الحب والزواج علي الانترنت .....

[holy.girl]

mama

ممممممم ايه اراء الحب الروعه دى ده الكمنتدى كله حبيب كبير
هههههههههه
طب عهايزه اعرف ارائكم فى الجواز عن طريق النت؟؟؟؟؟؟؟؟


timon_bumpa

ممكن يكون التعارف بيتوثق عن طريق النت
ومافيش اكتر من الماسنجرات اللى بتتكلم صوت
يعنى اكنهم بيتكلموا فى التليفون
دة فى حالة لو كانوا عارفين بعض والموضوع كبر بعد النت

لكن لو قصدك اتعرفوا على بعض عن طريق النت اصلا
وماشافوش بعض اصلا
اعتقد انة بيكون فية حلقة ناقصة
ممكن يتعرفوا على بعض اكتر
لغاية مايشوفوا بعض هايوصلوا للحلقة الضايعة

لكن يحبوا على نفسهم كدة وهما على النت وماشافوش بعض
هيلاقية صاحبة بيشتغلة فى الاخر !!!!!

mama

طب يا ترى ؟؟؟؟

ليه الشباب بيلجا لحب النت والارتباط بيه؟؟؟؟
وهل الولد بيحترم البنت اللى بيتعرف عليها من خلال النت ويتكلمو وبعدين مايك وبعدين صوره فموبايل حتى لو كان الهدف الزواج؟؟؟؟؟؟؟؟؟؟
وهل بيفكر انها تكون عملت كده كتير مع ناس تانيه؟

timon_bumpa


الشباب لا يلجأ عن قصد

الشباب قاعد على النت 24 ساعة
بيتعرف واحدة بيعرفها اكتر
بيحبها بتقوم من هنا العلاقة دة لو كان نيتة سليمة

لكن لو كان واخد الحكاية لعب
هايحب 23 بنت فى وقت واحد ويقيضيها بقة
يبقى دة تقضية وقت مش حــــــب !!!

اية المشكلة انها تتعرف على شباب عن طريق النت

ولو على مثال الصحوبية والصداقة بلاش نقول حب دلوقتى

كدة انتى بتقولى ان فتاة النت دى فتاة ............. لا مؤاخذة
وهى البنت اما تتعرف على ولد عن طريق مؤتمر ولا اجتماع ولا جامعة
اية فرقها اما تتعرف علية عن طريق النت

دة حتى النت لو مش عايزة تتعرف هاتعملة بلوك وتريح دماغها
لكن لو فى مؤتمر او جامعة او ما خلافة
هاتبقى مجبرة انها تكمل التعارف

وحكاية تعارف فمايك فصورة فموبايل
كل دددددة بيحصل من غير كلمة بحبك واحدة على اساس الصداقة فقط

يا ماما النت زى مافية الوحش فية الحلو
وعامة نظرة الشاب مش هاتتغير كتير من واحدة بيقابلها فى الجامعة
وبيكلمها عن واحدة قاعدة على النت وبيكلمها
لا اما يبقى عندة الاتنين كويسين لا اما الاتنين عندة .............

والنوع التانى دة يوم مايفكر يرتبط عشان يجوز
يقولك انا عايز واحدة من البلد ماتعرفش غير ابوها وامها !!!


من غير مايفكر

هى اكيد عملت كدة كتيييييييييير
ودى مش حاجة مخجلة يعنى
دى حاجة عادييييييييييييييية !!!

يا ريت يكون رايى وصل :give_rose:

mama

انا بسال مش استفسار يا ابنى ده لمجرد انى عايزه انقاشكم
وانا اعرف النت اكيد قبلك ويمكن من وانت فى ابتدائى مثلا عامة مش مهم

انت رايك ان عادى اى بنت مسيحيه كل ما تكلم ولد على سبيل الصداقه والصحوبيه تبعتلو صورتها وتكلمو مايك وتليفونات وده سبيل الصحوبيه وانت شايف انك ممكن ترتبط بكده
ومتقبل ان لو عندك اخت تعمل كده؟؟؟؟؟

وتشوفها بتكلم ولد على المايك وانت جنبها وصورتها مع كل ولد على النت ؟
احب اعرف رايك
ورايكم كلكم


ojo

امممم انا مع تيمون فى الراى لانى اعرف ناس مترتبطين فعلا عن طريق النت واتخطبو سنتين وهيتجوزو ايه المشكله فى كده
دى مش حاجه وحشه ولا حاجه ولو حاجه وحشه معتقدش انه كان هيرتبط بيها لانه لو فكر انها هتكون عملت كده قبل كده
عمش هيوافق انه يخطبها ولا يتجوز فا دى بتبقى عن ثقه
وكمان هى مش هتحط صورتها لكل واحد على النت لان مفيش حد بيعمل كده ازا كانت هى كده فا هى بتبقى عايزه كده لاكن شم معنى كده انا احان نظلم كله فى الكويس وفى الوحش وفى النصيب

mama

انا وانا بتكلم مقصدتش اقول انى اعترض على الارتباط عن طريق النت
انا شفت حاله واحده نجحت وسط عشر حلات فشلو ومقلتش ان ده غلط فى حد زاته
انا اعترضت بس ان يبقى ده عادى لبناتنا تداول صورها وتلفونتها مع اولاد متعرفهاش وايه هى المعرفه عن طريق النت عجبنى رد تيكمون ان لازم المعرفه تكون من بره وممكن تتوثق من النت لكن النت من الاول
انا اعرف بنت سابت المسيح بسبب كده لان الولد ضحك عليها وفى الاخر طلع غير مسيحى وحاجات تانيه كتير
ياولاى انا بقول ان الثقه لا تنشا من النت لان الشات مجال كبير للنصب
ومقلتش ان مفيش حد منجحش بس بتكون فى عوامل تانيه لنجاحه

timon_bumpa


واضح ان الرد ماوصلش نهائى


وثانيا
زى ماقالك اوجو
مافيش بنت عامة بتبعت صورتها
الا اذا كانت مقتنعة باللى هى بتعملة


وثالثا
زى ما انت قلتى
اكيد لازم تكون عارفاة الاول
قبل ماتتورط فى قصة حب وكدة
وبيتهايلى دة كان باين فى ردى من الاول


لكن انا مش مع الحب اللى يبقى عن طريق النت مباشرة
من غير مايشوفوا بعض

وكان ليا تعليق صغير على البنت اللى سابت المسيح دى
دى كانت مقتنعة بكدة
لا اما انكرت المسيح بمزاجها

بلاش حكاية الولد ضحك عليها دى
ماحدش بيضحك علية اليومين دول
ولو كان ضحك عليها وقالها فى الاول انة مسيحى
هى اللى ادتلة الفرصة يعمل كدة
عشان حبتة من غير ماتشوفة !!!

ojo

:no.comint:يارب يكون راينا وصلك يا ماما



patora

:no.comint:

[Dr.smart]

موضوع مهم جداااااااااااا وانتشر كتير بين الشباب
بصراحة المسئول عن الموضوع ده فى الاول والاخر هو البنت لان هى اللى بتسمح اها تدى صورتها لاى حد هى كده ممكن تسبب عثرة للى بتديهاله والسيد المسيح قال ويل لمن ياتى من قبله العثرات
ممكن البنت تتعرف على الولد من خلال النت بس المهم انها مطورش العلاقة لحد متوصل للحب ممكن تكون صداقة انها تستفاد مثلا من خبراته فى الخدمه ده لو كان التعارف من الاول على النت لكن انها تديله الصورة والموبايل فده مرفوض
لكن لو كان هما عارفين بعض من الجامعة او الكنيسة فده بيبقى صداقة وممكن يكون النت بمثابة وسيلة بيزداد منها التعارف على بعض وممكن انه يطور لحب او تفضل صداقة مبنية على النيه السليمة
وبالنسبة للبنت اللى سابت المسيح فده كان بمزاجها وبارادتها لانها لو كان ايمانها قوى بالسيد المسيح مكنتش تقدر تسيبه حتى لو كانت الضيقة اللى فيها كبيرة وشديدة
انا رفضة مبدا ان الواحدة تدى صورتها لاى حد اتعرفت عليه من النت او حتى ولد صديقها اتعرفت عليه فى الجامعة او الكنيسة
ده راى واتمنى انه يكون وصل
شكرا ليكو كتير على تعبكم
ربنا يعوضكم ويبارككم

[maro nabil]

حب النت بالنسبة ليا شايفاة خيالي ومش واقعي ومش بيستمر كمان وكمان مش بيبقي في وضوح اية الضمان ان دة جد وانت مش شوفتة ومش تعرفة اصلا وعلي اساس اية تثق فية وتديلة صورتك او تكلمة مايك وكمان كتير من الشباب بيهزر وبيتكلم علي اساس بنت والعكس لا بصراحة حب النت فية مشاكل كتير وكلام مش صحيح

[ojo]

حب النت بالنسبة ليا شايفاة خيالي ومش واقعي ومش بيستمر كمان وكمان مش بيبقي في وضوحاية الضمان ان دة جد وانت مش شوفتة ومش تعرفة اصلا وعلي اساس اية تثق فية وتديلة صورتك او تكلمة مايك وكمان كتير من الشباب بيهزر وبيتكلم علي اساس بنت والعكس لا بصراحة حب النت فية مشاكل كتير وكلام مش صحيح
ايه الخيالى فى حب النت انا اقول انه خيالى فى حاله ان 100% فاشل
لكن لو فى 1% بس ناجح يبقى منطلقش عليه جمله فاشل
لان بدم فى 1 نجح يبقى العيب من الباقى
مش بيبقى فى وضوح
مش كل الناس فى ناس تستخدمه غلط
اية الضمان ان دة جد وانت مش شوفتة ومش تعرفة اصلا وعلي اساس اية تثق فية
الوضوح فى ناس صادقه مع نفسها وناس لاء انا مش بثق فيه بمعنى الثقه
وتديلة صورتك او تكلمة مايك
منا مش هديله صوره بكل سهوله الا ازا كانت مش فارقه معاكى
او وثقه فيه من طريقه كلامه اكيد تقدرى تميزى ازا كان بيشتغلك ولا لاء والكدب ملوش رجلين لازم هيقول حاجه وهيرجع يغيرها او هيقول حاجه انت تحسى انه بيكدب عليكى
ودى حاجه بتيجى من الخبره والحياه
موضوع ان ان الولد يعمل نفسه بنت والكلام ده والعكس ممكن دى ناس بتتسلى
لاكن مش كله اه طبعا فى ناس بتسخدمه غلط كتيير بس مش معنى كده ان كل الناس بتسخدمه غلط
الموضوع ان فى حبي وزواج عن طريق الانترنت اه طبعا فيه وبينجح 100%

[mama]

او وثقه فيه من طريقه كلامه اكيد تقدرى تميزى ازا كان بيشتغلك ولا لاء والكدب ملوش رجلين لازم هيقول حاجه وهيرجع يغيرها او هيقول حاجه انت تحسى انه بيكدب عليكى
ودى حاجه بتيجى من الخبره والحياه

يا اوجو
انت شايف ان من طريق الكلام تقدر تعرف اللى قدامك بس حتى من غير صوت وشايف انه لازم هيكدب او يتكشف
ولو هو عنده بقى خبره كويسه اوى وقادر على انمه ميتكشفش لانه سهل الخداع جدا عن طريق الشالت ومين يضمن انه الولد ده صادق ؟؟؟؟؟؟؟؟
ثم هل بناتنا يبقو معمل تجارب بقى على النت نجرب مره ومره اه ومره لا
ولو واحده وسط ميه نجحو تفتكر التسعه وتسعين بيجرالهم ايه؟؟؟؟؟؟
نفسيتهم شعورهم سمعتهم وهكذاااااااا
وهل الواحد بيقرر ان علشان حاله نجحت يبقى صح؟؟؟؟؟

انا شايفه ان ممكن علاقه تتوطت عن طريق النت زى ما تيمون قال بالظبط
يعنى اكون عارفاه عارفه اسرته وواثقه انه محترم اولا
وبعدين ممكن ساعااتها النت يكمل وبرضه مش شرط للنجاح الارتباط فى ظروف كتير اوى تانيه غير ده
يا اولادى الجواز ده اكبر من مجرد العواطف والحب صدقونى الظروف ساعات بتقتل اجمل حب لو سمحنالها بكده
ساعات مشاكل الاسر او التاليد او اجتمعايات فارغه تدمر ارتباطات كان من الغير متوقع تدميرها
الزواجح مش بس عاطفه دى اسره مسؤليه حياه كامله ممكن مع اول ازمه وتتفكك
وده بيحصل كتيير جداااا ويا ما حكاوى
اهم حاجه نحط عواطفنا فى ترتيبها الصحيح بعد الروح والعقل ساعتها نقدر نتحكم فيها

[ojo]

ساعات مشاكل الاسر او التاليد او اجتمعايات فارغه تدمر ارتباطات كان من الغير متوقع تدميرها

حلوه دى اوى عندك حق ياماما فى دى
هل بناتنا يبقو معمل تجارب بقى على النت نجرب مره ومره اه ومره لا
ولو واحده وسط ميه نجحو تفتكر التسعه وتسعين بيجرالهم ايه؟؟؟؟؟؟
نفسيتهم شعورهم سمعتهم وهكذاااااااا
كل واحد يستحمل اخذ قرارته
موضوع هل بناتنا يبقو معمل تجارب بقى على النت نجرب مره اه ومره لا
مش لازم تقعد كل واحد حر خايفين من التجربه ميجربهاش اصلا
كل واحد مساول عن نفسه

[mama]

يا حبيبى انت بتقول كده لانك ولد وبعيد عن الموضوع خاالص

بس احنا المفروض نعلم ولادنا امال ايه فايدة الخبره اللى انت بتاخدها انك تديها لولادك
بعد كده
انت عمرك ما ترضى ان بنتك كل ما تكلم ولد تثق فيه وتبعتله سواء صوره ورقم موبايلها وتشفها بتضحك وتهزر يا حبيبى دى مش تقاليدنا ولا عادتنا وهنبقى مجال نقد من المجتمع طبعاااااااا
وعثره للاخرين ويقولوا اهو المسحيين اهو
انتو بتقولو ان البنات مش بيضحك عليها
فى بنات صغير ساذجه لسه مش عارفه حاجحه فى الدنيا بسهوله تنجذب وتتشد بعيد
وتغلط كمان وساعتها نقول دى بتجرب
فى حاجات التجربه فيها

مش معناها غير
الموووووت



صدقنى مش كل حاجه تتجرب بالنسبه للبنت انا شفت حالات كتير اوى
يا ابنى انا عايزه اعرف منكم هل الفراغ العاطفى والروحى وزالاجتماعى واختفاء المواهب وتقلصها عند النت بس
هعو سبب فى تكوين العلاقات على النت

وعايزه احكلكم قصه
فى ولد عنده 20 سنه بالظذبط الولد مدمن نت تقريبا ملوش علاقه باى حاجه من الدنيا غير النت وصديقه الوحيد جهاز الكمبيوتر حب بنت عن طريق النت وجت قالتلنا البنت مش عن طريقه
المشكله انه مش بيعرف يواجهه الحياه هو شخصيه شات وبس
انسان ميتقلش عليه انه مش مؤدب محترم
بس بعيد عن ربنا كلية وبعيد عن العالم والواقع
وبعد سنين والبنت اتعلقت بشخصيتة الوهميه على النت
اتقدملها وكان كانه طفل صغير ووهو قاعد يطلب ايديها ولما بدات تقرب منه اكتشفت انه بنى ادم تانى ضعيف مهزوز بيستمد قوته من كلامه بس واعترفت لينا ان الشات على النت هو اكبر خدعه
والشاب ده بعد التجربه دى دلوقتى فى مصحه للامراض النفسيه لانه زاهد جتله زى ما تقول صدمه انا معرفش طبعا فى علم النفس بس تقريبا رافض للتعامل مع الواقع والحياه والدنيا بكل مشاكلها ويمكن يكون عندى كيزوفرينيا ولا حاجه من كترة التشييت
دى قصه واقعيه وربنا يرحم


ساعات مشاكل الاسر او التاليد او اجتمعايات فارغه تدمر ارتباطات كان من الغير متوقع تدميرها

حلوه دى اوى عندك حق ياماما فى دى
فعلا دى حقيقه ليا واحده صاحبتى فسخت خطوبة بنتها لانهم اتخانقوا مين هيجيب المكواه ومضرب البيض ههههههههههههههه

[ojo]

منا بقول لحضرتك انا حلوه اوى اوى لانها عن تجربه
:no.comint:

[KERO]

الموضوع ده انا من اكتر المعارضين ليه بس بصراحة الى بيحبوا على النت معاهم عذرهم

طيب تصدقوا لو قلتلكوا ان انا نفسى حبيت مرتين على النت مع انى اساسا بعارض الموضوع ده ههههههههه

[tom_gerry]

بصى بقى ياماما انتى ممكن تكونى معتقده ان موضوع الحب عن طريق الانترنت ده حاجه غلط بس اعتقد انه مش غلط لانه ممكن يوصل افكار كتير جايز هى مش قادره توصلها له وجها لوجه وهو كذلك ممكن يقول لها حاجه على النت برده بنفس الاسلوب .
ولو افترضنا ان كل بنت بتكلم واد على الانترنت دى بنت مش كويسه يبقى مفيش بنات هتتجوز خلاص
هل انتى مكلمتيش واحد صاحبك على النت ولو من سبيل الصدفه او المجامله او غير كده .
النت ده وسيله كويسه جدا للتعارف .... موضوع النت ده حاجه جديده وبالنسبه للحاجات القديمه حاجه تافهه فى وسائل للتعارف اوحش من النت بكتير فى بنات الليل فى ديسكو فى حاجات كتير ........
ندااااااااااااااااااء الى كل فتاه بصى لنفسك وعيشى حياتك مش انه عاوز نمره الموبايل يبقى انتى بنت مش كويسه او انه عاوز الايميل ده كله كلام فاضى ......
بالنسبه للقصه بتاعه البنت اللى هى سابت المسيح دى بصى فى حاجه بتقول من انكرنى امام الناس انكره انا امام الله فياريت نفهم يعنى وبعدين الشهداء والقديسين كانوا بيموتوا علشان اسم المسيح تيجى دى علشان بتحب واحد تسيب المسيح ده انا لو اتقطعت مش هفكر ولو لحظه انى اسيب دينى مهما كان وضعى اقولك غيرى افكراك دى وعيشى احنا مش فى العصر الحجرى انزلى وشوفى احنا هنا الدنيا مقفوله علينا قوى علشان كده بنفكر فى الكلام .......
فكرى و مستنى الرد ........

[Mannon]

بصراحة انا شايف ان حب النت ملوش امان يعنى ممكن يكون صادق و ممكن يكون اشتغالة و بصراحة منقدرش نحكم هو انهى واحد فى دول لأنة بيتوقف على الولد او البنت اللى بيحبوا بعض عن طريق النت فممكن يكون الولد بيهزر و ممكن تكون البنت بتتسلى شوية لكن لية نلجأ للزواج و الحب عن طريق النت هل لا يوجد ابناء أو بنات كويسة تعرفهم أو فى كنيستك ؟؟؟ لا اعتقد هذا بالاضافة الى ان حكاية الزواج دى نصيب و بارادة ربنا لو ربنا عايزهم يرتبطوا ببعض تبقى دى ارادة ربنا اما اذا فشلت فلازم يعرفوا انها برضة ارادة ربنا
و لذلك فلكل انسان ظروفة و اسبابة و دى حاجات منقدرش نعرفها .........


و على فكرة الموضوع مميز جدااا بجد و شكرا ليكى يا مـا مـا .

[Timon_Bumpa]

حكاية الزواج دى نصيب
إنت متاكد من الكلام دة !!!!!!!!
:asl: :asl: :asl:

[totaia]

انا شايفة ان موضوع الارتياط عن طريق النت دة فى معظم الحالات و يمكن كلها بيكون مصيرة الفشل
لان من السهل جدا ان واحد يضحك على اى بنت او العكس عن طريق النت لانها مش شايفاة و طبعا اكبر غلط انها تديلة صورتها او رقمها بمجرد انهم بقو اصحاب عن طريق النت
انا من رايى ان محدش يصاحب حد حتى بمعنى الزمالة اللى عن ثقة يعنى بمجرد انهم اتكلمم شوية سوا على النت
لان ممكن يتخدعو فى بعض و تكون صدمة لاى حد فى الطرفين بانة مثلا قالها انة ولد و طلع بنت او العكس
فما بالكم الارتباط بقة
دى حياة تانية و مستقبل مش بس مستقبل الشخصين اللى هيرتبطو لكن كمان مستقبل اولادهم من بعدهم
و بعدين لية اى بنت او اى ولد يخاطر انة يمر بتجربة زى كدة تكون نهايتها صدمة لية او ليها و تكون النتيجة ان بس اى طرف منهم هو اللى هيواجة الصدمة دى و تكون حاجة مش سهلة تاثر على حياتة كلها بعد كدة
و مش معنى ان حالة نجحت فى الارتباط عن طريق النت يبقى معنى كدة ان ممكن الباقى ينجح لا طبعا متنسوش ان كل قاعدة و ليها شواذها
و فى النهاية انا من رايى ان بلاش الانسان يخاطر و تكون النهاية صدمة تسيب ذكرى مؤلمة فى حياتة و اكيد
حاجة زى دى هتاثر اوى علية و على شخصيتة و على اسلوبة و زى القصة اللى ماما قالتها كدة " الشاب دة كانت النهاية انة دلوقتى فى مصحة يعنى حتى حياتة مستمرتش زى ما كانت ماشية و البنت اكيد اتصدمت "
ميرسى اوى اوى على التوبيك بجد موضوع جميل و مهم اوى

[M@RK]

اعتقد ان التعارف الى بيبقى على النت بس دا قمه الفشل بالنسبه لبناء اسره مسيحيه واعتقد ان الاختيار لازم يكون على معرفه شخصيه بالشخص المطلوب للزواج
لان دا فى الاول او فى الاخر جواز مش لعب عياااااااااااال

[RoRa]

انا مش برجح كده خالص ولا بحبه

هو ممكن لو عارفين بعض من قبل كده اه ومتاكدين من بعض يحبو بالنت او بمعنى يتعرفو على بعض اكتر ويقربو من بعض اكتر ماشى

لكن اصلا متعرفين من النت وعمرهم ما شافو بعض لا طبعا هو انا هشترى سمك فى مية
وبالنسبة للصورة والموبايل وكده
غلط خالص وبالذات الصور
واحد متعرفيهوش اوعى تبعتى صورتك لحد انتى متضمنيهوش
ومتعرفيش لعب عدو الخير جوه الناس
ومتعرفيش الكوارث اللى بتحصل بالصور عن طريق الفوتوشوب وغيره

ربنا يحافظ على كل ولاده وبناته

[insomnic]

طيب ممكن اسال سؤال و من فضلكوا عاوز اجابه منطقيه و مقنعه
هنفرد ان في اتيت كويسين اتعرفوا علي بعض من علي النت
و كانوا في الاول اصحاب عادي جدا
و واحده بدات بنهم مشاعر اتطورت واحده واحده
تليفونات مثلا او اي حاجه
و بداوا يصارحوا بعض بالمشاعر دي و كدا
بس في كل خطوه كانوا بيفكروا فيها و كدا
و قابلوا بعض و فعلا بقي بنهم حاجه حلوه
و مع دا كله كانوا بيحترموا بعض كويس و مش بيعملوا اي حاجه
يندموا عليها
هل توافقوا علي الحكايه دي ولا لا؟
و ملحوظه حب النت ده في كتير ناس ارتبطوا منه
مستني الاجابات

[ايليا طلعت]

شكراااااااا على المناقشة دى
بس رايئ فى الموضوع ده انه مرفوض جدااااااااااااا
من الكثير منا ومن الاباء الكهنة
وانا رايئ ان اى بنت بتعمل كدا اسمه لعب