشان هندسه كهربا مش بس كدا ومرصوص جمب بعضه بطريقه فيها هندسه مبانى كمان تسلم الايادى فعلا فى انتظار المزيد