كلمات ترنيمه لتعليم الحروف القبطي

[holy.girl]

انت وحدك القدوس
أنت وحدك العالي


يا ربي يسوع المسيح

بارك كل أحوالي


ألفا فيتا غما دلتا

إي سو دولا أول ستة


الألفا أولهم غالي

ينطق آه مفخم عالي


والفيتا ليها ودنين

باصين ناحية اليمين


نطق الفيتا بيحلالي

يتأثر بالحرف التالي


لو متحرك ينطق ف

لو ساكن هنقوله ب


و الغما ده مش معقول

تلات حالات و شرحه يطول


جيم مع غين و كمان نون

يللا نسمع المضمون


لو بعده متحرك كسر

ينطق جيم في كلمة جسر


لو بعده حلقي هيكون

نطق الغما علطول نون


لو ماجاش بعده الإتنين

ينطق حرف الغما غين


و الدلتا سهل و جميل

ينطق ذال في كلمة ذيل


في الأسماء هنقوله دال

ودافيد لينا أحلى مثال


حرف الإي ينطق إيه

كسر خفيف في كلمة جيه


أما السو من الأرقام

ورقم 6 بالتمام



دولا كانو 6 حروف نحفظهم إعملوا معروف والجمعة الجاية يا شاطرين راح نحفظ 6 تانين

زيتا إيتا ثيتا يوتا

كبا ولولا عملم شله


زيتا زين كلماتها يوناني

ما عدا كلمة أنزيب


أنزيب يعني مدرسة

يدخلها الطفل الحبيب


أما الإيتا دي اتنين يوتا

يه ممطوطة في الفيل مظبوطه


حرف الثيتا ليه نطقين

ثه أو ته مع حرفين



سيما أو شاي قبلها الإتنين

حرف اليوتا يه مسخوطة

هي عميقة لكن مضغوطة


حرف الكبا ينطق كاف

وبعده الولا ينطق لام



كملوا الستة بالتمام و هنقول ليكوا سلام

منتظر تعليقاتكم و مساعتكم للتكملة تقال على وزن ابصالية الخميس
http://www.shabab-elfady.com/vb/images/smilies/1%20(24).gif

[Nanos]

الللللللللللة يا هولى طريقة جميلة لتعلم الحروف القبطية برافوووووووووووووووو وميرسى من هنا للاسبوع الجاى

[gooono]

شكرا ليكى يا هولى على الطريقة الجميلة دية وعلى التمييز دة وربنا يبارك حياتك
منتظرين المزيد

[yost_ena]

حلوة جدا كلمات ترنيمة تعليم الحروف القبطى بس علشان نعرفها اكتر وتثبت فى دماغنا ياريت تضعها فى المنتدى نسمعها ترنيمة فعلا ولك جزيل الشكر والرب يعوضوك محبتك وفى انتظار المزيد والرب يبارك فى خدمتك 0 http://www6.0zz0.com/2008/01/29/22/606039885.gif

[AMIR]

http://up.9ll9.com/uploads/images/9LL9-9a7022404b.gif (http://up.9ll9.com/uploads/images/9LL9-9a7022404b.gif)

[chrestianus]

جميلة اوى اوى اوى لبكرة عايزين حاجات من دى كتييير
تى شيب إهموت انتوتك إيماشووووووو

[roooma]

موضوع جميل اوى اوى اوى بس انا مش عارفة ابصاليه الخميس بتتقال ازاى بس انا عملتها على وزن تانى بس طلع جميل

[moramor]

:3rbloadiz_24:ممكن اوقات بتوب

[wadea86]

ترنيمة رااااااااااااااائعة يا هولى
ربنا يباركك

[sosokoko]

جميلة قوي وياريت تتلحن علشان نقدر نحفظها
:3rbloadiz_1:

[holy.girl]

ميرسي لردودكوا
واهتمامكوا

[فتاة الاحلام]

بجد تحففففففففففففففففففففففففففففففففففة من هنا لحد القرن اللي جاي مش اسبوع و سهلة اوي لاي حد صغير او مبتدئ في تعلم اللغة القبطية و ربنا يبارك تعب محبتك

[VERONICA]

bgd wooooooooooooooooooooooooooooooooow

[feroo]

thanks

[بحب الفادى]

ميرسى على الكلمات الأكثر من الرائعه